मातङ्गिनीकवचम् १ त्वरितफलदायिनी Matangini Kavacham

श्रीदेव्युवाचसाधु साधु महादेव कथयस्व सुरेश्वर ।मातङ्गीकवचन्दिव्यं सर्वसिद्धिकरन्नृणाम् ॥ १॥

śrīdevyuvācasādhu sādhu mahādeva kathayasva sureśvara |mātaṅgīkavacandivyaṃ sarvasiddhikarannṛṇām || 1||

श्री ईश्वर उवाचशृणु देवि प्रवक्ष्यामि मातङ्गीकवचं शुभम् ।गोपनीयं महादेवि मौनी जापं समाचरेत् ॥ २॥

śrī īśvara uvācaśṛṇu devi pravakṣyāmi mātaṅgīkavacaṃ śubham |gopanīyaṃ mahādevi maunī jāpaṃ samācaret || 2||

अस्य श्रीमातङ्गीकवचस्य दक्षिणामूर्तिरृषिर्विराट्छन्दो मातङ्गी देवता चतुर्वर्गसिद्धये विनियोगः ॥ॐ शिरो मातङ्गिनी पातु भुवनेशी तु चक्षुषी ।तोडला कर्णयुगलन्त्रिपुरा वदनं मम ॥ ३॥

asya śrīmātaṅgīkavacasya dakṣiṇāmūrtirṛṣirvirāṭchando mātaṅgī devatā caturvargasiddhaye viniyogaḥ ||oṃ śiro mātaṅginī pātu bhuvaneśī tu cakṣuṣī |toḍalā karṇayugalantripurā vadanaṃ mama || 3||

पातु कण्ठे महामाया हृदि माहेश्वरी तथा ।त्रिपुष्पा पार्श्वयोः पातु गुदे कामेश्वरी मम ॥ ४॥

pātu kaṇṭhe mahāmāyā hṛdi māheśvarī tathā |tripuṣpā pārśvayoḥ pātu gude kāmeśvarī mama || 4||

ऊरुद्वये तथा चण्डी जङ्घयोश्च हरप्रिया ।महामाया पादयुग्मे सर्वाङ्गेषु कुलेश्वरी ॥ ५॥

ūrudvaye tathā caṇḍī jaṅghayośca harapriyā |mahāmāyā pādayugme sarvāṅgeṣu kuleśvarī || 5||

अङ्गम्प्रत्यङ्गकञ्चैव सदा रक्षतु वैष्णवी ।ब्रह्मरन्ध्रे सदा रक्षेन्मातङ्गी नाम संस्थिता ॥ ६॥

aṅgampratyaṅgakañcaiva sadā rakṣatu vaiṣṇavī |brahmarandhre sadā rakṣenmātaṅgī nāma saṃsthitā || 6||

ललाटे रक्षयेन्नित्यं महापिशाचिनीति च ।नेत्राभ्यां सुमुखी रक्षेद्देवी रक्षतु नासिकाम् ॥ ७॥

lalāṭe rakṣayennityaṃ mahāpiśācinīti ca |netrābhyāṃ sumukhī rakṣeddevī rakṣatu nāsikām || 7||

महापिशाचिनी पायान्मुखे रक्षतु सर्वदा ।लज्जा रक्षतु मान्दन्ते चोष्ठौ संमार्जनीकरी ॥ ८॥

mahāpiśācinī pāyānmukhe rakṣatu sarvadā |lajjā rakṣatu māndante coṣṭhau saṃmārjanīkarī || 8||

चिबुके कण्ठदेशे तु चकारत्रितयम्पुनः ।सविसर्गं महादेवी हृदयम्पातु सर्वदा ॥ ९॥

cibuke kaṇṭhadeśe tu cakāratritayampunaḥ |savisargaṃ mahādevī hṛdayampātu sarvadā || 9||

नाभिं रक्षतु मा लोला कालिकावतु लोचने ।उदरे पातु चामुण्डा लिङ्गे कात्यायनी तथा ॥ १०॥

nābhiṃ rakṣatu mā lolā kālikāvatu locane |udare pātu cāmuṇḍā liṅge kātyāyanī tathā || 10||

उग्रतारा गुदे पातु पादौ रक्षतु चाम्बिका ।भुजौ रक्षतु शर्वाणी हृदयञ्चण्डभूषणा ॥ ११॥

ugratārā gude pātu pādau rakṣatu cāmbikā |bhujau rakṣatu śarvāṇī hṛdayañcaṇḍabhūṣaṇā || 11||

जिह्वायां मातृका रक्षेत्पूर्वे रक्षतु पुष्टिका ।विजया दक्षिणे पातु मेधा रक्षतु वारुणे ॥ १२॥

jihvāyāṃ mātṛkā rakṣetpūrve rakṣatu puṣṭikā |vijayā dakṣiṇe pātu medhā rakṣatu vāruṇe || 12||

