मातङ्गीस्तोत्रम् ४ Matangi Stotram by Umasahacharya

॥ ॐ क्लीं मातङ्ग्यै नमः ॥मातङ्गी नवयावकार्द्रचरणां प्रोल्लासिकृष्णांशुकांवीणोल्लासिकरां समुन्नतकुचां मुक्ताप्रवालावलीम् ।हृद्याङ्गीं सितशङ्खकुण्डलधरां बिम्बाधरां सुस्मितांआकीर्णालकवेणिमब्जनयनां ध्यायेत् शुकश्यामलाम् ॥ १॥

|| oṃ klīṃ mātaṅgyai namaḥ ||mātaṅgī navayāvakārdracaraṇāṃ prollāsikṛṣṇāṃśukāṃvīṇollāsikarāṃ samunnatakucāṃ muktāpravālāvalīm |hṛdyāṅgīṃ sitaśaṅkhakuṇḍaladharāṃ bimbādharāṃ susmitāṃākīrṇālakaveṇimabjanayanāṃ dhyāyet śukaśyāmalām || 1||

कलाधीशोत्तंसां करकलितवीणाहितरसांकलिन्दापत्याभां कलितहृदयारक्तवसनाम् ।पुराणीं कल्याणीं पुरमथनपुण्योदयकलांअधीराक्षीमेनामवटुतटसन्नद्धकबरीम् ॥ २॥

kalādhīśottaṃsāṃ karakalitavīṇāhitarasāṃkalindāpatyābhāṃ kalitahṛdayāraktavasanām |purāṇīṃ kalyāṇīṃ puramathanapuṇyodayakalāṃadhīrākṣīmenāmavaṭutaṭasannaddhakabarīm || 2||

करोदञ्चद्वीणं कनकदलताटङ्कनिहितंस्तनाभ्यामानम्रं तरुणमिहिरारक्तवसनम् ।महः कल्याणं तन्मधुमदभराताम्रनयनंतमालश्यामं नः स्तबकयतु सौख्यानि सततम् ॥ ३॥

karodañcadvīṇaṃ kanakadalatāṭaṅkanihitaṃstanābhyāmānamraṃ taruṇamihirāraktavasanam |mahaḥ kalyāṇaṃ tanmadhumadabharātāmranayanaṃtamālaśyāmaṃ naḥ stabakayatu saukhyāni satatam || 3||

कराञ्चितविपञ्चिकां कलितचन्द्रचूडामणिंकपोलविलसन्महःकनकपत्रताटङ्किनीम् ।तपःकलमधीशितस्तरुणभानुरक्ताम्बरांतमालदलमेचकां तरललोचनामाश्रये ॥ ४॥

karāñcitavipañcikāṃ kalitacandracūḍāmaṇiṃkapolavilasanmahaḥkanakapatratāṭaṅkinīm |tapaḥkalamadhīśitastaruṇabhānuraktāmbarāṃtamāladalamecakāṃ taralalocanāmāśraye || 4||

कस्तूरीरचिताभिरामतिलका कल्याणताटङ्किनीबाला शीतमयूखशोणवसना प्रालम्बिधम्मिल्लका ।हारोदञ्चितपीवरस्तनतटा हालामदोल्लासिनीश्यामा काञ्चन कामिनी विजयते चञ्चद्विपञ्चीकरा ॥ ५॥

kastūrīracitābhirāmatilakā kalyāṇatāṭaṅkinībālā śītamayūkhaśoṇavasanā prālambidhammillakā |hārodañcitapīvarastanataṭā hālāmadollāsinīśyāmā kāñcana kāminī vijayate cañcadvipañcīkarā || 5||

माता मरकतश्यामा, मातङ्गी मृदुभाषिणी ।कटाक्षये तु कल्याणी कदम्बवनवासिनी ॥ ६॥

mātā marakataśyāmā, mātaṅgī mṛdubhāṣiṇī |kaṭākṣaye tu kalyāṇī kadambavanavāsinī || 6||

शृङ्गे सुमेरोः सहचारिणीभिर्गीयन्ति मातङ्गि तवावदानम् ।आमोदिनीमागलमापिबन्तः कादम्बरीमम्बरवासिनस्ते ॥ ७॥

śṛṅge sumeroḥ sahacāriṇībhirgīyanti mātaṅgi tavāvadānam |āmodinīmāgalamāpibantaḥ kādambarīmambaravāsinaste || 7||

एकेन चापमपरेण करेण बाणानन्येन पाशमितरेण शृणिं दधाना ।आनन्दकन्दलितविद्रुमबालवल्लीसंविन्मयी स्फुरतु काञ्चन देवता मे ॥ ८॥

ekena cāpamapareṇa kareṇa bāṇānanyena pāśamitareṇa śṛṇiṃ dadhānā |ānandakandalitavidrumabālavallīsaṃvinmayī sphuratu kāñcana devatā me || 8||

गजदानकलङ्किकण्ठमूलाकबरीवेष्टनकाङ्क्षणीयगुञ्जा ।कुरुताद् दुरिताद् विमोक्षणं मेकुहुना भिल्लकुटुम्बिनी भवानी ॥ ९॥

gajadānakalaṅkikaṇṭhamūlākabarīveṣṭanakāṅkṣaṇīyaguñjā |kurutād duritād vimokṣaṇaṃ mekuhunā bhillakuṭumbinī bhavānī || 9||

पाणौ मृणालसगुणं दधतीक्षुचापंपृष्ठे लसत्कनककेतकबाणकोशौ ।अङ्गे प्रवालकवचं वनवासिनी सापञ्चाननं मृगयते कदलीवनान्ते ॥ १०॥

pāṇau mṛṇālasaguṇaṃ dadhatīkṣucāpaṃpṛṣṭhe lasatkanakaketakabāṇakośau |aṅge pravālakavacaṃ vanavāsinī sāpañcānanaṃ mṛgayate kadalīvanānte || 10||

