बालरक्षा Shribalaraksha

श्री गणेशाय नमः ।अव्यादजोऽङ्घ्रि मणिमांस्तव जान्वथोरूयज्ञोऽच्युतः कटितटं जठरं हयास्यः ।हृत्केशवस्त्वदुर ईश इनस्तु कण्ठंविष्णुर्भुजं मुखमुरुक्रम ईश्वरः कम् ॥ १॥

śrī gaṇeśāya namaḥ |avyādajo'ṅghri maṇimāṃstava jānvathorūyajño'cyutaḥ kaṭitaṭaṃ jaṭharaṃ hayāsyaḥ |hṛtkeśavastvadura īśa inastu kaṇṭhaṃviṣṇurbhujaṃ mukhamurukrama īśvaraḥ kam || 1||

चक्र्यग्रतः सहगदो हरिरस्तु पश्चात्त्वत्पार्श्वयोर्धनुरसी मधुहाजनश्च ।कोणेषु शङ्ख उरुगाय उपर्युपेन्द्रस्तार्क्ष्यः क्षितौ हलधरः पुरुषः समन्तात् ॥ २॥

cakryagrataḥ sahagado harirastu paścāttvatpārśvayordhanurasī madhuhājanaśca |koṇeṣu śaṅkha urugāya uparyupendrastārkṣyaḥ kṣitau haladharaḥ puruṣaḥ samantāt || 2||

इन्द्रियाणि हृषीकेशः प्राणान्नारायणोऽवतु ।श्वेतद्वीपपतिश्चित्तं मनो योगेश्वरोऽवतु ॥ ३॥

indriyāṇi hṛṣīkeśaḥ prāṇānnārāyaṇo'vatu |śvetadvīpapatiścittaṃ mano yogeśvaro'vatu || 3||

पृश्निगर्भस्तु ते बुद्धिमात्मानं भगवान्परः । वर् गर्भश्च तेक्रीडन्तं पातु गोविन्दः शयानं पातु माधवः ॥ ४॥ वर् केशवः

pṛśnigarbhastu te buddhimātmānaṃ bhagavānparaḥ | var garbhaśca tekrīḍantaṃ pātu govindaḥ śayānaṃ pātu mādhavaḥ || 4|| var keśavaḥ

व्रजन्तमव्याद्वैकुण्ठ आसीनं त्वां श्रियः पतिः ।भुञ्जानं यज्ञभुक्पातु सर्वग्रहभयङ्करः ॥ ५॥

vrajantamavyādvaikuṇṭha āsīnaṃ tvāṃ śriyaḥ patiḥ |bhuñjānaṃ yajñabhukpātu sarvagrahabhayaṅkaraḥ || 5||

डाकिन्यो यातुधान्यश्च कुष्माण्डा येऽर्भकग्रहाः ।भूतप्रेतपिशाचाश्च यक्षरक्षोविनायकाः ॥ ६॥

ḍākinyo yātudhānyaśca kuṣmāṇḍā ye'rbhakagrahāḥ |bhūtapretapiśācāśca yakṣarakṣovināyakāḥ || 6||

कोटरा रेवती ज्येष्ठा पूतना मातृकादयः ।उन्मादा ये ह्यपस्मारा देहप्राणेन्द्रियद्रुहः ॥ ७॥

koṭarā revatī jyeṣṭhā pūtanā mātṛkādayaḥ |unmādā ye hyapasmārā dehaprāṇendriyadruhaḥ || 7||

स्वप्नदृष्टा महोत्पाता वृद्धबालग्रहाश्च ये ।सर्वे नश्यन्तु ते विष्णोर्नामग्रहणभीरवः ॥ ८॥

svapnadṛṣṭā mahotpātā vṛddhabālagrahāśca ye |sarve naśyantu te viṣṇornāmagrahaṇabhīravaḥ || 8||

॥ इति श्रीमद्भागवते दशमस्कन्धे गोपीकृतबालरक्षा समाप्ता ॥

|| iti śrīmadbhāgavate daśamaskandhe gopīkṛtabālarakṣā samāptā ||