भैरव्यष्टोत्तरशतनामस्तोत्रम् १ अथवा त्रिपुरभैरव्यष्टोत्तरशतनामस्तोत्रम् Shri Bhairavi Ashtottarashatanamastotram

अथवा श्रीत्रिपुरभैरवी अष्टोत्तरशतनामस्तोत्रम् ।॥ श्रीगणेशाय नमः ॥॥ श्रीउमामहेश्वराभ्यां नमः ॥॥ अथ भैरव्यष्टोत्तरशतनामस्तोत्रप्रारंभः ॥श्रीदेव्युवाच ।कैलासवासिन्भगवन्प्राणेश्वर कृपानिधे ।भक्तवत्सल भैरव्या नाम्नामष्टोत्तरं शतम् ॥ १॥

athavā śrītripurabhairavī aṣṭottaraśatanāmastotram ||| śrīgaṇeśāya namaḥ |||| śrīumāmaheśvarābhyāṃ namaḥ |||| atha bhairavyaṣṭottaraśatanāmastotraprāraṃbhaḥ ||śrīdevyuvāca |kailāsavāsinbhagavanprāṇeśvara kṛpānidhe |bhaktavatsala bhairavyā nāmnāmaṣṭottaraṃ śatam || 1||

न श्रुतं देवदेवेश वद मां दीनवत्सल ।श्रीशिव उवाच ।शृणु प्रिये महागोप्यं नाम्नामष्टोत्तरं शतम् ॥ २॥

na śrutaṃ devadeveśa vada māṃ dīnavatsala |śrīśiva uvāca |śṛṇu priye mahāgopyaṃ nāmnāmaṣṭottaraṃ śatam || 2||

भैरव्याः शुभदं सेव्यं सर्वसम्पत्प्रदायकम् ।यस्यानुष्ठानमात्रेण किं न सिद्ध्यति भूतले ॥ ३॥

bhairavyāḥ śubhadaṃ sevyaṃ sarvasampatpradāyakam |yasyānuṣṭhānamātreṇa kiṃ na siddhyati bhūtale || 3||

ॐ भैरवी भैरवाराध्या भूतिदा भूतभावना ।कार्य्या ब्राह्मी कामधेनुः सर्वसम्पत्प्रदायिनी ॥ ४॥

oṃ bhairavī bhairavārādhyā bhūtidā bhūtabhāvanā |kāryyā brāhmī kāmadhenuḥ sarvasampatpradāyinī || 4||

त्रैलोक्यवन्दिता देवी महिषासुरमर्द्दिनी ।मोहघ्नी मालतीमाला महापातकनाशिनी ॥ ५॥

trailokyavanditā devī mahiṣāsuramarddinī |mohaghnī mālatīmālā mahāpātakanāśinī || 5||

क्रोधिनी क्रोधनिलया क्रोधरक्तेक्षणा कुहूः ।त्रिपुरा त्रिपुराधारा त्रिनेत्रा भीमभैरवी ॥ ६॥

krodhinī krodhanilayā krodharaktekṣaṇā kuhūḥ |tripurā tripurādhārā trinetrā bhīmabhairavī || 6||

देवकी देवमाता च देवदुष्टविनाशिनी ।दामोदरप्रिया दीर्घा दुर्गा दुर्गतिनाशिनी ॥ ७॥

devakī devamātā ca devaduṣṭavināśinī |dāmodarapriyā dīrghā durgā durgatināśinī || 7||

लम्बोदरी लम्बकर्णा प्रलम्बितपयोधरा ।प्रत्यङ्गिरा प्रतिपदा प्रणतक्लेशनाशिनी ॥ ८॥

lambodarī lambakarṇā pralambitapayodharā |pratyaṅgirā pratipadā praṇatakleśanāśinī || 8||

प्रभावती गुणवती गणमाता गुहेश्वरी ।क्षीराब्धितनया क्षेम्या जगत्त्राणविधायिनी ॥ ९॥

prabhāvatī guṇavatī gaṇamātā guheśvarī |kṣīrābdhitanayā kṣemyā jagattrāṇavidhāyinī || 9||

महामारी महामोहा महाक्रोधा महानदी ।महापातकसंहर्त्री महामोहप्रदायिनी ॥ १०॥

mahāmārī mahāmohā mahākrodhā mahānadī |mahāpātakasaṃhartrī mahāmohapradāyinī || 10||

विकराला महाकाला कालरूपा कलावती ।कपालखट्वाङ्गधरा खड्गखर्प्परधारिणी ॥ ११॥

vikarālā mahākālā kālarūpā kalāvatī |kapālakhaṭvāṅgadharā khaḍgakharpparadhāriṇī || 11||