वामे विस्तृतिशालिनि स्तनतटे विन्यस्य वीणामुखंतन्त्रीं तारविराविणीमसकलैरास्फालयन्ती नखैः ।अर्द्धोन्मीलदपाङ्गदिक्षुवलितग्रीवं मुखं बिभ्रतीमाया काञ्चन मोहिनी विजयते मातङ्गकन्यामयी ॥ ११॥

vāme vistṛtiśālini stanataṭe vinyasya vīṇāmukhaṃtantrīṃ tāravirāviṇīmasakalairāsphālayantī nakhaiḥ |arddhonmīladapāṅgadikṣuvalitagrīvaṃ mukhaṃ bibhratīmāyā kāñcana mohinī vijayate mātaṅgakanyāmayī || 11||

प्रतिक्षणपयोधरप्रविलसद्विपञ्चीगुणप्रसारि करपङ्कजं बलभिदश्मपुञ्जोपमम् ।कदम्बवनमालिकाशशिकलासमुद्भासितंमतङ्गकुलमण्डनं मनसि मे महो जृम्भताम् ॥ १२॥

pratikṣaṇapayodharapravilasadvipañcīguṇaprasāri karapaṅkajaṃ balabhidaśmapuñjopamam |kadambavanamālikāśaśikalāsamudbhāsitaṃmataṅgakulamaṇḍanaṃ manasi me maho jṛmbhatām || 12||

लाक्षालोहितपादपङ्कजदलामापीनतुङ्गस्तनींकर्पूरोज्ज्वलचारुशङ्खवलयां काश्मीरपत्राङ्कुराम् ।तन्त्रीताडनपाटलाङ्गुलिदलां अन्दामह् मातरंमातङ्गीं मदमन्थरां मरकतश्यामां मनोहारिणीम् ॥ १३॥

lākṣālohitapādapaṅkajadalāmāpīnatuṅgastanīṃkarpūrojjvalacāruśaṅkhavalayāṃ kāśmīrapatrāṅkurām |tantrītāḍanapāṭalāṅgulidalāṃ andāmah mātaraṃmātaṅgīṃ madamantharāṃ marakataśyāmāṃ manohāriṇīm || 13||

स्रस्तं केशरदामभिर्वलयितं धम्मिल्लमाबिभ्रतीतालीपत्रपुटान्तरैः सुघटितैस्ताटङ्किनी मौक्तिकैः ।मूले कल्पतरोर्मदस्खलितदृग् दृष्ट्यैव सम्मोहिनीकाचिद् गायनदेवता विजयते वीणावती वासना ॥ १४॥

srastaṃ keśaradāmabhirvalayitaṃ dhammillamābibhratītālīpatrapuṭāntaraiḥ sughaṭitaistāṭaṅkinī mauktikaiḥ |mūle kalpatarormadaskhalitadṛg dṛṣṭyaiva sammohinīkācid gāyanadevatā vijayate vīṇāvatī vāsanā || 14||

यत् षट्पत्रं कमलमुदितं तस्य यत्कर्णिकान्तर्ज्योतिस्तस्याप्युदरकुहरे यत्तदोङ्कारपीठम् ।तस्याप्यन्तः स्तनभरनतां कुण्डलीति प्रसिद्धांश्यामाकारां सकलजननीं सन्ततं भावयामि ॥ १५॥

yat ṣaṭpatraṃ kamalamuditaṃ tasya yatkarṇikāntarjyotistasyāpyudarakuhare yattadoṅkārapīṭham |tasyāpyantaḥ stanabharanatāṃ kuṇḍalīti prasiddhāṃśyāmākārāṃ sakalajananīṃ santataṃ bhāvayāmi || 15||

निशि निशि बलिमस्यै भुक्तशेषेण दत्त्वामनु मनु गणनाथो मन्त्रजापं वितन्वन् ।भवति नृपतिपूज्यो योषितां प्रीतिपात्रंव्रजति च पुनरन्ते शाश्वतीं मूर्तिमाद्याम् ॥ १६॥

niśi niśi balimasyai bhuktaśeṣeṇa dattvāmanu manu gaṇanātho mantrajāpaṃ vitanvan |bhavati nṛpatipūjyo yoṣitāṃ prītipātraṃvrajati ca punarante śāśvatīṃ mūrtimādyām || 16||

कासारन्ति पयोधयो विषधराः कर्पूरहारन्ति चश्रीखण्डन्ति दवानला वनगजाः सारङ्गशावन्ति च ।दासन्त्यद्भुतशात्रवाः किमपरं पुष्यन्ति वज्राण्यपिश्रीदामोदरसोदरे भगवति ! त्वत्पादनिष्ठात्मनाम् ॥ १७॥

kāsāranti payodhayo viṣadharāḥ karpūrahāranti caśrīkhaṇḍanti davānalā vanagajāḥ sāraṅgaśāvanti ca |dāsantyadbhutaśātravāḥ kimaparaṃ puṣyanti vajrāṇyapiśrīdāmodarasodare bhagavati ! tvatpādaniṣṭhātmanām || 17||

कुवलयनिभा कौशेयार्द्धोरुका मुकुटोज्ज्वलाहलमुशलिनी सद्भक्तेभ्यो वराभयदायिनी ।कपिलनयना मध्येक्षामा कठोरघनस्तनीजयति जगतां मातः ! सा ते वराहमुखी तनुः ॥ १८॥

kuvalayanibhā kauśeyārddhorukā mukuṭojjvalāhalamuśalinī sadbhaktebhyo varābhayadāyinī |kapilanayanā madhyekṣāmā kaṭhoraghanastanījayati jagatāṃ mātaḥ ! sā te varāhamukhī tanuḥ || 18||

अमृतमहोदधिमध्ये रत्नद्वीपे सकल्पवृक्षवने ।नवमणिमण्डपमध्ये मणिमयसिंहासनस्योर्द्।ह्ध्वम् ॥ १९॥

amṛtamahodadhimadhye ratnadvīpe sakalpavṛkṣavane |navamaṇimaṇḍapamadhye maṇimayasiṃhāsanasyord|hdhvam || 19||

मातङ्गीं भूषिताङ्गीं मधुमदमुदितां घूर्णमाणाक्षियुग्मांस्विद्यद्वक्त्रां कदम्बप्रसवपरिलसद्वेणिकामात्तवीणाम् ।बिम्बोष्ठीं रक्तवस्त्रां मृगमदतिलकामिन्दुलेखावतंसांकर्णोद्यच्छङ्खपत्रां कठिनकुचभराक्रान्तकान्तावलग्नाम् ॥ २०॥

mātaṅgīṃ bhūṣitāṅgīṃ madhumadamuditāṃ ghūrṇamāṇākṣiyugmāṃsvidyadvaktrāṃ kadambaprasavaparilasadveṇikāmāttavīṇām |bimboṣṭhīṃ raktavastrāṃ mṛgamadatilakāmindulekhāvataṃsāṃkarṇodyacchaṅkhapatrāṃ kaṭhinakucabharākrāntakāntāvalagnām || 20||

