सिद्धिलक्ष्मीस्तोत्रम् Siddhi Lakshmi Stotram

श्री गणेशाय नमः ।ॐ अस्य श्रीसिद्धिलक्ष्मीस्तोत्रस्य हिरण्यगर्भ ऋषिः\,अनुष्टुप् छन्दः\, सिद्धिलक्ष्मीर्देवता\, मम समस्तदुःखक्लेशपीडादारिद्र्यविनाशार्थंसर्वलक्ष्मीप्रसन्नकरणार्थंमहाकालीमहालक्ष्मीमहासरस्वतीदेवताप्रीत्यर्थं चसिद्धिलक्ष्मीस्तोत्रजपे विनियोगः ।ॐ सिद्धिलक्ष्मी अङ्गुष्ठाभ्यां नमः ।ॐ ह्रीं विष्णुहृदये तर्जनीभ्यां नमः ।ॐ क्लीं अमृतानन्दे मध्यमाभ्यां नमः ।ॐ श्रीं दैत्यमालिनी अनामिकाभ्यां नमः ।ॐ तं तेजःप्रकाशिनी कनिष्ठिकाभ्यां नमः ।ॐ ह्रीं क्लीं श्रीं ब्राह्मी वैष्णवी माहेश्वरीकरतलकरपृष्ठाभ्यां नमः । एवं हृदयादिन्यासः ।ॐ सिद्धिलक्ष्मी हृदयाय नमः ।ॐ ह्रीं वैष्णवी शिरसे स्वाहा ।ॐ क्लीं अमृतानन्दे शिखायै वौषट् ।ॐ श्रीं दैत्यमालिनी कवचाय हुम् ।ॐ तं तेजःप्रकाशिनी नेत्रद्वयाय वौषट् ।ॐ ह्रीं क्लीं श्रीं ब्राह्मीं वैष्णवीं फट् ॥ अथ ध्यानम् ॥ब्राह्मीं च वैष्णवीं भद्रां षड्भुजां च चतुर्मुखाम् ।त्रिनेत्रां च त्रिशूलां च पद्मचक्रगदाधराम् ॥ १॥

śrī gaṇeśāya namaḥ |oṃ asya śrīsiddhilakṣmīstotrasya hiraṇyagarbha ṛṣiḥ\,anuṣṭup chandaḥ\, siddhilakṣmīrdevatā\, mama samastaduḥkhakleśapīḍādāridryavināśārthaṃsarvalakṣmīprasannakaraṇārthaṃmahākālīmahālakṣmīmahāsarasvatīdevatāprītyarthaṃ casiddhilakṣmīstotrajape viniyogaḥ |oṃ siddhilakṣmī aṅguṣṭhābhyāṃ namaḥ |oṃ hrīṃ viṣṇuhṛdaye tarjanībhyāṃ namaḥ |oṃ klīṃ amṛtānande madhyamābhyāṃ namaḥ |oṃ śrīṃ daityamālinī anāmikābhyāṃ namaḥ |oṃ taṃ tejaḥprakāśinī kaniṣṭhikābhyāṃ namaḥ |oṃ hrīṃ klīṃ śrīṃ brāhmī vaiṣṇavī māheśvarīkaratalakarapṛṣṭhābhyāṃ namaḥ | evaṃ hṛdayādinyāsaḥ |oṃ siddhilakṣmī hṛdayāya namaḥ |oṃ hrīṃ vaiṣṇavī śirase svāhā |oṃ klīṃ amṛtānande śikhāyai vauṣaṭ |oṃ śrīṃ daityamālinī kavacāya hum |oṃ taṃ tejaḥprakāśinī netradvayāya vauṣaṭ |oṃ hrīṃ klīṃ śrīṃ brāhmīṃ vaiṣṇavīṃ phaṭ || atha dhyānam ||brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhām |trinetrāṃ ca triśūlāṃ ca padmacakragadādharām || 1||

पीताम्बरधरां देवीं नानालङ्कारभूषिताम् ।तेजःपुञ्जधरां श्रेष्ठां ध्यायेद्बालकुमारिकाम् ॥ २॥

pītāmbaradharāṃ devīṃ nānālaṅkārabhūṣitām |tejaḥpuñjadharāṃ śreṣṭhāṃ dhyāyedbālakumārikām || 2||

ॐकारलक्ष्मीरूपेण विष्णोर्हृदयमव्ययम् ।विष्णुमानन्दमध्यस्थं ह्रींकारबीजरूपिणी ॥ ३॥

oṃkāralakṣmīrūpeṇa viṣṇorhṛdayamavyayam |viṣṇumānandamadhyasthaṃ hrīṃkārabījarūpiṇī || 3||

ॐ क्लीं अमृतानन्दभद्रे सद्य आनन्ददायिनी ।ॐ श्रीं दैत्यभक्षरदां शक्तिमालिनी शत्रुमर्दिनी ॥ ४॥

oṃ klīṃ amṛtānandabhadre sadya ānandadāyinī |oṃ śrīṃ daityabhakṣaradāṃ śaktimālinī śatrumardinī || 4||

तेजःप्रकाशिनी देवी वरदा शुभकारिणी ।ब्राह्मी च वैष्णवी भद्रा कालिका रक्तशाम्भवी ॥ ५॥

tejaḥprakāśinī devī varadā śubhakāriṇī |brāhmī ca vaiṣṇavī bhadrā kālikā raktaśāmbhavī || 5||

आकारब्रह्मरूपेण ॐकारं विष्णुमव्ययम् ।सिद्धिलक्ष्मि परालक्ष्मि लक्ष्यलक्ष्मि नमोऽस्तुते ॥ ६॥

