भद्रकाल्यष्टोत्तरशतनामस्तोत्रम् Shri Bhadrakali Ashtottara Shatanama Shtotram

श्रीनन्दिकेश्वर उवाचभद्रकालीमहं वन्दे वीरभद्रसतीं शिवाम् ।सुताम्रार्चितपादाब्जं सुखसौभाग्यदायिनीम् ॥अथ स्तोत्रम् ।ॐ भद्रकाली कामरूपा महाविद्या यशस्विनी ।महाश्रया महाभागा दक्षयागविभेदिनी ॥ १॥

śrīnandikeśvara uvācabhadrakālīmahaṃ vande vīrabhadrasatīṃ śivām |sutāmrārcitapādābjaṃ sukhasaubhāgyadāyinīm ||atha stotram |oṃ bhadrakālī kāmarūpā mahāvidyā yaśasvinī |mahāśrayā mahābhāgā dakṣayāgavibhedinī || 1||

रुद्रकोपसमुद्भूता भद्रा मुद्रा शिवङ्करी ।चन्द्रिका चन्द्रवदना रोषताम्राक्षशोभिनी ॥ २॥

rudrakopasamudbhūtā bhadrā mudrā śivaṅkarī |candrikā candravadanā roṣatāmrākṣaśobhinī || 2||

इन्द्रादिदमनी शान्ता चन्द्रलेखाविभूषिता ।भक्तार्तिहारिणी मुक्ता चण्डिकानन्ददायिनी ॥ ३॥

indrādidamanī śāntā candralekhāvibhūṣitā |bhaktārtihāriṇī muktā caṇḍikānandadāyinī || 3||

सौदामिनी सुधामूर्तिः दिव्यालङ्कारभूषिता ।सुवासिनी सुनासा च त्रिकालज्ञा धुरन्धरा ॥ ४॥

saudāminī sudhāmūrtiḥ divyālaṅkārabhūṣitā |suvāsinī sunāsā ca trikālajñā dhurandharā || 4||

सर्वज्ञा सर्वलोकेशी देवयोनिरयोनिजा ।निर्गुणा निरहङ्कारा लोककल्याणकारिणी ॥ ५॥

sarvajñā sarvalokeśī devayonirayonijā |nirguṇā nirahaṅkārā lokakalyāṇakāriṇī || 5||

सर्वलोकप्रिया गौरी सर्वगर्वविमर्दिनी ।तेजोवती महामाता कोटिसूर्यसमप्रभा ॥ ६॥

sarvalokapriyā gaurī sarvagarvavimardinī |tejovatī mahāmātā koṭisūryasamaprabhā || 6||

वीरभद्रकृतानन्दभोगिनी वीरसेविता ।नारदादिमुनिस्तुत्या नित्या सत्या तपस्विनी ॥ ७॥

vīrabhadrakṛtānandabhoginī vīrasevitā |nāradādimunistutyā nityā satyā tapasvinī || 7||

ज्ञानरूपा कलातीता भक्ताभीष्टफलप्रदा ।कैलासनिलया शुभ्रा क्षमा श्रीः सर्वमङ्गला ॥ ८॥

jñānarūpā kalātītā bhaktābhīṣṭaphalapradā |kailāsanilayā śubhrā kṣamā śrīḥ sarvamaṅgalā || 8||

सिद्धविद्या महाशक्तिः कामिनी पद्मलोचना ।देवप्रिया दैत्यहन्त्री दक्षगर्वापहारिणी ॥ ९॥

siddhavidyā mahāśaktiḥ kāminī padmalocanā |devapriyā daityahantrī dakṣagarvāpahāriṇī || 9||

शिवशासनकर्त्री च शैवानन्दविधायिनी ।भवपाशनिहन्त्री च सवनाङ्गसुकारिणी ॥ १०॥

śivaśāsanakartrī ca śaivānandavidhāyinī |bhavapāśanihantrī ca savanāṅgasukāriṇī || 10||

लम्बोदरी महाकाली भीषणास्या सुरेश्वरी ।महानिद्रा योगनिद्रा प्रज्ञा वार्ता क्रियावती ॥ ११॥

lambodarī mahākālī bhīṣaṇāsyā sureśvarī |mahānidrā yoganidrā prajñā vārtā kriyāvatī || 11||

