श्रीस्तोत्रम् (अग्निपुराणान्तर्गतम्) Shristotram

अथाग्नेये षट्त्रिंशदधिकद्विशततमोऽध्यायः ।पुष्कर उवाचराज्यलक्ष्मीस्थिरत्वाय यथेन्द्रेण पुरा श्रियः ।स्तुतिः कृता तथा राजा जयार्थं स्तुतिमाचरेत् ॥ १॥

athāgneye ṣaṭtriṃśadadhikadviśatatamo'dhyāyaḥ |puṣkara uvācarājyalakṣmīsthiratvāya yathendreṇa purā śriyaḥ |stutiḥ kṛtā tathā rājā jayārthaṃ stutimācaret || 1||

इन्द्र उवाचनमस्ते सर्वलोकानां जननीमब्धिसम्भवाम् । वर्सर्वभूतानां जीवनमम्बुसम्भवाम्श्रियमुन्निन्द्रपद्माक्षीं विष्णुवक्षःस्थलस्थिताम् ॥ २॥

indra uvācanamaste sarvalokānāṃ jananīmabdhisambhavām | varsarvabhūtānāṃ jīvanamambusambhavāmśriyamunnindrapadmākṣīṃ viṣṇuvakṣaḥsthalasthitām || 2||

त्वं सिद्धिस्त्वं स्वधा स्वाहा सुधा त्वं लोकपावनि ।सन्ध्या रात्रिः प्रभा भूतिर्मेधा श्रद्धा सरस्वती ॥ ३॥

tvaṃ siddhistvaṃ svadhā svāhā sudhā tvaṃ lokapāvani |sandhyā rātriḥ prabhā bhūtirmedhā śraddhā sarasvatī || 3||

यज्ञविद्या महाविद्या गुह्यविद्या च शोभने ।आत्मविद्या च देवि त्वं विमुक्तिफलदायिनी ॥ ४॥

yajñavidyā mahāvidyā guhyavidyā ca śobhane |ātmavidyā ca devi tvaṃ vimuktiphaladāyinī || 4||

आन्वीक्षिकी त्रयी वार्ता दण्डनीतिस्त्वमेव च ।सौम्या सौम्यैर्जगद्रूपैस्त्वयैतद्देवि पूरितम् ॥ ५॥

ānvīkṣikī trayī vārtā daṇḍanītistvameva ca |saumyā saumyairjagadrūpaistvayaitaddevi pūritam || 5||

का त्वन्या त्वामृते देवि सर्वयज्ञमयं वपुः ।अध्यास्ते देव देवस्य योगिचिन्त्यं गदाभृतः ॥ ६॥

kā tvanyā tvāmṛte devi sarvayajñamayaṃ vapuḥ |adhyāste deva devasya yogicintyaṃ gadābhṛtaḥ || 6||

त्वया देवि परित्यक्तं सकलं भुवनत्रयम् ।विनष्टप्रायमभवत्त्वयेदानीं समेधितम् ॥ ७॥

tvayā devi parityaktaṃ sakalaṃ bhuvanatrayam |vinaṣṭaprāyamabhavattvayedānīṃ samedhitam || 7||

दाराः पुत्रास्तथागारं सुहृद्धान्यधनादिकम् ।भवत्येतन्महाभागे नित्यं त्वद्वीक्षणान्नृणाम् ॥ ८॥

dārāḥ putrāstathāgāraṃ suhṛddhānyadhanādikam |bhavatyetanmahābhāge nityaṃ tvadvīkṣaṇānnṛṇām || 8||

शरीरारोग्यमैश्वर्यमरिपक्षक्षयः सुखम् । वर्क्षयः स्वयम्देवि त्वद्दृष्टिदृष्टानां पुरुषाणां न दुर्लभम् ॥ ९॥

śarīrārogyamaiśvaryamaripakṣakṣayaḥ sukham | varkṣayaḥ svayamdevi tvaddṛṣṭidṛṣṭānāṃ puruṣāṇāṃ na durlabham || 9||

त्वमम्बा सर्वभूतानां देवदेवो हरिः पिता ।त्वयैतद्विष्णुना चाम्ब जगद्व्याप्तं चराचरम् ॥ १०॥

tvamambā sarvabhūtānāṃ devadevo hariḥ pitā |tvayaitadviṣṇunā cāmba jagadvyāptaṃ carācaram || 10||

