धन्वन्तर्यष्टोत्तरशतनामावलिः Shridhanvantaryashtottarashatanamavalih

ॐ धन्वन्तरये नमः । सुधापूर्णकलशाढ्यकराय । हरये ।जरामृतित्रस्तदेवप्रार्थनासाधकाय । प्रभवे । निर्विकल्पाय ।निस्समानाय । मन्दस्मितमुखाम्बुजाय । आञ्जनेयप्रापिताद्रये ।पार्श्वस्थविनतासुताय । निमग्नमन्दरधराय । कूर्मरूपिणे ।बृहत्तनवे । नीलकुञ्चितकेशान्ताय । परमाद्भुतरूपधृते ।कटाक्षवीक्षणाश्वस्तवासुकये । सिंहविक्रमाय ।स्मर्तृहृद्रोगहरणाय । महाविष्ण्वंशसम्भवाय ।प्रेक्षणीयोत्पलश्यामाय नमः ॥ २०

oṃ dhanvantaraye namaḥ | sudhāpūrṇakalaśāḍhyakarāya | haraye |jarāmṛtitrastadevaprārthanāsādhakāya | prabhave | nirvikalpāya |nissamānāya | mandasmitamukhāmbujāya | āñjaneyaprāpitādraye |pārśvasthavinatāsutāya | nimagnamandaradharāya | kūrmarūpiṇe |bṛhattanave | nīlakuñcitakeśāntāya | paramādbhutarūpadhṛte |kaṭākṣavīkṣaṇāśvastavāsukaye | siṃhavikramāya |smartṛhṛdrogaharaṇāya | mahāviṣṇvaṃśasambhavāya |prekṣaṇīyotpalaśyāmāya namaḥ || 20

आयुर्वेदाधिदैवताय नमः । भेषजग्रहणानेहस्स्मरणीयपदाम्बुजाय ।नवयौवनसम्पन्नाय । किरीटान्वितमस्तकाय ।नक्रकुण्डलसंशोभिश्रवणद्वयशष्कुलये । दीर्घपीवरदोर्दण्डाय ।कम्बुग्रीवाय । अम्बुजेक्षणाय । चतुर्भुजाय । शङ्खधराय ।चक्रहस्ताय । वरप्रदाय । सुधापात्रे परिलसदाम्रपत्रलसत्कराय ।शतपद्याढ्यहस्ताय । कस्तूरीतिलकाञ्चिताय । सुकपोलाय । सुनासाय ।सुन्दरभ्रूलताञ्चिताय । स्वङ्गुलीतलशोभाढ्याय ।गूढजत्रवे नमः ॥ ४०

āyurvedādhidaivatāya namaḥ | bheṣajagrahaṇānehassmaraṇīyapadāmbujāya |navayauvanasampannāya | kirīṭānvitamastakāya |nakrakuṇḍalasaṃśobhiśravaṇadvayaśaṣkulaye | dīrghapīvaradordaṇḍāya |kambugrīvāya | ambujekṣaṇāya | caturbhujāya | śaṅkhadharāya |cakrahastāya | varapradāya | sudhāpātre parilasadāmrapatralasatkarāya |śatapadyāḍhyahastāya | kastūrītilakāñcitāya | sukapolāya | sunāsāya |sundarabhrūlatāñcitāya | svaṅgulītalaśobhāḍhyāya |gūḍhajatrave namaḥ || 40

महाहनवे नमः । दिव्याङ्गदलसद्बाहवे । केयूरपरिशोभिताय ।विचित्ररत्नखचितवलयद्वयशोभिताय । समोल्लसत्सुजातांसाय ।अङ्गुलीयविभूषिताय । सुधागन्धरसास्वादमिलद्भृङ्गमनोहराय ।लक्ष्मीसमर्पितोत्फुल्लकञ्जमालालसद्गलाय । लक्ष्मीशोभितवक्षस्काय ।वनमालाविराजिताय । नवरत्नमणीक्लृप्तहारशोभितकन्धराय ।हीरनक्षत्रमालादिशोभारञ्जितदिङ्मुखाय । विरजोऽम्बरसंवीताय ।विशालोरसे । पृथुश्रवसे । निम्ननाभये । सूक्ष्ममध्याय ।स्थूलजङ्घाय । निरञ्जनाय । सुलक्षणपदाङ्गुष्ठाय नमः ॥ ६०

mahāhanave namaḥ | divyāṅgadalasadbāhave | keyūrapariśobhitāya |vicitraratnakhacitavalayadvayaśobhitāya | samollasatsujātāṃsāya |aṅgulīyavibhūṣitāya | sudhāgandharasāsvādamiladbhṛṅgamanoharāya |lakṣmīsamarpitotphullakañjamālālasadgalāya | lakṣmīśobhitavakṣaskāya |vanamālāvirājitāya | navaratnamaṇīklṛptahāraśobhitakandharāya |hīranakṣatramālādiśobhārañjitadiṅmukhāya | virajo'mbarasaṃvītāya |viśālorase | pṛthuśravase | nimnanābhaye | sūkṣmamadhyāya |sthūlajaṅghāya | nirañjanāya | sulakṣaṇapadāṅguṣṭhāya namaḥ || 60

