विष्णोर्नीराजनम् Vishnu Nirajanam

जय देव जय देव वन्दे गोपालं, प्रभु वन्दे गोपालम् ।मृगमदशोभितभालं करुणाकल्लोलम् ॥ जय देव\। ॥निर्गुणसगुणाकारं संहृतभूभारं, संहृतभूभारंकरुणापारावारं गोवर्धनधारम् ।कुञ्चितकुन्तलनीलं शरदिन्दुवदनं, शरदिन्दुवदनंमणिगणमण्डितकुण्डलराजच्छ्रुतियुगलम् ॥ जय देव\। ॥ १॥

jaya deva jaya deva vande gopālaṃ, prabhu vande gopālam |mṛgamadaśobhitabhālaṃ karuṇākallolam || jaya deva\| ||nirguṇasaguṇākāraṃ saṃhṛtabhūbhāraṃ, saṃhṛtabhūbhāraṃkaruṇāpārāvāraṃ govardhanadhāram |kuñcitakuntalanīlaṃ śaradinduvadanaṃ, śaradinduvadanaṃmaṇigaṇamaṇḍitakuṇḍalarājacchrutiyugalam || jaya deva\| || 1||

फुल्लेन्दीवरनयनं विलसितभ्रूयुगलं, विलसितभ्रूयुगलंबिम्बाधरमतिसुन्दरनासामणिलोलम् ।कम्बुग्रीवं कौस्तुभमणिकण्ठाभरणं, मणिकण्ठाभरणंश्रीवत्साङ्कितवक्षालम्बितवनमालम् ॥ जय देव\। ॥ २॥

phullendīvaranayanaṃ vilasitabhrūyugalaṃ, vilasitabhrūyugalaṃbimbādharamatisundaranāsāmaṇilolam |kambugrīvaṃ kaustubhamaṇikaṇṭhābharaṇaṃ, maṇikaṇṭhābharaṇaṃśrīvatsāṅkitavakṣālambitavanamālam || jaya deva\| || 2||

मुरलीवादनलीलासप्तस्वरगीतं, सप्तस्वरगीतंजलचरस्थलचरवनचररञ्जितसमगीतम् ।निर्मलयमुनातीरे अगणिततवचरितं, अगणिततवचरितंगोपीजनमनमोहन दधतं श्रीकान्तम् ॥ जय देव\। ॥ ३॥

muralīvādanalīlāsaptasvaragītaṃ, saptasvaragītaṃjalacarasthalacaravanacararañjitasamagītam |nirmalayamunātīre agaṇitatavacaritaṃ, agaṇitatavacaritaṃgopījanamanamohana dadhataṃ śrīkāntam || jaya deva\| || 3||

रासक्रीडामण्डितवेष्टितव्रजललनं, वेष्टितव्रजललनंमध्येताण्डवमण्डितकुवलयदलनयनम् ।कुसुमाकारं रञ्जितमन्दस्मितवदनं, मन्दस्मितवदनंकालियफणिवरदमनं पक्षीश्वरगमनम् ॥ जय देव\। ॥ ४॥

rāsakrīḍāmaṇḍitaveṣṭitavrajalalanaṃ, veṣṭitavrajalalanaṃmadhyetāṇḍavamaṇḍitakuvalayadalanayanam |kusumākāraṃ rañjitamandasmitavadanaṃ, mandasmitavadanaṃkāliyaphaṇivaradamanaṃ pakṣīśvaragamanam || jaya deva\| || 4||

किङ्किणिमेखलमध्ये पीताम्बरवसनं, पीताम्बरवसनंतोडरनूपुरगर्जितविलसितभ्रूयुगलम् ।गोपीजनपरिवेष्टितयमुनातटसंस्थं, यमुनातटसंस्थंदासाभयदं सुखदं भुवनत्रयपालम् ॥ जय देव\। ॥ ५॥

kiṅkiṇimekhalamadhye pītāmbaravasanaṃ, pītāmbaravasanaṃtoḍaranūpuragarjitavilasitabhrūyugalam |gopījanapariveṣṭitayamunātaṭasaṃsthaṃ, yamunātaṭasaṃsthaṃdāsābhayadaṃ sukhadaṃ bhuvanatrayapālam || jaya deva\| || 5||

भासुरमणिगणराजितभूषणलसदङ्गं, भूषणलसदङ्गंमृगमदकेशरभालम्पदनखभवभङ्गम् ।विश्वम्भर हे स्वामिन्नगणितगुणसङ्गं, अगणितगुणसङ्गंत्वामहमीडे माधव तर्तुं भवभङ्गम् ॥ जय देव\। ॥ ६॥

bhāsuramaṇigaṇarājitabhūṣaṇalasadaṅgaṃ, bhūṣaṇalasadaṅgaṃmṛgamadakeśarabhālampadanakhabhavabhaṅgam |viśvambhara he svāminnagaṇitaguṇasaṅgaṃ, agaṇitaguṇasaṅgaṃtvāmahamīḍe mādhava tartuṃ bhavabhaṅgam || jaya deva\| || 6||

इति विष्णोर्नीराजनं सम्पूर्णम् ।

iti viṣṇornīrājanaṃ sampūrṇam |