नैरृत्यां सुदया रक्षेद्वायव्याम्पातु लक्ष्मणा ।ऐशान्यां रक्षयेद्देवी मातङ्गी शुभकारिणी ॥ १३॥

nairṛtyāṃ sudayā rakṣedvāyavyāmpātu lakṣmaṇā |aiśānyāṃ rakṣayeddevī mātaṅgī śubhakāriṇī || 13||

रक्षेत्सुरेशा चाग्नेये बगला पातु चोत्तरे ।ऊर्द्ध्वम्पातु महादेवी देवानां हितकारिणी ॥ १४॥

rakṣetsureśā cāgneye bagalā pātu cottare |ūrddhvampātu mahādevī devānāṃ hitakāriṇī || 14||

पाताले पातु मा नित्यँ वशिनी विश्वरूपिणी ।प्रणवञ्च तता माया कामबीजञ्च कूर्च्चकम् ॥ १५॥

pātāle pātu mā nityam̐ vaśinī viśvarūpiṇī |praṇavañca tatā māyā kāmabījañca kūrccakam || 15||

मातङ्गिनी ङेयुतास्त्रँ वह्निजायावधिर्मनुः ।सार्द्धैकादशवर्णा सा सर्वत्र पातु मां सदा ॥ १६॥

mātaṅginī ṅeyutāstram̐ vahnijāyāvadhirmanuḥ |sārddhaikādaśavarṇā sā sarvatra pātu māṃ sadā || 16||

इति ते कथितन्देवि गुह्याद्गुह्यतरम्परम् ।त्रैलोक्यमङ्गलन्नाम कवचन्देवदुर्लभम् ॥ १७॥

iti te kathitandevi guhyādguhyataramparam |trailokyamaṅgalannāma kavacandevadurlabham || 17||

य इदम्प्रपठेन्नित्यञ्जायते सम्पदालयम् ।परमैश्वर्यमतुलम्प्राप्नुयान्नात्र संशयः ॥ १८॥

ya idamprapaṭhennityañjāyate sampadālayam |paramaiśvaryamatulamprāpnuyānnātra saṃśayaḥ || 18||

गुरुमभ्यर्च्च्य विधिवत्कवचम्प्रपठेद्यदि ।ऐश्वर्यं सुकवित्वञ्च वाक्सिद्धिँ लभते ध्रुवम् ॥ १९॥

gurumabhyarccya vidhivatkavacamprapaṭhedyadi |aiśvaryaṃ sukavitvañca vāksiddhim̐ labhate dhruvam || 19||

नित्यन्तस्य तु मातङ्गी महिला मङ्गलञ्चरेत् ।ब्रह्मा विष्णुश्च रुद्रश्च ये देवाः सुरसत्तमाः ॥ २०॥

nityantasya tu mātaṅgī mahilā maṅgalañcaret |brahmā viṣṇuśca rudraśca ye devāḥ surasattamāḥ || 20||

ब्रह्मराक्षसवेताला ग्रहाद्या भूतजातयः ।तन्दृष्ट्वा साधकन्देवि लज्जायुक्ता भवन्ति ते ॥ २१॥

brahmarākṣasavetālā grahādyā bhūtajātayaḥ |tandṛṣṭvā sādhakandevi lajjāyuktā bhavanti te || 21||

कवचन्धारयेद्यस्तु सर्वसिद्धिँलभेद्ध्रुवम् ।राजानोऽपि च दासत्वं षट्कर्माणि च साधयेत् ॥ २२॥

kavacandhārayedyastu sarvasiddhim̐labheddhruvam |rājāno'pi ca dāsatvaṃ ṣaṭkarmāṇi ca sādhayet || 22||

सिद्धो भवति सर्वत्र किमन्यैर्बहु भाषितैः ।इदं कवचमज्ञात्वा मातङ्गीँ यो भजेन्नरः ॥ २३॥

siddho bhavati sarvatra kimanyairbahu bhāṣitaiḥ |idaṃ kavacamajñātvā mātaṅgīm̐ yo bhajennaraḥ || 23||

अल्पायुर्निर्द्धनो मूर्खो भवत्येव न संशयः ।गुरौ भक्तिः सदा कार्या कवचे च दृढा मतिः ॥ २४॥

alpāyurnirddhano mūrkho bhavatyeva na saṃśayaḥ |gurau bhaktiḥ sadā kāryā kavace ca dṛḍhā matiḥ || 24||

तस्मै मातङ्गिनी देवी सर्वसिद्धिम्प्रयच्छति ॥ २५॥

tasmai mātaṅginī devī sarvasiddhimprayacchati || 25||

इति नन्द्यावर्ते उत्तरखण्डे त्वरितफलदायिनी मातङ्गिनीकवचंसमाप्तम् ॥

iti nandyāvarte uttarakhaṇḍe tvaritaphaladāyinī mātaṅginīkavacaṃsamāptam ||