विष्णुस्तोत्रम् (विप्रकृतं १ स्कन्दपुराणान्तर्गतम् तं दृष्ट्वा भक्तिमान्देवं स्तोतुकामो व्यवस्थितः) Viprakritam 1 Vishnu Stotram
viṣṇustotram (viprakṛtaṃ 1 skandapurāṇāntargatam taṃ dṛṣṭvā bhaktimāndevaṃ stotukāmo vyavasthitaḥ)
Viprakritam 1 Vishnu Stotram (विष्णुस्तोत्रम् (विप्रकृतं १ स्कन्दपुराणान्तर्गतम् तं दृष्ट्वा भक्तिमान्देवं स्तोतुकामो व्यवस्थितः)): a stotra to Viṣṇu. 10 verses in Sanskrit with Devanagari and IAST.
- Stotra
- Stotra
- Viṣṇu
- Stotra
विष्णुस्तोत्रम् (विप्रकृतं १ स्कन्दपुराणान्तर्गतम् तं दृष्ट्वा भक्तिमान्देवं स्तोतुकामो व्यवस्थितः)
1 / 10
तं दृष्ट्वा भक्तिमान्देवं स्तोतुकामो व्यवस्थितः ।जयेश जय वागीश जय दिव्याङ्गभूषण ॥ २५॥
taṃ dṛṣṭvā bhaktimāndevaṃ stotukāmo vyavasthitaḥ |jayeśa jaya vāgīśa jaya divyāṅgabhūṣaṇa || 25||
जय देवपते श्रीमन्साक्षाद्ब्रह्म सनातन ।तव लोकाः शरीरस्थास्त्वं गतिः परमेश्वर ॥ २६॥
jaya devapate śrīmansākṣādbrahma sanātana |tava lokāḥ śarīrasthāstvaṃ gatiḥ parameśvara || 26||
त्वदाधारा हि देवेश सर्वे लोका व्यवस्थिताः ।त्वं श्रेष्ठः सर्वसत्त्वानां त्वं कर्ता धरणीधरः ॥ २७॥
tvadādhārā hi deveśa sarve lokā vyavasthitāḥ |tvaṃ śreṣṭhaḥ sarvasattvānāṃ tvaṃ kartā dharaṇīdharaḥ || 27||
त्वं हौत्रमग्निहोत्राणां सूत्रमन्त्रस्त्वमेव च ।गोकर्णं भद्रकर्णं च त्वं च माहेश्वरं पदम् ॥ २८॥
tvaṃ hautramagnihotrāṇāṃ sūtramantrastvameva ca |gokarṇaṃ bhadrakarṇaṃ ca tvaṃ ca māheśvaraṃ padam || 28||
त्वं कीर्तिः सर्वकीर्तीनां दैन्यपापप्रणाशिनी ।त्वं नैमिषं कुरुक्षेत्रं त्वं च विष्णुपदं परम् ॥ २९॥
tvaṃ kīrtiḥ sarvakīrtīnāṃ dainyapāpapraṇāśinī |tvaṃ naimiṣaṃ kurukṣetraṃ tvaṃ ca viṣṇupadaṃ param || 29||
त्वया तु लीलया देव पदाक्रान्ता च मेदिनी ।त्वया बद्धो बलिर्देव त्वयेन्द्रस्य पदं कृतम् ॥ ३०॥
tvayā tu līlayā deva padākrāntā ca medinī |tvayā baddho balirdeva tvayendrasya padaṃ kṛtam || 30||
त्वं कलिर्द्वापरं देव त्रेता कृतयुगं तथा ।प्रलम्बदमनश्च त्वं स्रष्टा त्वं च विनाशकृत् ॥ ३१॥
tvaṃ kalirdvāparaṃ deva tretā kṛtayugaṃ tathā |pralambadamanaśca tvaṃ sraṣṭā tvaṃ ca vināśakṛt || 31||
त्वया वै धार्यते लोकास्त्वं कालः सर्वसङ्क्षयः ।त्वया हि देव सृष्टास्ताः सर्वा वै देवयोनयः ॥ ३२॥
tvayā vai dhāryate lokāstvaṃ kālaḥ sarvasaṅkṣayaḥ |tvayā hi deva sṛṣṭāstāḥ sarvā vai devayonayaḥ || 32||
त्वं पन्थाः सर्वलोकानां त्वं च मोक्षः परा गतिः ।ब्रह्मा त्वदुद्भवो देवो रजोरूपः सनातनः ।रुद्रः क्रोधोद्भवोऽप्येवं त्वं च सत्त्वे व्यवस्थितः ॥ ३३॥
tvaṃ panthāḥ sarvalokānāṃ tvaṃ ca mokṣaḥ parā gatiḥ |brahmā tvadudbhavo devo rajorūpaḥ sanātanaḥ |rudraḥ krodhodbhavo'pyevaṃ tvaṃ ca sattve vyavasthitaḥ || 33||
एतच्चराचरं देव क्रीडनार्थं त्वया कृतम् ।इति श्रीस्कन्दपुराणे आवन्त्यखण्डे रेवाखण्डे विंशाध्यायान्तर्गतंविप्रकृतं विष्णुस्तोत्रं समाप्तम् ।स्कन्दपुराण । आवन्त्यखण्ड । रेवाखण्ड । अध्याय २०/२५३३॥स्कन्दपुराण । आवन्त्यखण्ड । रेवाखण्ड । अध्याय २०/२५-३३॥
etaccarācaraṃ deva krīḍanārthaṃ tvayā kṛtam |iti śrīskandapurāṇe āvantyakhaṇḍe revākhaṇḍe viṃśādhyāyāntargataṃviprakṛtaṃ viṣṇustotraṃ samāptam |skandapurāṇa | āvantyakhaṇḍa | revākhaṇḍa | adhyāya 20/2533||skandapurāṇa | āvantyakhaṇḍa | revākhaṇḍa | adhyāya 20/25-33||
॥ इति विष्णुस्तोत्रम् (विप्रकृतं १ स्कन्दपुराणान्तर्गतम् तं दृष्ट्वा भक्तिमान्देवं स्तोतुकामो व्यवस्थितः) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Viprakritam 1 Vishnu Stotram?
Viprakritam 1 Vishnu Stotram has 10 verses on this page, each shown with its number, Devanagari text and transliteration, and meaning where available.
Can I read Viprakritam 1 Vishnu Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Viprakritam 1 Vishnu Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
