कालीकवचम् अथवा दक्षिणकालिकाकवचम् Kalikavacham

श्रीमद्दक्षिणकालिकाकवचम्भैरव् उवाचकालिका या महाविद्या कथिता भुवि दुर्लभा ।तथापि हृदये शल्यमस्ति देवि कृपां कुरु ॥ १॥

śrīmaddakṣiṇakālikākavacambhairav uvācakālikā yā mahāvidyā kathitā bhuvi durlabhā |tathāpi hṛdaye śalyamasti devi kṛpāṃ kuru || 1||

कवचन्तु महादेवि कथयस्वानुकम्पया ।यदि नो कथ्यते मातर्व्विमुञ्चामि तदा तनुम् ॥ २॥

kavacantu mahādevi kathayasvānukampayā |yadi no kathyate mātarvvimuñcāmi tadā tanum || 2||

श्रीदेव्युवाचशङ्कापि जायते वत्स तव स्नेहात् प्रकाशितम् ।न वक्तव्यं न द्रष्टव्यमतिगुह्यतरं महत् ॥ ३॥

śrīdevyuvācaśaṅkāpi jāyate vatsa tava snehāt prakāśitam |na vaktavyaṃ na draṣṭavyamatiguhyataraṃ mahat || 3||

कालिका जगतां माता शोकदुःखविनाशिनी ।विशेषतः कलियुगे महापातकहारिणी ॥ ४॥

kālikā jagatāṃ mātā śokaduḥkhavināśinī |viśeṣataḥ kaliyuge mahāpātakahāriṇī || 4||

काली मे पुरतः पातु पृष्ठतश्च कपालिनी ।कुल्ला मे दक्षिणे पातु कुरुकुल्ला तथोत्तरे ॥ ५॥

kālī me purataḥ pātu pṛṣṭhataśca kapālinī |kullā me dakṣiṇe pātu kurukullā tathottare || 5||

विरोधिनी शिरः पातु विप्रचित्ता तु चक्षुषी ।उग्रा मे नासिकां पातु कर्णौ चोग्रप्रभा मता ॥ ६॥

virodhinī śiraḥ pātu vipracittā tu cakṣuṣī |ugrā me nāsikāṃ pātu karṇau cograprabhā matā || 6||

वदनं पातु मे दीप्ता नीला च चिबुकं सदा ।घना ग्रीवां सदा पातु बलाका बाहुयुग्मकम् ॥ ७॥

vadanaṃ pātu me dīptā nīlā ca cibukaṃ sadā |ghanā grīvāṃ sadā pātu balākā bāhuyugmakam || 7||

मात्रा पातु करद्वन्द्वं वक्षोमुद्रा सदावतु ।मिता पातु स्तनद्वन्द्वं योनिमण्डलदेवता ॥ ८॥

mātrā pātu karadvandvaṃ vakṣomudrā sadāvatu |mitā pātu stanadvandvaṃ yonimaṇḍaladevatā || 8||

ब्राह्मी मे जठरं पातु नाभिं नारायणी तथा ।ऊरु माहेश्वरी नित्यं चामुण्डा पातु लिङ्गकम् ॥ ९॥

brāhmī me jaṭharaṃ pātu nābhiṃ nārāyaṇī tathā |ūru māheśvarī nityaṃ cāmuṇḍā pātu liṅgakam || 9||

कौमारी च कटीं पातु तथैव जानुयुग्मकम् ।अपराजिता च पादौ मे वाराही पातु चाङ्गुलीन् ॥ १०॥

kaumārī ca kaṭīṃ pātu tathaiva jānuyugmakam |aparājitā ca pādau me vārāhī pātu cāṅgulīn || 10||

सन्धिस्थानं नारसिंही पत्रस्था देवतावतु ।रक्षाहीनन्तु यत्स्थानं वर्जितं कवचेन तु ॥ ११॥

sandhisthānaṃ nārasiṃhī patrasthā devatāvatu |rakṣāhīnantu yatsthānaṃ varjitaṃ kavacena tu || 11||

तत्सर्वं रक्ष मे देवि कालिके घोरदक्षिणे ।ऊर्द्धमधस्तथा दिक्षु पातु देवी स्वयं वपुः ॥ १२॥

tatsarvaṃ rakṣa me devi kālike ghoradakṣiṇe |ūrddhamadhastathā dikṣu pātu devī svayaṃ vapuḥ || 12||

हिंस्रेभ्यः सर्वदा पातु साधकञ्च जलाधिकात् ।दक्षिणाकालिका देवी व्यपकत्वे सदावतु ॥ १३॥

hiṃsrebhyaḥ sarvadā pātu sādhakañca jalādhikāt |dakṣiṇākālikā devī vyapakatve sadāvatu || 13||

इदं कवचमज्ञात्वा यो जपेद्देवदक्षिणाम् ।न पूजाफलमाप्नोति विघ्नस्तस्य पदे पदे ॥ १४॥

idaṃ kavacamajñātvā yo japeddevadakṣiṇām |na pūjāphalamāpnoti vighnastasya pade pade || 14||

कवचेनावृतो नित्यं यत्र तत्रैव गच्छति ।तत्र तत्राभयं तस्य न क्षोभं विद्यते क्वचित् ॥ १५॥

kavacenāvṛto nityaṃ yatra tatraiva gacchati |tatra tatrābhayaṃ tasya na kṣobhaṃ vidyate kvacit || 15||

इति कालीकुलसर्वस्वे कालीकवचं अथवा श्रीमद्दक्षिणकालिकाकवचम्समाप्तम् ॥

iti kālīkulasarvasve kālīkavacaṃ athavā śrīmaddakṣiṇakālikākavacamsamāptam ||