प्रदोषस्तोत्राष्टकम् Pradosha Stotrashtakam

श्री गणेशाय नमः ।सत्यं ब्रवीमि परलोकहितं ब्रवीमिसारं ब्रवीम्युपनिषद्धृदयं ब्रवीमि ।संसारमुल्बणमसारमवाप्य जन्तोःसारोऽयमीश्वरपदाम्बुरुहस्य सेवा ॥ १॥

śrī gaṇeśāya namaḥ |satyaṃ bravīmi paralokahitaṃ bravīmisāraṃ bravīmyupaniṣaddhṛdayaṃ bravīmi |saṃsāramulbaṇamasāramavāpya jantoḥsāro'yamīśvarapadāmburuhasya sevā || 1||

ये नार्चयन्ति गिरिशं समये प्रदोषेये नार्चितं शिवमपि प्रणमन्ति चान्ये ।एतत्कथां श्रुतिपुटैर्न पिबन्ति मूढास्तेजन्मजन्मसु भवन्ति नरा दरिद्राः ॥ २॥

ye nārcayanti giriśaṃ samaye pradoṣeye nārcitaṃ śivamapi praṇamanti cānye |etatkathāṃ śrutipuṭairna pibanti mūḍhāstejanmajanmasu bhavanti narā daridrāḥ || 2||

ये वै प्रदोषसमये परमेश्वरस्य,कुर्वन्त्यनन्यमनसोंऽघ्रिसरोजपूजाम् ।नित्यं प्रवृद्धधनधान्यकलत्रपुत्रसौभाग्यसम्पदधिकास्त इहैव लोके ॥ ३॥

ye vai pradoṣasamaye parameśvarasya,kurvantyananyamanasoṃ'ghrisarojapūjām |nityaṃ pravṛddhadhanadhānyakalatraputrasaubhāgyasampadadhikāsta ihaiva loke || 3||

कैलासशैलभुवने त्रिजगज्जनित्रीं गौरींनिवेश्य कनकाचितरत्नपीठे ।नृत्यं विधातुमभिवाञ्छति शूलपाणौदेवाः प्रदोषसमये नु भजन्ति सर्वे ॥ ४॥

kailāsaśailabhuvane trijagajjanitrīṃ gaurīṃniveśya kanakācitaratnapīṭhe |nṛtyaṃ vidhātumabhivāñchati śūlapāṇaudevāḥ pradoṣasamaye nu bhajanti sarve || 4||

वाग्देवी धृतवल्लकी शतमखो वेणुं दधत्पद्मजस्तालोन्निद्रकरो रमा भगवती गेयप्रयोगान्विता ।विष्णुः सान्द्रमृदङ्गवादनपटुर्देवाः समन्तात्स्थिताःसेवन्ते तमनु प्रदोषसमये देवं मृडानीपतिम् ॥ ५॥

vāgdevī dhṛtavallakī śatamakho veṇuṃ dadhatpadmajastālonnidrakaro ramā bhagavatī geyaprayogānvitā |viṣṇuḥ sāndramṛdaṅgavādanapaṭurdevāḥ samantātsthitāḥsevante tamanu pradoṣasamaye devaṃ mṛḍānīpatim || 5||

गन्धर्वयक्षपतगोरगसिद्धसाध्यविद्याधरामरवराप्सरसां गणांश्च ।येऽन्ये त्रिलोकनिलया सहभूतवर्गाःप्राप्ते प्रदोषसमये हरपार्श्वसंस्थाः ॥ ६॥

gandharvayakṣapatagoragasiddhasādhyavidyādharāmaravarāpsarasāṃ gaṇāṃśca |ye'nye trilokanilayā sahabhūtavargāḥprāpte pradoṣasamaye harapārśvasaṃsthāḥ || 6||

अतः प्रदोषे शिव एक एवपूज्योऽथ नान्ये हरिपद्मजाद्याः ।तस्मिन्महेशे विधिनेज्यमानेसर्वे प्रसीदन्ति सुराधिनाथाः ॥ ७॥

ataḥ pradoṣe śiva eka evapūjyo'tha nānye haripadmajādyāḥ |tasminmaheśe vidhinejyamānesarve prasīdanti surādhināthāḥ || 7||

एष ते तनयः पूर्वजन्मनि ब्राह्मणोत्तमः ।प्रतिग्रहैर्वयो निन्ये न दानाद्यैः सुकर्मभिः ॥ ८॥

eṣa te tanayaḥ pūrvajanmani brāhmaṇottamaḥ |pratigrahairvayo ninye na dānādyaiḥ sukarmabhiḥ || 8||

अतो दारिद्र्यमापन्नः पुत्रस्ते द्विजभामिनि ।तद्दोषपरिहारार्थं शरणां यातु शङ्करम् ॥ ९॥

ato dāridryamāpannaḥ putraste dvijabhāmini |taddoṣaparihārārthaṃ śaraṇāṃ yātu śaṅkaram || 9||

॥ इति श्रीस्कान्दोक्तं प्रदोषस्तोत्राष्टकं सम्पूर्णम् ॥

|| iti śrīskāndoktaṃ pradoṣastotrāṣṭakaṃ sampūrṇam ||