पुत्रपौत्रप्रदा साध्वी सेनायुद्धसुकाङ्क्षिणीइच्छा शम्भोः कृपासिन्धुः चण्डी चण्डपराक्रमा ॥१२॥

putrapautrapradā sādhvī senāyuddhasukāṅkṣiṇīicchā śambhoḥ kṛpāsindhuḥ caṇḍī caṇḍaparākramā ||12||

शोभा भगवती माया दुर्गा नीला मनोगतिः ।खेचरी खड्गिनी चक्रहस्ता शुलविधारिणी ॥ १३॥

śobhā bhagavatī māyā durgā nīlā manogatiḥ |khecarī khaḍginī cakrahastā śulavidhāriṇī || 13||

सुबाणा शक्तिहस्ता च पादसञ्चारिणी परा ।तपःसिद्धिप्रदा देवी वीरभद्रसहायिनी ॥ १४॥

subāṇā śaktihastā ca pādasañcāriṇī parā |tapaḥsiddhipradā devī vīrabhadrasahāyinī || 14||

धनधान्यकरी विश्वा मनोमालिन्यहारिणी ।सुनक्षत्रोद्भवकरी वंशवृद्धिप्रदायिनी ॥ १५॥

dhanadhānyakarī viśvā manomālinyahāriṇī |sunakṣatrodbhavakarī vaṃśavṛddhipradāyinī || 15||

ब्रह्मादिसुरसंसेव्या शाङ्करी प्रियभाषिणी ।भूतप्रेतपिशाचादिहारिणी सुमनस्विनी ॥ १६॥

brahmādisurasaṃsevyā śāṅkarī priyabhāṣiṇī |bhūtapretapiśācādihāriṇī sumanasvinī || 16||

पुण्यक्षेत्रकृतावासा प्रत्यक्षपरमेश्वरी ।एवं नाम्नां भद्रकाल्याः शतमष्टोत्तरं विदुः ॥ १७॥

puṇyakṣetrakṛtāvāsā pratyakṣaparameśvarī |evaṃ nāmnāṃ bhadrakālyāḥ śatamaṣṭottaraṃ viduḥ || 17||

पुण्यं यशो दीर्घमायुः पुत्रपौत्रं धनं बहु ।ददाति देवी तस्याशु यः पठेत् स्तोत्रमुत्तमम् ॥ १८॥

puṇyaṃ yaśo dīrghamāyuḥ putrapautraṃ dhanaṃ bahu |dadāti devī tasyāśu yaḥ paṭhet stotramuttamam || 18||

भौमवारे भृगौ चैव पौर्णमास्यां विशेषतः ।प्रातः स्नात्वा नित्यकर्म विधाय च सुभक्तिमान् ॥ १९॥

bhaumavāre bhṛgau caiva paurṇamāsyāṃ viśeṣataḥ |prātaḥ snātvā nityakarma vidhāya ca subhaktimān || 19||

वीरभद्रालये भद्रां सम्पूज्य सुरसेविताम् ।पठेत् स्तोत्रमिदं दिव्यं नाना भोगप्रदं शुभम् ॥ २०॥

vīrabhadrālaye bhadrāṃ sampūjya surasevitām |paṭhet stotramidaṃ divyaṃ nānā bhogapradaṃ śubham || 20||

अभीष्टसिद्धिं प्राप्नोति शीघ्रं विद्वान् परन्तप ।अथवा स्वगृहे वीरभद्रपत्नीं समर्चयेत् ॥ २१॥

abhīṣṭasiddhiṃ prāpnoti śīghraṃ vidvān parantapa |athavā svagṛhe vīrabhadrapatnīṃ samarcayet || 21||

स्तोत्रेणानेन विधिवत् सर्वान् कामानवाप्नुयात् ।रोगा नश्यन्ति तस्याशु योगसिद्धिं च विन्दति ॥ २२॥

stotreṇānena vidhivat sarvān kāmānavāpnuyāt |rogā naśyanti tasyāśu yogasiddhiṃ ca vindati || 22||

सनत्कुमारभक्तानामिदं स्तोत्रं प्रबोधय ।रहस्यं सारभूतं च सर्वज्ञः सम्भविष्यसि ॥ २३॥

sanatkumārabhaktānāmidaṃ stotraṃ prabodhaya |rahasyaṃ sārabhūtaṃ ca sarvajñaḥ sambhaviṣyasi || 23||

इति श्रीभद्रकाल्यष्टोत्तरशतनामस्तोत्रं सम्पूर्णम् ।

iti śrībhadrakālyaṣṭottaraśatanāmastotraṃ sampūrṇam |