राघवेन्द्रमङ्गलाष्टकम् Shri Raghavendra Mangalashtakam

श्रीमद्रामपादारविन्दमधुपः श्रीमध्ववंशाधिपःसच्चिष्योडुगणोडुपः श्रितजगद्गीर्वाणसत्पादपः ।अत्यर्थं मनसा कृताच्युतजपः पापान्धकारातपःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ १॥

śrīmadrāmapādāravindamadhupaḥ śrīmadhvavaṃśādhipaḥsacciṣyoḍugaṇoḍupaḥ śritajagadgīrvāṇasatpādapaḥ |atyarthaṃ manasā kṛtācyutajapaḥ pāpāndhakārātapaḥśrīmatsadgururāghavendrayatirāṭ kuryāddhruvaṃ maṅgalam || 1||

कर्मन्दीन्द्रसुधीन्द्रसद्गुरुकराम्भोजोद्भवः सन्ततंप्राज्यध्यानवशीकृताखिलजगद्वास्तव्यलक्ष्मीधवः ।सच्छास्त्रादि विदूषकाखिलमृषावादीभकण्ठीरवःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ २॥

karmandīndrasudhīndrasadgurukarāmbhojodbhavaḥ santataṃprājyadhyānavaśīkṛtākhilajagadvāstavyalakṣmīdhavaḥ |sacchāstrādi vidūṣakākhilamṛṣāvādībhakaṇṭhīravaḥśrīmatsadgururāghavendrayatirāṭ kuryāddhruvaṃ maṅgalam || 2||

सालङ्कारककाव्यनाटककलाकाणादपातञ्जलत्रय्यर्थस्मृतिजैमिनीयकवितासङ्कीतपारङ्गतः ।विप्रक्षत्रविडङ्घ्रिजातमुखरानेकप्रजासेवितःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ३॥

sālaṅkārakakāvyanāṭakakalākāṇādapātañjalatrayyarthasmṛtijaiminīyakavitāsaṅkītapāraṅgataḥ |viprakṣatraviḍaṅghrijātamukharānekaprajāsevitaḥśrīmatsadgururāghavendrayatirāṭ kuryāddhruvaṃ maṅgalam || 3||

रङ्गोत्तुङ्गतरङ्गमङ्गलकर श्रीतुङ्गभद्रातटप्रत्यक्स्थद्विजपुङ्गवालय लसन्मन्त्रालयाख्ये पुरे ।नव्येन्द्रोपलनीलभव्यकरसद्वृन्दावनान्तर्गतःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ४॥

raṅgottuṅgataraṅgamaṅgalakara śrītuṅgabhadrātaṭapratyaksthadvijapuṅgavālaya lasanmantrālayākhye pure |navyendropalanīlabhavyakarasadvṛndāvanāntargataḥśrīmatsadgururāghavendrayatirāṭ kuryāddhruvaṃ maṅgalam || 4||

विद्वद्राजशिरःकिरीटखचितानर्घ्योरुरत्नप्रभारागाघौघहपादुकाद्वयचरः पद्माक्षमालाधरः ।भास्वद्दण्टकमण्डलूज्ज्वलकरो रक्ताम्बराडम्बरःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ५॥

vidvadrājaśiraḥkirīṭakhacitānarghyoruratnaprabhārāgāghaughahapādukādvayacaraḥ padmākṣamālādharaḥ |bhāsvaddaṇṭakamaṇḍalūjjvalakaro raktāmbarāḍambaraḥśrīmatsadgururāghavendrayatirāṭ kuryāddhruvaṃ maṅgalam || 5||

यद्वृन्दावनसत्प्रदक्षिणनमस्काराभिषेकस्तुतिध्यानाराधनमृद्विलेपनमुखानेकोपचारान् सदा ।कारं कारमभिप्रयान्ति चतुरो लोकाः पुमर्थान् सदाश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ६॥

yadvṛndāvanasatpradakṣiṇanamaskārābhiṣekastutidhyānārādhanamṛdvilepanamukhānekopacārān sadā |kāraṃ kāramabhiprayānti caturo lokāḥ pumarthān sadāśrīmatsadgururāghavendrayatirāṭ kuryāddhruvaṃ maṅgalam || 6||

वेदव्यासमुनीशमध्वयतिराट् टीकार्यवाक्यामृतंज्ञात्वाऽद्वैतमतं हलाहलसमं त्यक्त्वा समाख्याप्तये ।सङ्ख्यावत्सुखदां दशोपनिषदां व्याख्यां समाख्यन्मुदाश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ७॥

vedavyāsamunīśamadhvayatirāṭ ṭīkāryavākyāmṛtaṃjñātvā'dvaitamataṃ halāhalasamaṃ tyaktvā samākhyāptaye |saṅkhyāvatsukhadāṃ daśopaniṣadāṃ vyākhyāṃ samākhyanmudāśrīmatsadgururāghavendrayatirāṭ kuryāddhruvaṃ maṅgalam || 7||

श्रीमद्वैष्णवलोकजालकगुरुः श्रीमत्परिव्राड्गुरुःशास्त्रे देवगुरुः श्रितामरतरुः प्रत्यूहगोत्रस्वरुः ।चेतोऽतीतशिरुस्तथा जितवरुस्सत्सौख्यसम्पत्करुःश्रीमत्सद्गुरुराघवेन्द्रयतिराट् कुर्याद्ध्रुवं मङ्गलम् ॥ ८॥

śrīmadvaiṣṇavalokajālakaguruḥ śrīmatparivrāḍguruḥśāstre devaguruḥ śritāmarataruḥ pratyūhagotrasvaruḥ |ceto'tītaśirustathā jitavarussatsaukhyasampatkaruḥśrīmatsadgururāghavendrayatirāṭ kuryāddhruvaṃ maṅgalam || 8||

यस्सन्ध्यास्वनिशं गुरोर्यतिपतेः सन्मङ्गलस्याष्टकंसद्यः पापहरं स्वसेवि विदुषां भक्त्यैतदाभाषितम् ।भक्त्या वक्ति सुसम्पदं शुभपदं दीर्घायुरारोग्यकंकीर्तिं पुत्रकलत्रबान्धवसुहृन्मूर्तिः प्रयाति ध्रुवम् ॥इति श्रीमदप्पणाचार्यकृतं राघवेन्द्रमङ्गलाष्टकं सम्पूर्णम् ।

yassandhyāsvaniśaṃ guroryatipateḥ sanmaṅgalasyāṣṭakaṃsadyaḥ pāpaharaṃ svasevi viduṣāṃ bhaktyaitadābhāṣitam |bhaktyā vakti susampadaṃ śubhapadaṃ dīrghāyurārogyakaṃkīrtiṃ putrakalatrabāndhavasuhṛnmūrtiḥ prayāti dhruvam ||iti śrīmadappaṇācāryakṛtaṃ rāghavendramaṅgalāṣṭakaṃ sampūrṇam |