मानं कोषं तथा कोष्ठं मा गृहं मा परिच्छदम् ।मा शरीरं कलत्रञ्च त्यजेथाः सर्वपावनि ॥ ११॥

mānaṃ koṣaṃ tathā koṣṭhaṃ mā gṛhaṃ mā paricchadam |mā śarīraṃ kalatrañca tyajethāḥ sarvapāvani || 11||

मा पुत्रान्मासुहृद्वर्गान्मा पशून्मा विभूषणम् ।त्यजेथा मम देवस्य विष्णोर्वक्षःस्थलालये ॥ १२॥

mā putrānmāsuhṛdvargānmā paśūnmā vibhūṣaṇam |tyajethā mama devasya viṣṇorvakṣaḥsthalālaye || 12||

वर् त्यजेथा देवदेवस्य विष्णोर्वक्षःस्थलाश्रयेसत्त्वेन सत्यशौचाभ्यां तथा शीलादिभिर्गुणैः ।त्यजन्ते ते नरा सद्यः सन्त्यक्ता ये त्वयामले ॥ १३॥

var tyajethā devadevasya viṣṇorvakṣaḥsthalāśrayesattvena satyaśaucābhyāṃ tathā śīlādibhirguṇaiḥ |tyajante te narā sadyaḥ santyaktā ye tvayāmale || 13||

त्वयावलोकिताः सद्यः शीलाद्यैरखिलैर्गुणैः ।कुलैश्वर्यैश्च युज्यन्ते पुरुषा निर्गुणा अपि ॥ १४॥

tvayāvalokitāḥ sadyaḥ śīlādyairakhilairguṇaiḥ |kulaiśvaryaiśca yujyante puruṣā nirguṇā api || 14||

स श्लाघ्यः स गुणी धन्यः स कुलीनः स बुद्धिमान् ।स शूरः स च विक्रान्तो यस्त्वया देवि वीक्षितः ॥ १५॥

sa ślāghyaḥ sa guṇī dhanyaḥ sa kulīnaḥ sa buddhimān |sa śūraḥ sa ca vikrānto yastvayā devi vīkṣitaḥ || 15||

सद्यो वैगुण्यमायान्ति शीलाद्याः सकला गुणाः ।पराङ्मुखी जगद्धात्री यस्य त्वं विष्णुवल्लभे ॥ १६॥

sadyo vaiguṇyamāyānti śīlādyāḥ sakalā guṇāḥ |parāṅmukhī jagaddhātrī yasya tvaṃ viṣṇuvallabhe || 16||

न ते वर्णयितुं शक्ता गुणान् जिह्वापि वेधसः ।प्रसीद देवि पद्माक्षि नास्मांस्त्याक्षीः कदाचन ॥ १७॥

na te varṇayituṃ śaktā guṇān jihvāpi vedhasaḥ |prasīda devi padmākṣi nāsmāṃstyākṣīḥ kadācana || 17||

पुष्कर उवाचएवं स्तुता ददौ श्रीश्च वरमिन्द्राय चेप्सितम् ।सुस्थिरत्वं च राज्यस्य सङ्ग्रामविजयादिकम् ॥ १८॥

puṣkara uvācaevaṃ stutā dadau śrīśca varamindrāya cepsitam |susthiratvaṃ ca rājyasya saṅgrāmavijayādikam || 18||

स्वस्तोत्रपाठश्रवणकर्तॄणां भुक्तिमुक्तिदम् ।श्रीस्तोत्रं सततं तस्मात्पठेच्च शृणुयान्नरः ॥ १९॥

svastotrapāṭhaśravaṇakartṝṇāṃ bhuktimuktidam |śrīstotraṃ satataṃ tasmātpaṭhecca śṛṇuyānnaraḥ || 19||

इत्याग्नेये महापुराणे श्रीस्तोत्रं नामषट्त्रिंशदधिकद्विशततमोऽध्यायः ॥ २३६॥

ityāgneye mahāpurāṇe śrīstotraṃ nāmaṣaṭtriṃśadadhikadviśatatamo'dhyāyaḥ || 236||