उन्मीलद्यौवनाढ्यां निबिडमदभरोद्वेगलीलावकाशांरत्नग्रैवेयहाराङ्गदकटककटीसूत्रमञ्जीरभूषाम् ।आनीयार्थानभीष्टान् स्मितमधुरदृशा साधकं तर्पयन्तींध्यायेद् देवीं शुकाभां शुकमखिलकलारूपमस्याश्च पार्श्वे ॥ २१॥

unmīladyauvanāḍhyāṃ nibiḍamadabharodvegalīlāvakāśāṃratnagraiveyahārāṅgadakaṭakakaṭīsūtramañjīrabhūṣām |ānīyārthānabhīṣṭān smitamadhuradṛśā sādhakaṃ tarpayantīṃdhyāyed devīṃ śukābhāṃ śukamakhilakalārūpamasyāśca pārśve || 21||

अमृतोदधिमध्येऽत्र रत्नद्वीपे मनोरमे ।कदम्बबिल्वनिलये कल्पवृक्षोपशोभिते ॥ २२॥

amṛtodadhimadhye'tra ratnadvīpe manorame |kadambabilvanilaye kalpavṛkṣopaśobhite || 22||

तस्य मध्ये सुखास्तीर्णे रत्नसिंहासने शुभे ।त्रिकोणकर्णिकामध्ये तद्बहिः पञ्चपत्रकम् ॥ २३॥

tasya madhye sukhāstīrṇe ratnasiṃhāsane śubhe |trikoṇakarṇikāmadhye tadbahiḥ pañcapatrakam || 23||

अष्टपत्रं महापद्मं केसराढ्यं सकर्णिकम् ।तत्पार्श्वेऽष्टदलं प्रोक्तं चतुःपत्रं पुनः प्रिये ॥ २४॥

aṣṭapatraṃ mahāpadmaṃ kesarāḍhyaṃ sakarṇikam |tatpārśve'ṣṭadalaṃ proktaṃ catuḥpatraṃ punaḥ priye || 24||

चतुरस्रं च तद्बाह्ये एवं देव्यासनं भवेत् ।तस्य मध्ये सुखासीनां श्यामवर्णां शुचिस्मिताम् ॥ २५॥

caturasraṃ ca tadbāhye evaṃ devyāsanaṃ bhavet |tasya madhye sukhāsīnāṃ śyāmavarṇāṃ śucismitām || 25||

कदम्बमालापरितः प्रान्तबद्धशिरोरुहाम् ।प्रालम्बालकसंयुक्तां चन्द्रलेखावतंसकाम् ॥ २६॥

kadambamālāparitaḥ prāntabaddhaśiroruhām |prālambālakasaṃyuktāṃ candralekhāvataṃsakām || 26||

ललाटतिलकोपेतां ईषत्प्रहसिताननाम् ।किञ्चित्स्वेदाम्बुरचितललाटफलकोज्ज्वलाम् ॥ २७॥

lalāṭatilakopetāṃ īṣatprahasitānanām |kiñcitsvedāmburacitalalāṭaphalakojjvalām || 27||

त्रिवलीतरङ्गमध्यस्थरोमराजिविराजिताम् ।सर्वालङ्कारसंयुक्तां सर्वाभरणभूषणाम् ॥ २८॥

trivalītaraṅgamadhyastharomarājivirājitām |sarvālaṅkārasaṃyuktāṃ sarvābharaṇabhūṣaṇām || 28||

नूपुरै रत्नखचितैः कटिसूत्रैरलङ्कृताम् ।वलयै रत्नरचितैः केयूरैर्मणिभूषणैः ॥ २९॥

nūpurai ratnakhacitaiḥ kaṭisūtrairalaṅkṛtām |valayai ratnaracitaiḥ keyūrairmaṇibhūṣaṇaiḥ || 29||

भूषितां द्विभुजां बालां मदाघूर्णितलोचनाम् ।वादयन्तीं सदा वीणां शङ्खकुण्डलभूषणाम् ॥ ३०॥

bhūṣitāṃ dvibhujāṃ bālāṃ madāghūrṇitalocanām |vādayantīṃ sadā vīṇāṃ śaṅkhakuṇḍalabhūṣaṇām || 30||

प्रालम्बिकर्णाभरणां कर्णोत्तंसविराजिताम् ।यौवनोन्मादिनीं वीरां रक्तांशुकपरिग्रहाम् ॥ ३१॥

prālambikarṇābharaṇāṃ karṇottaṃsavirājitām |yauvanonmādinīṃ vīrāṃ raktāṃśukaparigrahām || 31||

तमालनीलां तरुणीं मदमत्तां मतङ्गिनीम् ।चतुःषष्टिकलारूपां पार्श्वस्थशुकसारिकाम् ॥ ३२॥

tamālanīlāṃ taruṇīṃ madamattāṃ mataṅginīm |catuḥṣaṣṭikalārūpāṃ pārśvasthaśukasārikām || 32||

मातङ्गेशीं महादेवीं निःश्वस्यैनान्तरात्मना ।सूर्यकोटिप्रतीकाशां जपाकुसुमसन्निभाम् ॥ ३३॥

mātaṅgeśīṃ mahādevīṃ niḥśvasyaināntarātmanā |sūryakoṭipratīkāśāṃ japākusumasannibhām || 33||

अथवा पीतवर्णां च श्यामामेवापरां श्रये ।निष्पापस्य मनुष्यस्य किं न सिद्।ह्ध्यति भूतले ॥ ३४॥

athavā pītavarṇāṃ ca śyāmāmevāparāṃ śraye |niṣpāpasya manuṣyasya kiṃ na sid|hdhyati bhūtale || 34||

कामवच्चरते भूमौ साक्षाद् वैश्रवणायते ।गद्यपद्यमयी वाणी तस्य वक्त्राद् विनिर्गता ॥ ३५॥

kāmavaccarate bhūmau sākṣād vaiśravaṇāyate |gadyapadyamayī vāṇī tasya vaktrād vinirgatā || 35||

