सरस्वतीद्वादशनामस्तोत्रम् Sarasvati Dvadasha Nama Stotram

सरस्वतीमहं वन्दे वीणापुस्तकधारिणीम् ।हंसवाहसमायुक्तां विद्यादानकरीं मम ॥ १॥

sarasvatīmahaṃ vande vīṇāpustakadhāriṇīm |haṃsavāhasamāyuktāṃ vidyādānakarīṃ mama || 1||

प्रथमं भारती नाम द्वितीयं च सरस्वती ।तृतीयं शारदा देवी चतुर्थं हंसवाहिनी ॥ २॥

prathamaṃ bhāratī nāma dvitīyaṃ ca sarasvatī |tṛtīyaṃ śāradā devī caturthaṃ haṃsavāhinī || 2||

पश्चमं जगति ख्याता षष्ठं वाणीश्वरी तथा ।कौमारी सप्तमं प्रोक्ता अष्टमं ब्रह्मचारिणी ॥ ३॥

paścamaṃ jagati khyātā ṣaṣṭhaṃ vāṇīśvarī tathā |kaumārī saptamaṃ proktā aṣṭamaṃ brahmacāriṇī || 3||

नवमं बुद्धिदात्री च दशमं वरदायिनी ।एकादशं क्षुद्रघण्टा द्वादशं भुवनेश्वरी ॥ ४॥

navamaṃ buddhidātrī ca daśamaṃ varadāyinī |ekādaśaṃ kṣudraghaṇṭā dvādaśaṃ bhuvaneśvarī || 4||

ब्राह्मी द्वादशनामानि त्रिसन्ध्यं यः पठेन्नरः ।सर्वसिद्धिकरी तस्य प्रसन्ना परमेश्वरी ।सा मे वसतु जिह्वाग्रे ब्रह्मरूपा सरस्वती ॥ ५॥

brāhmī dvādaśanāmāni trisandhyaṃ yaḥ paṭhennaraḥ |sarvasiddhikarī tasya prasannā parameśvarī |sā me vasatu jihvāgre brahmarūpā sarasvatī || 5||

इति सरस्वतीद्वादशनामस्तोत्रं सम्पूर्णम् ।

iti sarasvatīdvādaśanāmastotraṃ sampūrṇam |