ākārabrahmarūpeṇa oṃkāraṃ viṣṇumavyayam |siddhilakṣmi parālakṣmi lakṣyalakṣmi namo'stute || 6||

सूर्यकोटिप्रतीकाशं चन्द्रकोटिसमप्रभम् ।तन्मध्ये निकरे सूक्ष्मं ब्रह्मरूपव्यवस्थितम् ॥ ७॥

sūryakoṭipratīkāśaṃ candrakoṭisamaprabham |tanmadhye nikare sūkṣmaṃ brahmarūpavyavasthitam || 7||

ॐकारपरमानन्दं क्रियते सुखसम्पदा ।सर्वमङ्गलमाङ्गल्ये शिवे सर्वार्थसाधिके ॥ ८॥

oṃkāraparamānandaṃ kriyate sukhasampadā |sarvamaṅgalamāṅgalye śive sarvārthasādhike || 8||

प्रथमे त्र्यम्बका गौरी द्वितीये वैष्णवी तथा ।तृतीये कमला प्रोक्ता चतुर्थे सुरसुन्दरी ॥ ९॥

prathame tryambakā gaurī dvitīye vaiṣṇavī tathā |tṛtīye kamalā proktā caturthe surasundarī || 9||

पञ्चमे विष्णुपत्नी च षष्ठे च वैष्णवी तथा ।सप्तमे च वरारोहा अष्टमे वरदायिनी ॥ १०॥

pañcame viṣṇupatnī ca ṣaṣṭhe ca vaiṣṇavī tathā |saptame ca varārohā aṣṭame varadāyinī || 10||

नवमे खड्गत्रिशूला दशमे देवदेवता ।एकादशे सिद्धिलक्ष्मीर्द्वादशे ललितात्मिका ॥ ११॥

navame khaḍgatriśūlā daśame devadevatā |ekādaśe siddhilakṣmīrdvādaśe lalitātmikā || 11||

एतत्स्तोत्रं पठन्तस्त्वां स्तुवन्ति भुवि मानवाः ।सर्वोपद्रवमुक्तास्ते नात्र कार्या विचारणा ॥ १२॥

etatstotraṃ paṭhantastvāṃ stuvanti bhuvi mānavāḥ |sarvopadravamuktāste nātra kāryā vicāraṇā || 12||

एकमासं द्विमासं वा त्रिमासं च चतुर्थकम् ।पञ्चमासं च षण्मासं त्रिकालं यः पठेन्नरः ॥ १३॥

ekamāsaṃ dvimāsaṃ vā trimāsaṃ ca caturthakam |pañcamāsaṃ ca ṣaṇmāsaṃ trikālaṃ yaḥ paṭhennaraḥ || 13||

ब्राह्मणाः क्लेशतो दुःखदरिद्रा भयपीडिताः ।जन्मान्तरसहस्रेषु मुच्यन्ते सर्वक्लेशतः ॥ १४॥

brāhmaṇāḥ kleśato duḥkhadaridrā bhayapīḍitāḥ |janmāntarasahasreṣu mucyante sarvakleśataḥ || 14||

अलक्ष्मीर्लभते लक्ष्मीमपुत्रः पुत्रमुत्तमम् ।धन्यं यशस्यमायुष्यं वह्निचौरभयेषु च ॥ १५॥

alakṣmīrlabhate lakṣmīmaputraḥ putramuttamam |dhanyaṃ yaśasyamāyuṣyaṃ vahnicaurabhayeṣu ca || 15||

शाकिनीभूतवेतालसर्वव्याधिनिपातके ।राजद्वारे महाघोरे सङ्ग्रामे रिपुसङ्कटे ॥ १६॥

śākinībhūtavetālasarvavyādhinipātake |rājadvāre mahāghore saṅgrāme ripusaṅkaṭe || 16||

सभास्थाने श्मशाने च कारागेहारिबन्धने ।अशेषभयसम्प्राप्तौ सिद्धिलक्ष्मीं जपेन्नरः ॥ १७॥

sabhāsthāne śmaśāne ca kārāgehāribandhane |aśeṣabhayasamprāptau siddhilakṣmīṃ japennaraḥ || 17||

ईश्वरेण कृतं स्तोत्रं प्राणिनां हितकारणम् ।स्तुवन्ति ब्राह्मणा नित्यं दारिद्र्यं न च वर्धते ॥ १८॥

īśvareṇa kṛtaṃ stotraṃ prāṇināṃ hitakāraṇam |stuvanti brāhmaṇā nityaṃ dāridryaṃ na ca vardhate || 18||

या श्रीः पद्मवने कदम्बशिखरे राजगृहे कुञ्जरेश्वेते चाश्वयुते वृषे च युगले यज्ञे च यूपस्थिते ।शङ्खे देवकुले नरेन्द्रभवनी गङ्गातटे गोकुलेसा श्रीस्तिष्ठतु सर्वदा मम गृहे भूयात्सदा निश्चला ॥ १९॥

yā śrīḥ padmavane kadambaśikhare rājagṛhe kuñjareśvete cāśvayute vṛṣe ca yugale yajñe ca yūpasthite |śaṅkhe devakule narendrabhavanī gaṅgātaṭe gokulesā śrīstiṣṭhatu sarvadā mama gṛhe bhūyātsadā niścalā || 19||

॥ इति श्रीब्रह्माण्डपुराणे ईश्वरविष्णुसंवादे दारिद्र्यनाशनंसिद्धिलक्ष्मीस्तोत्रं सम्पूर्णम् ॥

|| iti śrībrahmāṇḍapurāṇe īśvaraviṣṇusaṃvāde dāridryanāśanaṃsiddhilakṣmīstotraṃ sampūrṇam ||