भैरवी त्रिपुरा लक्ष्मीर्वाणी मातङ्गिनीति च ।पर्यायवाचका ह्येते सत्यमेतद् ब्रवीमि ते ॥ ३६॥

bhairavī tripurā lakṣmīrvāṇī mātaṅginīti ca |paryāyavācakā hyete satyametad bravīmi te || 36||

त्रिकपञ्चकाष्टयुगलं षोडशकोष्ठाष्टकं चतुःषष्टौ ।ध्यात्वाऽङ्गदेवतानां देव्याः परितो यजेत भावेन ॥ ३७॥

trikapañcakāṣṭayugalaṃ ṣoḍaśakoṣṭhāṣṭakaṃ catuḥṣaṣṭau |dhyātvā'ṅgadevatānāṃ devyāḥ parito yajeta bhāvena || 37||

मातङ्गि ! मातरीशे ! मधुमथनाराधिते ! महामाये ! ।मोहिनि ! मोहप्रमथिनि ! मन्मथमथनप्रिये नमस्तेऽस्तु ॥ ३८॥

mātaṅgi ! mātarīśe ! madhumathanārādhite ! mahāmāye ! |mohini ! mohapramathini ! manmathamathanapriye namaste'stu || 38||

स्तुतिषु तव देवि ! विधिरपि विहितमतिर्भवति चाप्यविहितमतिः ।यद्यपि भक्तिर्मामपि भवतीं स्तोतुं विलोभयति ॥ ३९॥

stutiṣu tava devi ! vidhirapi vihitamatirbhavati cāpyavihitamatiḥ |yadyapi bhaktirmāmapi bhavatīṃ stotuṃ vilobhayati || 39||

यतिजनहृदयावासे ! वासववन्द्ये वराङ्गि मातङ्गि ! ।वीणावाद्यविनोद्यैर्नारदगीते ! नमो देवि ! ॥ ४०॥

yatijanahṛdayāvāse ! vāsavavandye varāṅgi mātaṅgi ! |vīṇāvādyavinodyairnāradagīte ! namo devi ! || 40||

देवि ! प्रसीद सुन्दरि पीनस्तनि कम्बुकण्ठि घनकेशि! ।श्यामाङ्गि विद्रुमोष्ठि स्मितमुखि मुग्धाक्षि मौक्तिकाभरणे! ॥ ४१॥

devi ! prasīda sundari pīnastani kambukaṇṭhi ghanakeśi! |śyāmāṅgi vidrumoṣṭhi smitamukhi mugdhākṣi mauktikābharaṇe! || 41||

भरणे त्रिविष्टपस्य प्रभवसि तत एव भैरवी त्वमसि ।त्वद्भक्तिलब्धविभवो भवति क्षुद्रोऽपि भुवनपतिः ॥ ४२॥

bharaṇe triviṣṭapasya prabhavasi tata eva bhairavī tvamasi |tvadbhaktilabdhavibhavo bhavati kṣudro'pi bhuvanapatiḥ || 42||

पतितः कृपणो मूकोऽप्यम्ब! भवत्याः प्रसादलेशेन ।पूज्यः सुभगो वाग्मी भवति जडश्चापि सर्वज्ञः ॥ ४३॥

patitaḥ kṛpaṇo mūko'pyamba! bhavatyāḥ prasādaleśena |pūjyaḥ subhago vāgmī bhavati jaḍaścāpi sarvajñaḥ || 43||

ज्ञानात्मके जगन्मयि निरञ्जने नित्यशुद्धपदे! ।निर्वाणरूपिणि परे त्रिपुरे! शरणं प्रपन्नस्त्वाम् ॥ ४४॥

jñānātmake jaganmayi nirañjane nityaśuddhapade! |nirvāṇarūpiṇi pare tripure! śaraṇaṃ prapannastvām || 44||

त्वां मनसि क्षणमपि यो ध्यायति मुक्तावृतां श्यामाम् ।तस्य जगत्त्रितयेऽस्मिन् कास्ता या न स्त्रियः साध्याः ॥ ४५॥

tvāṃ manasi kṣaṇamapi yo dhyāyati muktāvṛtāṃ śyāmām |tasya jagattritaye'smin kāstā yā na striyaḥ sādhyāḥ || 45||

साध्याक्षरगर्भितपञ्चनवत्यक्षरात्मिके जगन्मातः! ।भगवति मातङ्गेश्वरि ! नमोऽस्तु तुभ्यं महादेवि ! ॥ ४६॥

sādhyākṣaragarbhitapañcanavatyakṣarātmike jaganmātaḥ! |bhagavati mātaṅgeśvari ! namo'stu tubhyaṃ mahādevi ! || 46||

विद्याधरसुरकिन्नरगुह्यकगन्धर्वसिद्धयक्षवरैः ।आराधिते ! नमस्तेऽस्तु प्रसीद कृपयैव मातङ्गि! ॥ ४७॥

vidyādharasurakinnaraguhyakagandharvasiddhayakṣavaraiḥ |ārādhite ! namaste'stu prasīda kṛpayaiva mātaṅgi! || 47||

मातङ्गीस्तुतिरियमन्वहं प्रजप्ताजन्तूनां वितरति कौशलं क्रियासु ।वाग्मित्वं श्रियमधिकां च मानशक्तिंसौभाग्यं नृपतिभिरर्चनीयतां स याति ॥ ४८॥

mātaṅgīstutiriyamanvahaṃ prajaptājantūnāṃ vitarati kauśalaṃ kriyāsu |vāgmitvaṃ śriyamadhikāṃ ca mānaśaktiṃsaubhāgyaṃ nṛpatibhirarcanīyatāṃ sa yāti || 48||

मातङ्गीमनुदिनमेवमर्चयन्तःश्रीमन्तः सुभगतराः कवित्वभाजः ।प्राप्यान्ते सकलसमीहितार्थवर्गंदेहान्ते विमलतरं विशन्ति धाम ॥ ४९॥

mātaṅgīmanudinamevamarcayantaḥśrīmantaḥ subhagatarāḥ kavitvabhājaḥ |prāpyānte sakalasamīhitārthavargaṃdehānte vimalataraṃ viśanti dhāma || 49||

