विष्णुपञ्जरस्तोत्रम् (गरुडपुराणान्तर्गतम्) Shri Vishnu Panjara Stotram

हरिरुवाच ।प्रवक्ष्याम्यधुना ह्येतद्वैष्णवं पञ्जरं शुभम् ।नमोनमस्ते गोविन्द चक्रं गृह्य सुदर्शनम् ।प्राच्यां रक्षस्व मां विष्णो ! त्वामहं शरणं गतः ॥ १॥

hariruvāca |pravakṣyāmyadhunā hyetadvaiṣṇavaṃ pañjaraṃ śubham |namonamaste govinda cakraṃ gṛhya sudarśanam |prācyāṃ rakṣasva māṃ viṣṇo ! tvāmahaṃ śaraṇaṃ gataḥ || 1||

गदां कौमोदकीं गृह्ण पद्मनाभ नमोऽस्तु ते ।याम्यां रक्षस्व मां विष्णो ! त्वामहं शरणं गतः ॥ २॥

gadāṃ kaumodakīṃ gṛhṇa padmanābha namo'stu te |yāmyāṃ rakṣasva māṃ viṣṇo ! tvāmahaṃ śaraṇaṃ gataḥ || 2||

हलमादाय सौनन्दं नमस्ते पुरुषोत्तम ।प्रतीच्यां रक्ष मां विष्णो ! त्वामहं शरणं गतः ॥ ३॥

halamādāya saunandaṃ namaste puruṣottama |pratīcyāṃ rakṣa māṃ viṣṇo ! tvāmahaṃ śaraṇaṃ gataḥ || 3||

मुसलं शातनं गृह्य पुण्डरीकाक्ष रक्ष माम् ।उत्तरस्यां जगन्नाथ ! भवन्तं शरणं गतः ॥ ४॥

musalaṃ śātanaṃ gṛhya puṇḍarīkākṣa rakṣa mām |uttarasyāṃ jagannātha ! bhavantaṃ śaraṇaṃ gataḥ || 4||

खड्गमादाय चर्माथ अस्त्रशस्त्रादिकं हरे ! ।नमस्ते रक्ष रक्षोघ्न ! ऐशान्यां शरणं गतः ॥ ५॥

khaḍgamādāya carmātha astraśastrādikaṃ hare ! |namaste rakṣa rakṣoghna ! aiśānyāṃ śaraṇaṃ gataḥ || 5||

पाञ्चजन्यं महाशङ्खमनुघोष्यं च पङ्कजम् ।प्रगृह्य रक्ष मां विष्णो आग्न्येय्यां रक्ष शूकर ॥ ६॥

pāñcajanyaṃ mahāśaṅkhamanughoṣyaṃ ca paṅkajam |pragṛhya rakṣa māṃ viṣṇo āgnyeyyāṃ rakṣa śūkara || 6||

चन्द्रसूर्यं समागृह्य खड्गं चान्द्रमसं तथा ।नैरृत्यां मां च रक्षस्व दिव्यमूर्ते नृकेसरिन् ॥ ७॥

candrasūryaṃ samāgṛhya khaḍgaṃ cāndramasaṃ tathā |nairṛtyāṃ māṃ ca rakṣasva divyamūrte nṛkesarin || 7||

वैजयन्तीं सम्प्रगृह्य श्रीवत्सं कण्ठभूषणम् ।वायव्यां रक्ष मां देव हयग्रीव नमोऽस्तु ते ॥ ८॥

vaijayantīṃ sampragṛhya śrīvatsaṃ kaṇṭhabhūṣaṇam |vāyavyāṃ rakṣa māṃ deva hayagrīva namo'stu te || 8||

वैनतेयं समारुह्य त्वन्तरिक्षे जनार्दन ! ।मां रक्षस्वाजित सदा नमस्तेऽस्त्वपराजित ॥ ९॥

vainateyaṃ samāruhya tvantarikṣe janārdana ! |māṃ rakṣasvājita sadā namaste'stvaparājita || 9||

विशालाक्षं समारुह्य रक्ष मां त्वं रसातले ।अकूपार नमस्तुभ्यं महामीन नमोऽस्तु ते ॥ १०॥

viśālākṣaṃ samāruhya rakṣa māṃ tvaṃ rasātale |akūpāra namastubhyaṃ mahāmīna namo'stu te || 10||

करशीर्षाद्यङ्गुलीषु सत्य त्वं बाहुपञ्जरम् ।कृत्वा रक्षस्व मां विष्णो नमस्ते पुरुषोत्तम ॥ ११॥

karaśīrṣādyaṅgulīṣu satya tvaṃ bāhupañjaram |kṛtvā rakṣasva māṃ viṣṇo namaste puruṣottama || 11||

एतदुक्तं शङ्कराय वैष्णवं पञ्जरं महत् ।पुरा रक्षार्थमीशान्याः कात्यायन्या वृषध्वज ॥ १२॥

etaduktaṃ śaṅkarāya vaiṣṇavaṃ pañjaraṃ mahat |purā rakṣārthamīśānyāḥ kātyāyanyā vṛṣadhvaja || 12||

नाशायामास सा येन चामरं महिषासुरम् ।दानवं रक्तबीजञ्च अन्याँश्च सुरकण्टकान् ।एतज्जपन्नरो भक्त्या शत्रून्विजयते सदा ॥ १३॥

nāśāyāmāsa sā yena cāmaraṃ mahiṣāsuram |dānavaṃ raktabījañca anyām̐śca surakaṇṭakān |etajjapannaro bhaktyā śatrūnvijayate sadā || 13||

इति श्रीगारुडे पूर्वखण्डे प्रथमांशाख्ये आचारकाण्डेविष्णुपञ्जरस्तोत्रं नाम त्रयोदशोऽध्यायः ।ग़रुदपुरन १।१३।१-१३

iti śrīgāruḍe pūrvakhaṇḍe prathamāṃśākhye ācārakāṇḍeviṣṇupañjarastotraṃ nāma trayodaśo'dhyāyaḥ |ग़rudapurana 1|13|1-13