श्रीस्तवः २ Shristavah

ॐ श्रीदेवी महावक्त्रा चतुर्वर्णा चतुर्भुजा ।प्रज्ञावीर्यसार (रस)ज्ञेया चिन्तामणिकुरु स्मृता ॥ १॥

oṃ śrīdevī mahāvaktrā caturvarṇā caturbhujā |prajñāvīryasāra (rasa)jñeyā cintāmaṇikuru smṛtā || 1||

श्रीशालिकान्तरूपा त्वं स्निग्धगात्रं च तण्डुलम् ।ददासि मे सदा चित्रं सौभाग्यं लोकपूजितम् ॥ २॥

śrīśālikāntarūpā tvaṃ snigdhagātraṃ ca taṇḍulam |dadāsi me sadā citraṃ saubhāgyaṃ lokapūjitam || 2||

श्रीताण्डुली महादेवी श्रीमल्(त्) कमलशोभिता ।ददासि मे महाभोग्यं सर्वद्रव्यहितं धनम् ॥ ३॥

śrītāṇḍulī mahādevī śrīmal(t) kamalaśobhitā |dadāsi me mahābhogyaṃ sarvadravyahitaṃ dhanam || 3||

श्रीव्रीहिमुक्ताजीवा त्वं सर्वभूप(सु) नन्दिनी ।ददासि मे सुखं नित्यं जीवितं धातुकाञ्चनम् ॥ ४॥

śrīvrīhimuktājīvā tvaṃ sarvabhūpa(su) nandinī |dadāsi me sukhaṃ nityaṃ jīvitaṃ dhātukāñcanam || 4||

श्रीधन (धान्य) देविका रम्या सर्वरूपवती तथा ।सर्वज्ञानमणिश्चैव श्रीश्रीदेवी नमोऽस्तु ते ॥ ५॥

śrīdhana (dhānya) devikā ramyā sarvarūpavatī tathā |sarvajñānamaṇiścaiva śrīśrīdevī namo'stu te || 5||

ब्रह्मादिस्तम्बपर्यन्तं जगत् स्थावरजङ्गमम् ।शिवाङ्गमिति तत्सर्वं मां रक्षतु नमोऽस्तु ते ।श्रीदेवी सततं मूर्ध्ना त्वां नमामि च शक्तितः ॥ ६॥

brahmādistambaparyantaṃ jagat sthāvarajaṅgamam |śivāṅgamiti tatsarvaṃ māṃ rakṣatu namo'stu te |śrīdevī satataṃ mūrdhnā tvāṃ namāmi ca śaktitaḥ || 6||

॥ ॐ तत्सत्॥

|| oṃ tatsat||