अवटुतटघटितचोलीं ताडितताडीं पलाशताटङ्काम् ।वीणावादनवेलाकम्पितशिरसं नमामि मातङ्गीम् ॥ ५०॥

avaṭutaṭaghaṭitacolīṃ tāḍitatāḍīṃ palāśatāṭaṅkām |vīṇāvādanavelākampitaśirasaṃ namāmi mātaṅgīm || 50||

वीणावादननिरतं तदलाबुस्थगितवामकृतकुचम् ।श्यामलकोमलगात्रं पाटलनयनं परं भजे धाम ॥ ५१॥

vīṇāvādananirataṃ tadalābusthagitavāmakṛtakucam |śyāmalakomalagātraṃ pāṭalanayanaṃ paraṃ bhaje dhāma || 51||

अङ्कितपाणिचतुष्टयमङ्कुशपाशेक्षुपुष्पचापशरैः ।शङ्करजीवितमित्रं पङ्कजनयनं परं भजे धाम ॥ ५२॥

aṅkitapāṇicatuṣṭayamaṅkuśapāśekṣupuṣpacāpaśaraiḥ |śaṅkarajīvitamitraṃ paṅkajanayanaṃ paraṃ bhaje dhāma || 52||

करकलितकनकवीणालाबुककदलीकृतैककुचकमला ।जयति जगदेकमाता मातङ्गी मङ्गलायतना ॥ ५३॥

karakalitakanakavīṇālābukakadalīkṛtaikakucakamalā |jayati jagadekamātā mātaṅgī maṅgalāyatanā || 53||

अङ्गलालितमनङ्गविद्विषस्तुङ्गपीनकुचभारभङ्गुरम् ।श्यामलं शशिनिभाननं भजे कोमलं कुटिलकुन्तलं महः ॥ ५४॥

aṅgalālitamanaṅgavidviṣastuṅgapīnakucabhārabhaṅguram |śyāmalaṃ śaśinibhānanaṃ bhaje komalaṃ kuṭilakuntalaṃ mahaḥ || 54||

वीणावाद्यविनोदगीतनिरतां लीलाशुकोल्लासिनींबिम्बोष्ठीं नवयावकार्द्रचरणामाकीर्णकेशालकाम् ।हृद्याङ्गीं सितशङ्खकुण्डलधरालङ्कारवेषोज्वलांमातङ्गीं प्रणतोऽस्मि सुस्मितमुखीं देवीं शुकश्यामलाम् ॥ ५५॥

vīṇāvādyavinodagītaniratāṃ līlāśukollāsinīṃbimboṣṭhīṃ navayāvakārdracaraṇāmākīrṇakeśālakām |hṛdyāṅgīṃ sitaśaṅkhakuṇḍaladharālaṅkāraveṣojvalāṃmātaṅgīṃ praṇato'smi susmitamukhīṃ devīṃ śukaśyāmalām || 55||

वेणीमूलविराजितेन्दुशकलां वीणानिनादप्रियांक्षोणीपालसुरेन्द्रपन्नगगणैराराधितांह्रिद्वयाम् ।एणीचञ्चललोचनां सुवदनां वाणीं पुराणोज्ज्वलांश्रोणीभारभरालसामनिमिषां पश्यामि विश्वेश्वरीम् ॥ ५६॥

veṇīmūlavirājitenduśakalāṃ vīṇāninādapriyāṃkṣoṇīpālasurendrapannagagaṇairārādhitāṃhridvayām |eṇīcañcalalocanāṃ suvadanāṃ vāṇīṃ purāṇojjvalāṃśroṇībhārabharālasāmanimiṣāṃ paśyāmi viśveśvarīm || 56||

कुचकलशनिषण्णकेलिवीणांकलमधुरध्वनिकम्पितोत्तमाङ्गीम् ।मरकतमणिभङ्गमेचकाभांमदनविरोधिमनस्विनीमुपासे ॥ ५७॥

kucakalaśaniṣaṇṇakelivīṇāṃkalamadhuradhvanikampitottamāṅgīm |marakatamaṇibhaṅgamecakābhāṃmadanavirodhimanasvinīmupāse || 57||

ताडीदलोल्लसितकोमलकर्णपालींकेशावलीकलितदीर्घसुनीलवेणीम् ।वक्षोजपीठनिहितोज्ज्वलनादवीणांवाणीं नमामि मदिरारुणनेत्रयुग्माम् ॥ ५८॥

tāḍīdalollasitakomalakarṇapālīṃkeśāvalīkalitadīrghasunīlaveṇīm |vakṣojapīṭhanihitojjvalanādavīṇāṃvāṇīṃ namāmi madirāruṇanetrayugmām || 58||

यामामनन्ति मुनयः प्रकृतिं पुराणींविद्येति यां श्रुतिरहस्यविदो गृणन्ति ।तामर्द्धपल्लवितशङ्कररूपमुद्रांदेवीमनन्यशरणः शरणं प्रपद्ये ॥ ५९॥

yāmāmananti munayaḥ prakṛtiṃ purāṇīṃvidyeti yāṃ śrutirahasyavido gṛṇanti |tāmarddhapallavitaśaṅkararūpamudrāṃdevīmananyaśaraṇaḥ śaraṇaṃ prapadye || 59||

यः स्फाटिकाक्षवरपुस्तककुण्डिकाढ्यांव्याख्यासमुद्यतकरां शरदिन्दुशुभ्राम् ।पद्मासनां च हृदये भवतीमुपास्ते ।मातः! स विश्वकवितार्किकचक्रवर्ती ॥ ६०॥

yaḥ sphāṭikākṣavarapustakakuṇḍikāḍhyāṃvyākhyāsamudyatakarāṃ śaradinduśubhrām |padmāsanāṃ ca hṛdaye bhavatīmupāste |mātaḥ! sa viśvakavitārkikacakravartī || 60||

बर्हावतंसघनबन्धुरकेशपाशांगुञ्जावलीकृतघनस्तनहारशोभाम् ।श्यामां प्रवालवसनां शरचापहस्तांतामेव नौमि शबरीं शबरस्य नाथाम् ॥ ६१॥

barhāvataṃsaghanabandhurakeśapāśāṃguñjāvalīkṛtaghanastanahāraśobhām |śyāmāṃ pravālavasanāṃ śaracāpahastāṃtāmeva naumi śabarīṃ śabarasya nāthām || 61||