कुमारी कुङ्कुमप्रीता कुङ्कुमारुणरञ्जिता ।कौमोदकी कुमुदिनी कीर्त्त्या कीर्त्तिप्रदायिनी ॥ १२॥

kumārī kuṅkumaprītā kuṅkumāruṇarañjitā |kaumodakī kumudinī kīrttyā kīrttipradāyinī || 12||

नवीना नीरदा नित्या नन्दिकेश्वरपालिनी ।घर्घरा घर्घरारावा घोरा घोरस्वरूपिणी ॥ १३॥

navīnā nīradā nityā nandikeśvarapālinī |ghargharā ghargharārāvā ghorā ghorasvarūpiṇī || 13||

कलिघ्नी कलिधर्मघ्नी कलिकौतुकनाशिनी ।किशोरी केशवप्रीता क्लेशसङ्घनिवारिणी ॥ १४॥

kalighnī kalidharmaghnī kalikautukanāśinī |kiśorī keśavaprītā kleśasaṅghanivāriṇī || 14||

महोत्तमा महामत्ता महाविद्या महीमयी ।महायज्ञा महावाणी महामन्दरधारिणी ॥ १५॥

mahottamā mahāmattā mahāvidyā mahīmayī |mahāyajñā mahāvāṇī mahāmandaradhāriṇī || 15||

मोक्षदा मोहदा मोहा भुक्तिमुक्तिप्रदायिनी ।अट्टाट्टहासनिरता कङ्कणन्नूपुरधारिणी ॥ १६॥

mokṣadā mohadā mohā bhuktimuktipradāyinī |aṭṭāṭṭahāsaniratā kaṅkaṇannūpuradhāriṇī || 16||

दीर्घदंष्ट्रा दीर्घमुखी दीर्घघोणा च दीर्घिका ।दनुजान्तकरी दुष्टा दुःखदारिद्र्यभञ्जिनी ॥ १७॥

dīrghadaṃṣṭrā dīrghamukhī dīrghaghoṇā ca dīrghikā |danujāntakarī duṣṭā duḥkhadāridryabhañjinī || 17||

दुराचारा च दोषघ्नी दमपत्नी दयापरा ।मनोभवा मनुमयी मनुवंशप्रवर्द्धिनी ॥ १८॥

durācārā ca doṣaghnī damapatnī dayāparā |manobhavā manumayī manuvaṃśapravarddhinī || 18||

श्यामा श्यामतनुः शोभा सौम्या शम्भुविलासिनी ।इति ते कथितं दिव्यं नाम्नामष्टोत्तरं शतम् ॥ १९॥

śyāmā śyāmatanuḥ śobhā saumyā śambhuvilāsinī |iti te kathitaṃ divyaṃ nāmnāmaṣṭottaraṃ śatam || 19||

भैरव्या देवदेवेश्यास्तव प्रीत्यै सुरेश्वरि ।अप्रकाश्यमिदं गोप्यं पठनीयं प्रयत्नतः ॥ २०॥

bhairavyā devadeveśyāstava prītyai sureśvari |aprakāśyamidaṃ gopyaṃ paṭhanīyaṃ prayatnataḥ || 20||

देवीं ध्यात्वा सुरां पीत्वा मकारपञ्चकैः प्रिये ।पूजयेत्सततं भक्त्या पठेत्स्तोत्रमिदं शुभम् ॥ २१॥

devīṃ dhyātvā surāṃ pītvā makārapañcakaiḥ priye |pūjayetsatataṃ bhaktyā paṭhetstotramidaṃ śubham || 21||

षण्मासाभ्यंतरे सोऽपि गणनाथसमो भवेत् ।किमत्र बहुनोक्तेन त्वदग्रे प्राणवल्लभे ॥ २२॥

ṣaṇmāsābhyaṃtare so'pi gaṇanāthasamo bhavet |kimatra bahunoktena tvadagre prāṇavallabhe || 22||

सर्वं जानासि सर्वज्ञे पुनर्मां परिपृच्छसि ।न देयं परशिष्येभ्यो निन्दकेभ्यो विशेषतः ॥ २३॥

sarvaṃ jānāsi sarvajñe punarmāṃ paripṛcchasi |na deyaṃ paraśiṣyebhyo nindakebhyo viśeṣataḥ || 23||

॥ इति श्रीभैरव्यष्टोत्तरशतनामस्तोत्रं सम्पूर्णम् ॥

|| iti śrībhairavyaṣṭottaraśatanāmastotraṃ sampūrṇam ||