सर्वसामुद्रिकान्विताय नमः । अलक्तकारक्तपादाय । मूर्तिमद्वार्धिपूजिताय ।सुधार्थान्योन्यसंयुध्यद्देवदैतेयसान्त्वनाय । कोटिमन्मथसङ्काशाय ।सर्वावयवसुन्दराय । अमृतास्वादनोद्युक्तदेवसङ्घापरिष्टुताय ।पुष्पवर्षणसंयुक्तगन्धर्वकुलसेविताय ।शङ्खतूर्यमृदङ्गादिसुवादित्राप्सरोवृताय ।विष्वक्सेनादियुक्पार्श्वाय । सनकादिमुनिस्तुताय ।साश्चर्यसस्मितचतुर्मुखनेत्रसमीक्षिताय ।साशङ्कसम्भ्रमदितिदनुवंश्यसमीडिताय ।नमनोन्मुखदेवादिमौलिरत्नलसत्पदाय । दिव्यतेजःपुञ्जरूपाय ।सर्वदेवहितोत्सुकाय । स्वनिर्गमक्षुब्धदुग्धवाराशये । दुन्दुभिस्वनाय ।गन्धर्वगीतापदानश्रवणोत्कमहामनसे ।निष्किञ्चनजनप्रीताय नमः ॥ ८०

sarvasāmudrikānvitāya namaḥ | alaktakāraktapādāya | mūrtimadvārdhipūjitāya |sudhārthānyonyasaṃyudhyaddevadaiteyasāntvanāya | koṭimanmathasaṅkāśāya |sarvāvayavasundarāya | amṛtāsvādanodyuktadevasaṅghāpariṣṭutāya |puṣpavarṣaṇasaṃyuktagandharvakulasevitāya |śaṅkhatūryamṛdaṅgādisuvāditrāpsarovṛtāya |viṣvaksenādiyukpārśvāya | sanakādimunistutāya |sāścaryasasmitacaturmukhanetrasamīkṣitāya |sāśaṅkasambhramaditidanuvaṃśyasamīḍitāya |namanonmukhadevādimauliratnalasatpadāya | divyatejaḥpuñjarūpāya |sarvadevahitotsukāya | svanirgamakṣubdhadugdhavārāśaye | dundubhisvanāya |gandharvagītāpadānaśravaṇotkamahāmanase |niṣkiñcanajanaprītāya namaḥ || 80

भवसम्प्राप्तरोगहृते नमः । अन्तर्हितसुधापात्राय ।महात्मने । मायिकाग्रण्यै । क्षणार्धमोहिनीरूपाय ।सर्वस्त्रीशुभलक्षणाय । मदमत्तेभगमनाय ।सर्वलोकविमोहनाय । स्रंसन्नीवीग्रन्थिबन्धासक्तदिव्यकराङ्गुलये ।रत्नदर्वीलसद्धस्ताय । देवदैत्यविभागकृते ।सङ्ख्यातदेवतान्यासाय । दैत्यदानववञ्चकाय । देवामृतप्रदात्रे ।परिवेषणहृष्टधिये । उन्मुखोन्मुखदैत्येन्द्रदन्तपङ्क्तिविभाजकाय ।पुष्पवत्सुविनिर्दिष्टराहुरक्षःशिरोहराय ।राहुकेतुग्रहस्थानपश्चाद्गतिविधायकाय ।अमृतालाभनिर्विण्णयुध्यद्देवारिसूदनाय ।गरुत्मद्वाहनारूढाय नमः ॥ १००

bhavasamprāptarogahṛte namaḥ | antarhitasudhāpātrāya |mahātmane | māyikāgraṇyai | kṣaṇārdhamohinīrūpāya |sarvastrīśubhalakṣaṇāya | madamattebhagamanāya |sarvalokavimohanāya | sraṃsannīvīgranthibandhāsaktadivyakarāṅgulaye |ratnadarvīlasaddhastāya | devadaityavibhāgakṛte |saṅkhyātadevatānyāsāya | daityadānavavañcakāya | devāmṛtapradātre |pariveṣaṇahṛṣṭadhiye | unmukhonmukhadaityendradantapaṅktivibhājakāya |puṣpavatsuvinirdiṣṭarāhurakṣaḥśiroharāya |rāhuketugrahasthānapaścādgatividhāyakāya |amṛtālābhanirviṇṇayudhyaddevārisūdanāya |garutmadvāhanārūḍhāya namaḥ || 100

सर्वेशस्तोत्रसंयुताय नमः ।

sarveśastotrasaṃyutāya namaḥ |

स्वस्वाधिकारसन्तुष्टशक्रवह्न्यादिपूजिताय ।मोहिनीदर्शनायातस्थाणुचित्तविमोहकाय ।शचीस्वाहादिदिक्पालपत्नीमण्डलसन्नुताय । वेदान्तवेद्यमहिम्ने ।सर्वलोकैकरक्षकाय । राजराजप्रपूज्याङ्घ्रये ।चिन्तितार्थप्रदायकाय ॥ १०८

svasvādhikārasantuṣṭaśakravahnyādipūjitāya |mohinīdarśanāyātasthāṇucittavimohakāya |śacīsvāhādidikpālapatnīmaṇḍalasannutāya | vedāntavedyamahimne |sarvalokaikarakṣakāya | rājarājaprapūjyāṅghraye |cintitārthapradāyakāya || 108

इति श्रीधन्वन्तर्यष्टोत्तरशतनामावलिः समाप्ता ।

iti śrīdhanvantaryaṣṭottaraśatanāmāvaliḥ samāptā |