अज्ञातसम्भवमनाकलितान्ववायंभिक्षुं कपालिनमवाससमद्वितीयम् ।पूर्वं करग्रहणमङ्गलतो भवत्याःशम्भुः क एव बुबुधे गिरिराजकन्ये ! ॥ ६२॥

ajñātasambhavamanākalitānvavāyaṃbhikṣuṃ kapālinamavāsasamadvitīyam |pūrvaṃ karagrahaṇamaṅgalato bhavatyāḥśambhuḥ ka eva bubudhe girirājakanye ! || 62||

चर्माम्बरं च शवभस्मविलेपनं चभिक्षाटनं च नटनं च परेतभूमौ ।वेतालसंहतिपरिग्रहतां च शम्भोःशोभां वहन्ति गिरिजे ! तव साहचर्यात् ॥ ६३॥

carmāmbaraṃ ca śavabhasmavilepanaṃ cabhikṣāṭanaṃ ca naṭanaṃ ca paretabhūmau |vetālasaṃhatiparigrahatāṃ ca śambhoḥśobhāṃ vahanti girije ! tava sāhacaryāt || 63||

गले गुञ्जाबीजावलिमपि च कर्णे शिखिशिखांशिरो रङ्गे नृत्यत्कनककदलीमञ्जुलदलम् ।धनुर्वामे चांसे शरमपरपाणौ च दधतींनितम्बे बर्हालीं कुटिलकबरीं सिद्धशबरीम् ॥ ६४॥

gale guñjābījāvalimapi ca karṇe śikhiśikhāṃśiro raṅge nṛtyatkanakakadalīmañjuladalam |dhanurvāme cāṃse śaramaparapāṇau ca dadhatīṃnitambe barhālīṃ kuṭilakabarīṃ siddhaśabarīm || 64||

लसद्गुञ्जापुञ्जाभरणकिरणारक्तनयनांजपाकर्णाभूषां शिखिवरकलापाम्बरवतीम् ।नदज्झिल्लीपल्लीवनतरुदलैः सम्परिवृताम् ।नमामि वामोरुं कुटिलकबरीं सिद्धशबरीम् ॥ ६५॥

lasadguñjāpuñjābharaṇakiraṇāraktanayanāṃjapākarṇābhūṣāṃ śikhivarakalāpāmbaravatīm |nadajjhillīpallīvanatarudalaiḥ samparivṛtām |namāmi vāmoruṃ kuṭilakabarīṃ siddhaśabarīm || 65||

अपर्णाहोपर्णां सिरसकदलीसम्भवमलंभवं जेतुं प्रौढिं किल मनसि बाला विदधती ।नदज्झिल्लीपल्लीवनतरुषु हल्लीसकरुचिर्लसत्पल्लीभिल्ली करकलितभल्ली विजयते ॥ ६६॥

aparṇāhoparṇāṃ sirasakadalīsambhavamalaṃbhavaṃ jetuṃ prauḍhiṃ kila manasi bālā vidadhatī |nadajjhillīpallīvanataruṣu hallīsakarucirlasatpallībhillī karakalitabhallī vijayate || 66||

धनिनामविनाभवन्मदानां भवनद्वारि दुराशया शयानाम् ।अवलोकय मामगेन्द्रकन्ये! करुणाकन्दलितैः कटाक्षमोक्षैः ॥ ६७॥

dhanināmavinābhavanmadānāṃ bhavanadvāri durāśayā śayānām |avalokaya māmagendrakanye! karuṇākandalitaiḥ kaṭākṣamokṣaiḥ || 67||

कुवलयदलनीलं बर्बरस्निग्धकेशंपृथुतरकुचभाराक्रान्तकान्तावलग्नम् ।किमिति बहुभिरुक्तैस्त्वत्स्वरूपं पदं नःसकलजननि मातः ! सन्ततं सन्निधत्ताम् ॥ ६८॥

kuvalayadalanīlaṃ barbarasnigdhakeśaṃpṛthutarakucabhārākrāntakāntāvalagnam |kimiti bahubhiruktaistvatsvarūpaṃ padaṃ naḥsakalajanani mātaḥ ! santataṃ sannidhattām || 68||

मिथः केशाकेशि प्रधननिधनास्तर्कघटनाबहुश्रद्धाभक्तिप्रणतिविषयाश्चाप्तविधयः ।प्रसीद प्रत्यक्षीभव गिरिसुते! देहि शरणंनिरालम्बे ! चेतः परिलुठति पारिप्लवमिदम् ॥ ६९॥

mithaḥ keśākeśi pradhananidhanāstarkaghaṭanābahuśraddhābhaktipraṇativiṣayāścāptavidhayaḥ |prasīda pratyakṣībhava girisute! dehi śaraṇaṃnirālambe ! cetaḥ pariluṭhati pāriplavamidam || 69||

लसद्गुञ्जाहारस्तनभरनमन्मध्यलतिकामुदञ्चद्घर्माम्भःकणगुणितवक्त्राम्बुजरुचम् ।शिवं पार्थत्राणप्रणवमृगयाकारकरणंशिवामन्वक्यान्तीं शरणमहमन्वेमि शबरीम् ॥ ७०॥

lasadguñjāhārastanabharanamanmadhyalatikāmudañcadgharmāmbhaḥkaṇaguṇitavaktrāmbujarucam |śivaṃ pārthatrāṇapraṇavamṛgayākārakaraṇaṃśivāmanvakyāntīṃ śaraṇamahamanvemi śabarīm || 70||

शिरसि धनुरटन्या ताड्यमानस्य शम्भोरलकनयनकोणे किञ्चिदालज्यमाने ।उपनिषदुपगीतं रुद्रमुद्घोषयन्तीपरिहरति मृडानी मध्यमं पाण्डवानाम् ॥ ७१॥

śirasi dhanuraṭanyā tāḍyamānasya śambhoralakanayanakoṇe kiñcidālajyamāne |upaniṣadupagītaṃ rudramudghoṣayantīpariharati mṛḍānī madhyamaṃ pāṇḍavānām || 71||

