हयग्रीवस्तोत्रम् Vedavyasaproktam Hayagriva Stotram

स आदिः स मध्यः स चान्तः प्रजानां स धाता स धेयः स कर्ता स कार्यम् ।युगान्ते स सुप्तः सुसङ्क्षिप्य लोकान्युगादौ प्रबुद्धो जगद्।ह्ध्युत्ससर्ज ॥ ८९॥

sa ādiḥ sa madhyaḥ sa cāntaḥ prajānāṃ sa dhātā sa dheyaḥ sa kartā sa kāryam |yugānte sa suptaḥ susaṅkṣipya lokānyugādau prabuddho jagad|hdhyutsasarja || 89||

तस्मै नमध्वं देवाय निर्गुणाय गुणात्मने ।अजाय विश्वरूपाय धाम्ने सर्वदिवौकसाम् ॥ ९०॥

tasmai namadhvaṃ devāya nirguṇāya guṇātmane |ajāya viśvarūpāya dhāmne sarvadivaukasām || 90||

महाभूताधिपतये रुद्राणां पतये तथा ।आदित्यपतये चैव वसूनां पतये तथा ॥ ९१॥

mahābhūtādhipataye rudrāṇāṃ pataye tathā |ādityapataye caiva vasūnāṃ pataye tathā || 91||

अश्विभ्यां पतये चैव मरुतां पतये तथा ।वेदयज्ञाधिपतये वेदाङ्गपतयेऽपि च ॥ ९२॥

aśvibhyāṃ pataye caiva marutāṃ pataye tathā |vedayajñādhipataye vedāṅgapataye'pi ca || 92||

समुद्रवासिने नित्यं हरये मुञ्जकेशिने ।शान्तये सर्वभूतानां मोक्षधर्मानुभाषिणे ॥ ९३॥

samudravāsine nityaṃ haraye muñjakeśine |śāntaye sarvabhūtānāṃ mokṣadharmānubhāṣiṇe || 93||

तपसां तेजसां चैव पतये यशसोऽपि च ।वाचश्च पतये नित्यं सरितां पतये तथा ॥ ९४॥

tapasāṃ tejasāṃ caiva pataye yaśaso'pi ca |vācaśca pataye nityaṃ saritāṃ pataye tathā || 94||

कपर्दिने वराहाय एकशृङ्गाय धीमते ।विवस्वतेऽश्वशिरसे चतुर्मूर्तिधृते सदा ॥ ९५॥

kapardine varāhāya ekaśṛṅgāya dhīmate |vivasvate'śvaśirase caturmūrtidhṛte sadā || 95||

गुह्याय ज्ञानदृश्याय अक्षराय क्षराय च ।एष देवः सञ्चरति सर्वत्रगतिरव्ययः ॥ ९६॥

guhyāya jñānadṛśyāya akṣarāya kṣarāya ca |eṣa devaḥ sañcarati sarvatragatiravyayaḥ || 96||

इति महाभारते शान्तिपर्वणि ३२७ अध्यायान्तर्गतंवेदव्यासप्रोक्तं हयग्रीवस्तोत्रं सम्पूर्णम् ।महाभारत । शान्तिपर्व । अध्याय ३२७/८९९६॥महाभारत । शान्तिपर्व । अध्याय ३२७/८९-९६॥

iti mahābhārate śāntiparvaṇi 327 adhyāyāntargataṃvedavyāsaproktaṃ hayagrīvastotraṃ sampūrṇam |mahābhārata | śāntiparva | adhyāya 327/8996||mahābhārata | śāntiparva | adhyāya 327/89-96||