विष्णुप्रार्थना Vishnu Prarthana

संवत्सरान्ते सुप्तोत्थिते अच्युते करणीया प्रार्थना ।एवं संवत्सरस्यान्ते ततः सुप्तोत्थितेऽच्युते ।संयक् सम्पूज्य विप्रर्षे तमेव पुरुषोत्तमम् ।प्रणम्य प्रार्थयेद्विद्वान् शुचिः स्नातो यथाविधि ॥ ११॥

saṃvatsarānte suptotthite acyute karaṇīyā prārthanā |evaṃ saṃvatsarasyānte tataḥ suptotthite'cyute |saṃyak sampūjya viprarṣe tameva puruṣottamam |praṇamya prārthayedvidvān śuciḥ snāto yathāvidhi || 11||

नमो नमस्तेऽच्युत सङ्क्षयोऽस्तु पापस्य वृद्धिं समुपैतु पुण्यम् ।ऐश्वर्यवित्तादि सदाऽक्षयं मेऽक्षया च मे सन्ततिरच्युतास्तु ॥ १२॥

namo namaste'cyuta saṅkṣayo'stu pāpasya vṛddhiṃ samupaitu puṇyam |aiśvaryavittādi sadā'kṣayaṃ me'kṣayā ca me santatiracyutāstu || 12||

यथाच्युतस्त्वं परतः परस्मात्स ब्रह्मभूतात्परतः परात्मन् ।तथाच्युतं मे कुरु वाञ्छितं यन्मया पदं पापहराप्रमेय ॥ १३॥

yathācyutastvaṃ parataḥ parasmātsa brahmabhūtātparataḥ parātman |tathācyutaṃ me kuru vāñchitaṃ yanmayā padaṃ pāpaharāprameya || 13||

अच्युतानन्त गोविन्द प्रसीद यदभीप्सितम् ।तदक्षयममेयात्मन्कुरुष्व पुरुषोत्तम ॥ १४॥

acyutānanta govinda prasīda yadabhīpsitam |tadakṣayamameyātmankuruṣva puruṣottama || 14||

एवमन्ते समभ्यर्च्य प्रार्थयित्वा तथाशिषः ।यथावन्मुनिशार्दूल च्युतिं नाप्नोति मानवः ॥ १५॥

evamante samabhyarcya prārthayitvā tathāśiṣaḥ |yathāvanmuniśārdūla cyutiṃ nāpnoti mānavaḥ || 15||

इति विष्णुधर्मेषु षट्विंशोऽध्यायान्तर्गता विष्णुप्रार्थना समाप्ता ।

iti viṣṇudharmeṣu ṣaṭviṃśo'dhyāyāntargatā viṣṇuprārthanā samāptā |