यद्गलाभरणतन्तुवैभवान् नायको गरलमागलं पपौ ।तां चराचरगुरोः कुटुम्बिनीं नौमि यौवनभरेण लालसाम् ॥ ७२॥

yadgalābharaṇatantuvaibhavān nāyako garalamāgalaṃ papau |tāṃ carācaraguroḥ kuṭumbinīṃ naumi yauvanabhareṇa lālasām || 72||

सुधामप्यास्वाद्य प्रतिभयहरा मृत्युहरणींविपद्यन्ते सर्वे विधिशतमखाद्या दिविषदः ।करालं यत् क्ष्वेडं कवलितवतः कालकलनान शम्भोस्तन्मूलं जननि ! तव ताटङ्कमहिमा ॥ ७३॥

sudhāmapyāsvādya pratibhayaharā mṛtyuharaṇīṃvipadyante sarve vidhiśatamakhādyā diviṣadaḥ |karālaṃ yat kṣveḍaṃ kavalitavataḥ kālakalanāna śambhostanmūlaṃ janani ! tava tāṭaṅkamahimā || 73||

करोपान्ते कान्ते वितरणिनिशान्ते विदधतींलसद्वीणाशोणां नखरुचिभिरेणाङ्कवदनाम् ।सदा वन्दे सन्देतरुरुहवशन्देशकवशात्कृपालम्बामम्बां कुसुमितकदम्बाङ्गणगृहाम् ॥ ७४॥

karopānte kānte vitaraṇiniśānte vidadhatīṃlasadvīṇāśoṇāṃ nakharucibhireṇāṅkavadanām |sadā vande sandetaruruhavaśandeśakavaśātkṛpālambāmambāṃ kusumitakadambāṅgaṇagṛhām || 74||

कर्णलम्बितकदम्बमञ्जरीकेसरारुणकपोलमण्डलम् ।केवलं निगमवादगोचरं नीलिमानमवलोकयामहे ॥ ७५॥

karṇalambitakadambamañjarīkesarāruṇakapolamaṇḍalam |kevalaṃ nigamavādagocaraṃ nīlimānamavalokayāmahe || 75||

अकृशं कुचयोः कृशं विलग्ने विपुलं चक्षुषि विस्तृतं नितम्बे ।अरुणाधरमाविरस्तु चित्ते करुणाशालिकपालिभागधेयम् ॥ ७६॥

akṛśaṃ kucayoḥ kṛśaṃ vilagne vipulaṃ cakṣuṣi vistṛtaṃ nitambe |aruṇādharamāvirastu citte karuṇāśālikapālibhāgadheyam || 76||

अनभङ्गुरकेशपाशमम्ब! प्रभया कीचकमेचकं वपुस्ते ।परितः परितो विलोकयामः प्रतिपच्चन्द्रकलाधिरूढचूडम् ॥ ७७॥

anabhaṅgurakeśapāśamamba! prabhayā kīcakamecakaṃ vapuste |paritaḥ parito vilokayāmaḥ pratipaccandrakalādhirūḍhacūḍam || 77||

ध्यायेयं रत्नपीठे शुककलपठितं शृण्वतीं श्यामगात्रींन्यस्तैकाङ्घ्रीसरोजे शशिशकलधरां वल्लकीं वादयन्तीम् ।कह्लाराबद्धभालां नियमितविलसच्चूलिकां रक्तवस्त्रांमातङ्गीं शङ्खपत्रां मधुमदविवशां चित्रकोद्भासिभालाम् ॥ ७८॥

dhyāyeyaṃ ratnapīṭhe śukakalapaṭhitaṃ śṛṇvatīṃ śyāmagātrīṃnyastaikāṅghrīsaroje śaśiśakaladharāṃ vallakīṃ vādayantīm |kahlārābaddhabhālāṃ niyamitavilasaccūlikāṃ raktavastrāṃmātaṅgīṃ śaṅkhapatrāṃ madhumadavivaśāṃ citrakodbhāsibhālām || 78||

आराध्य मातश्चरणाम्बुजं ते ब्रह्मादयो विश्रुतकीर्तिमापुः ।अन्ये परं वाग्विभवं मुनीन्द्राः परां श्रियं भक्तिभरेण चान्ये ॥ ७९॥

ārādhya mātaścaraṇāmbujaṃ te brahmādayo viśrutakīrtimāpuḥ |anye paraṃ vāgvibhavaṃ munīndrāḥ parāṃ śriyaṃ bhaktibhareṇa cānye || 79||

नमामि देवीं नवचन्द्रमौलिं मातङ्गिनीं चन्द्रकलावतंसाम् ।आम्नायवाग्भिः प्रतिपादितार्थं प्रबोधयन्तीं शुकमादरेण ॥ ८०॥

namāmi devīṃ navacandramauliṃ mātaṅginīṃ candrakalāvataṃsām |āmnāyavāgbhiḥ pratipāditārthaṃ prabodhayantīṃ śukamādareṇa || 80||

विनम्रदेवासुरमौलिरत्नैर्नीराजितं ते चरणारविन्दम् ।भजन्ति ये देवि ! महीपतीनां परां श्रियं भक्तिमुपाश्रयन्ति ॥ ८१॥

vinamradevāsuramauliratnairnīrājitaṃ te caraṇāravindam |bhajanti ye devi ! mahīpatīnāṃ parāṃ śriyaṃ bhaktimupāśrayanti || 81||

मातङ्गि! लीलागमने ! भवत्याः सञ्जातमञ्जीरमिषाद् भजन्ते ।मातस्त्वदीयं चरणारविन्दं अकृत्रिमाणां वचसां विगुम्फाः ॥ ८२॥

mātaṅgi! līlāgamane ! bhavatyāḥ sañjātamañjīramiṣād bhajante |mātastvadīyaṃ caraṇāravindaṃ akṛtrimāṇāṃ vacasāṃ vigumphāḥ || 82||

पदात्पदं सिञ्जितनूपुराभ्यां कृतार्थयन्ती पदवीं पदाभ्याम् ।आस्फालयन्ती कलवल्लकीं तां मातङ्गिनी मे हृदयं धिनोतु ॥ ८३॥

padātpadaṃ siñjitanūpurābhyāṃ kṛtārthayantī padavīṃ padābhyām |āsphālayantī kalavallakīṃ tāṃ mātaṅginī me hṛdayaṃ dhinotu || 83||

