गणनायकाष्टकम् गणेशाष्टकम् गणाष्टकम् Gananayakashtakam

एकदन्तं महाकायं तप्तकाञ्चनसन्निभम् ।लम्बोदरं विशालाक्षं वन्देऽहं गणनायकम् ॥ १॥

ekadantaṃ mahākāyaṃ taptakāñcanasannibham |lambodaraṃ viśālākṣaṃ vande'haṃ gaṇanāyakam || 1||

मौञ्जीकृष्णाजिनधरं नागयज्ञोपवीतिनम् ।बालेन्दुसुकलामौलिं वन्देऽहं गणनायकम् ॥ २॥

mauñjīkṛṣṇājinadharaṃ nāgayajñopavītinam |bālendusukalāmauliṃ vande'haṃ gaṇanāyakam || 2||

अम्बिकाहृदयानन्दं मातृभिः परिवेष्टितम् ।भक्तिप्रियं मदोन्मत्तं वन्देऽहं गणनायकम् ॥ ३॥

ambikāhṛdayānandaṃ mātṛbhiḥ pariveṣṭitam |bhaktipriyaṃ madonmattaṃ vande'haṃ gaṇanāyakam || 3||

चित्ररत्नविचित्राङ्गं चित्रमालाविभूषितम् ।चित्ररूपधरं देवं वन्देऽहं गणनायकम् ॥ ४॥

citraratnavicitrāṅgaṃ citramālāvibhūṣitam |citrarūpadharaṃ devaṃ vande'haṃ gaṇanāyakam || 4||

गजवक्त्रं सुरश्रेष्ठं कर्णचामरभूषितम् ।पाशाङ्कुशधरं देवं वन्देऽहं गणनायकम् ॥ ५॥

gajavaktraṃ suraśreṣṭhaṃ karṇacāmarabhūṣitam |pāśāṅkuśadharaṃ devaṃ vande'haṃ gaṇanāyakam || 5||

मूषकोत्तममारुह्य देवासुरमहाहवेयोद्धुकामं महावीर्यं वन्देऽहं गणनायकम् ॥ ६॥

mūṣakottamamāruhya devāsuramahāhaveyoddhukāmaṃ mahāvīryaṃ vande'haṃ gaṇanāyakam || 6||

यक्षकिन्नरगन्धर्वैस्सिद्धविद्याधरैस्सदास्तूयमानं महाबाहुं वन्देऽहं गणनायकम् ॥ ७॥

yakṣakinnaragandharvaissiddhavidyādharaissadāstūyamānaṃ mahābāhuṃ vande'haṃ gaṇanāyakam || 7||

सर्वविघ्नहरं देवं सर्वविघ्नविवर्जितम् ।सर्वसिद्धिप्रदातारं वन्देऽहं गणनायकम् ॥ ८॥

sarvavighnaharaṃ devaṃ sarvavighnavivarjitam |sarvasiddhipradātāraṃ vande'haṃ gaṇanāyakam || 8||

गणाष्टकमिदं पुण्यं यः पठे सततं नरःसिद्ध्यन्ति सर्वकार्याणि विद्यावान् धनवान् भवेत् ॥ ९॥

gaṇāṣṭakamidaṃ puṇyaṃ yaḥ paṭhe satataṃ naraḥsiddhyanti sarvakāryāṇi vidyāvān dhanavān bhavet || 9||

इति श्रीगणनायकाष्टकं सम्पूर्णम् ।

iti śrīgaṇanāyakāṣṭakaṃ sampūrṇam |