लीलांशुकाबद्धनितम्बबिम्बां ताडीदलेनार्पितकर्णभूषाम् ।माध्वीमदाघूर्णितनेत्रपद्मां घनस्तनीं शम्भुवधूं स्मरामि ॥ ८४॥

līlāṃśukābaddhanitambabimbāṃ tāḍīdalenārpitakarṇabhūṣām |mādhvīmadāghūrṇitanetrapadmāṃ ghanastanīṃ śambhuvadhūṃ smarāmi || 84||

तडिल्लताकान्तमलब्धभूषम्, चिरेण लक्ष्यं नवरोमराज्या ।स्मरामि भक्त्या जगतामधीशि ! वलित्रयाङ्कं तव मध्यमम्ब! ॥ ८५॥

taḍillatākāntamalabdhabhūṣam, cireṇa lakṣyaṃ navaromarājyā |smarāmi bhaktyā jagatāmadhīśi ! valitrayāṅkaṃ tava madhyamamba! || 85||

नीलोत्पलानां श्रियमाहरन्तीं कान्त्याः कटाक्षैः कमलाकराणाम् ।कदम्बमालाञ्चितकेशपाशां मातङ्गकन्यां हृदि भावयामि ॥ ८६॥

nīlotpalānāṃ śriyamāharantīṃ kāntyāḥ kaṭākṣaiḥ kamalākarāṇām |kadambamālāñcitakeśapāśāṃ mātaṅgakanyāṃ hṛdi bhāvayāmi || 86||

ध्यायेयमारक्तकपोलकान्तं बिम्बाधरं न्यस्तललाटरम्यम् ।आलोललीलायितमायताक्षं मन्दस्मितं ते वदनं महेशि ! ॥ ८७॥

dhyāyeyamāraktakapolakāntaṃ bimbādharaṃ nyastalalāṭaramyam |ālolalīlāyitamāyatākṣaṃ mandasmitaṃ te vadanaṃ maheśi ! || 87||

वामस्तनासङ्गसखीं विपञ्चीं उद्घाटयन्तीमरुणाङ्गुलीभिः ।तदुत्थसौभाग्यविलोलमौलिं श्यामां भजे यौवनभारखिन्नाम् ॥ ८८॥

vāmastanāsaṅgasakhīṃ vipañcīṃ udghāṭayantīmaruṇāṅgulībhiḥ |tadutthasaubhāgyavilolamauliṃ śyāmāṃ bhaje yauvanabhārakhinnām || 88||

स्तुत्यानया शङ्करधर्मपत्नीं मातङ्गिनीं वागधिदेवतां ताम् ।स्तुवन्ति ये भक्तियुता मनुष्याः परां श्रियं भक्तिमुपाश्रयन्ति ॥ ८९॥

stutyānayā śaṅkaradharmapatnīṃ mātaṅginīṃ vāgadhidevatāṃ tām |stuvanti ye bhaktiyutā manuṣyāḥ parāṃ śriyaṃ bhaktimupāśrayanti || 89||

गेहं नाकति गर्वितः प्रणमति स्त्रीसङ्गमो मोक्षतिमृत्युर्वैद्यति दूषणं च गुणति क्ष्मावल्लभो दासति ।वज्रं पुष्पति पन्नगोऽब्जनलति हालाहलं भुज्यतिद्वेषी मित्रति पातकं सुकृतति त्वत्पादसञ्चिन्तनात् ॥ ९०॥

gehaṃ nākati garvitaḥ praṇamati strīsaṅgamo mokṣatimṛtyurvaidyati dūṣaṇaṃ ca guṇati kṣmāvallabho dāsati |vajraṃ puṣpati pannago'bjanalati hālāhalaṃ bhujyatidveṣī mitrati pātakaṃ sukṛtati tvatpādasañcintanāt || 90||

एह्येहि मातस्त्रिपुरे पवित्रे ! यन्त्रान्तरे त्वं वसतिं विधेहि ।गृह्णस्व गृह्णस्व बलिं प्रपूजां त्रिकोणषट्कोणदलेऽष्टकुण्डे ॥ ९१॥

ehyehi mātastripure pavitre ! yantrāntare tvaṃ vasatiṃ vidhehi |gṛhṇasva gṛhṇasva baliṃ prapūjāṃ trikoṇaṣaṭkoṇadale'ṣṭakuṇḍe || 91||

एह्येहि मातस्त्रिपुरे मदीये नेत्रे निवासं कुरु मञ्जुनेत्रे ।भूतात्मकं विश्वमिदं नरस्य मे दर्शय त्वं तव चित्स्वरूपम् ॥ ९२॥

ehyehi mātastripure madīye netre nivāsaṃ kuru mañjunetre |bhūtātmakaṃ viśvamidaṃ narasya me darśaya tvaṃ tava citsvarūpam || 92||

एह्येहि मातस्त्रिपुरे मदीये वक्त्रे निवासं कुरु चन्द्रवक्त्रि !।परापवादं वचनं नरस्य वागीश्वरं मे वदतां कुरुष्व ॥ ९३॥

ehyehi mātastripure madīye vaktre nivāsaṃ kuru candravaktri !|parāpavādaṃ vacanaṃ narasya vāgīśvaraṃ me vadatāṃ kuruṣva || 93||

एह्येहि मातस्त्रिपुरे मदीये चित्ते निवासं कुरु कल्पवल्लि ! ।वेगेन जाड्यादि तमो निरस्य विधेहि दीप्तं तव चित्स्वरूपम् ॥ ९४॥

ehyehi mātastripure madīye citte nivāsaṃ kuru kalpavalli ! |vegena jāḍyādi tamo nirasya vidhehi dīptaṃ tava citsvarūpam || 94||

अनेन स्तोत्रपाठेन सर्वपापहरेण वै ।प्रीयतां परमा शक्तिर्मातङ्गी सर्वकामदा ॥ ९५॥

anena stotrapāṭhena sarvapāpahareṇa vai |prīyatāṃ paramā śaktirmātaṅgī sarvakāmadā || 95||

इत्यागमसारे उमासहाचार्यविरचितं श्रीमातङ्गीस्तोत्रं सम्पूर्णम् ॥

ityāgamasāre umāsahācāryaviracitaṃ śrīmātaṅgīstotraṃ sampūrṇam ||