सुदर्शनस्तोत्रम् ३ Shri Sudarshana Stotram 3

श्रीमन्नारायणं देवं ब्रह्मरुद्रादिवन्दितम् ।सर्वलोकनियन्तारं नमामि पुरुषोत्तमम् ॥ १॥

śrīmannārāyaṇaṃ devaṃ brahmarudrādivanditam |sarvalokaniyantāraṃ namāmi puruṣottamam || 1||

श्रीमद्रामानुजाचार्यपौत्रस्तत्पादसंश्रितः ।श्रीरङ्गार्यगुरोः पुत्रः श्रीरामाह्वयदेशिकः ॥ २॥

śrīmadrāmānujācāryapautrastatpādasaṃśritaḥ |śrīraṅgāryaguroḥ putraḥ śrīrāmāhvayadeśikaḥ || 2||

श्रीवाधूलकुलोद्भूतस्तपचक्रविधायकम् ।स्तोत्रं सौदर्शनं चक्रे वेदवेदान्तगोचरम् ॥ ३॥

śrīvādhūlakulodbhūtastapacakravidhāyakam |stotraṃ saudarśanaṃ cakre vedavedāntagocaram || 3||

पवित्रं त इति प्रोक्तं वेदेषु त्रिषु च स्थितम् ।चरणं तैत्तिरीये तु मिस्सिन्ग् इन् थे मनुस्च्रिप्त् ॥ ४॥

pavitraṃ ta iti proktaṃ vedeṣu triṣu ca sthitam |caraṇaṃ taittirīye tu missing in the manuscript || 4||

लोकस्य द्वारमित्येतद्वाक्यं तत्रैव चोदितम् ।चमू षु चेति यद्वाक्यं तत्रोक्तमृचि साम्नि च ॥ ५॥

lokasya dvāramityetadvākyaṃ tatraiva coditam |camū ṣu ceti yadvākyaṃ tatroktamṛci sāmni ca || 5||

मैत्रावरुणशाखायां पठ्यते सुमहात्मभिः ।चक्रं बिभर्तीत्यृग्वेदे खिले सम्यक् प्रकीर्तितम् ॥ ६॥

maitrāvaruṇaśākhāyāṃ paṭhyate sumahātmabhiḥ |cakraṃ bibhartītyṛgvede khile samyak prakīrtitam || 6||

अथर्वणोपनिषदि ह्येभिर्वयमिति स्मृतम् ।ऋचि पौष्कलशाखायां प्रतिविष्णो इतीरितम् ॥ ७॥

atharvaṇopaniṣadi hyebhirvayamiti smṛtam |ṛci pauṣkalaśākhāyāṃ prativiṣṇo itīritam || 7||

धृतोर्ध्वपुण्ड्रमिति यदथ शाखोदितं हि तत् ।दक्षिणे त्विति यद्वाक्यं महोपनिषदि स्थितम् ॥ ८॥

dhṛtordhvapuṇḍramiti yadatha śākhoditaṃ hi tat |dakṣiṇe tviti yadvākyaṃ mahopaniṣadi sthitam || 8||

वषट् इति च यद्वाक्यं कठवल्ल्यां तदीरितम् ।तापनीये तु तं प्राप्तमिति मन्त्रमुदाहृतम् ॥ ९॥

vaṣaṭ iti ca yadvākyaṃ kaṭhavallyāṃ tadīritam |tāpanīye tu taṃ prāptamiti mantramudāhṛtam || 9||

यज्ञोपवीतीत्यारभ्य ये वा शून्यं त इत्यपि ।सुदर्शनोपनिषदि वेदविद्भिस्तु पठ्यते ॥ १०॥

yajñopavītītyārabhya ye vā śūnyaṃ ta ityapi |sudarśanopaniṣadi vedavidbhistu paṭhyate || 10||

तस्माद्ब्राह्मणवाक्यं तु श्वेताश्वतरचोदितम् ।तत्रोपवीतादि पञ्च कथ्यते सुमहात्मभिः ॥ ११॥

tasmādbrāhmaṇavākyaṃ tu śvetāśvataracoditam |tatropavītādi pañca kathyate sumahātmabhiḥ || 11||

कात्यायनेति होवाचेत्येवं शतपथेरितम् ।तत्रैव कथितं चक्रं द्विभुजे धार्यमित्यपि ॥ १२॥

kātyāyaneti hovācetyevaṃ śatapatheritam |tatraiva kathitaṃ cakraṃ dvibhuje dhāryamityapi || 12||

तत्रैव दशपर्यायैः कथितं चक्रधारणम् ।देवास इति वाक्यं च तत्रैव परिकथ्यते ॥ १३॥

tatraiva daśaparyāyaiḥ kathitaṃ cakradhāraṇam |devāsa iti vākyaṃ ca tatraiva parikathyate || 13||

विवस्वत इति ह्येतद्वाक्यं तत्रैव संस्थितम् ।चक्रमादायेति वाक्यं स्थितं यत्तदथर्वणे ॥ १४॥

vivasvata iti hyetadvākyaṃ tatraiva saṃsthitam |cakramādāyeti vākyaṃ sthitaṃ yattadatharvaṇe || 14||

तथैव पाञ्चजन्यं च पठ्यते वेदवित्तमैः ।अग्निनेति तथा वाक्यं तत्रैव परिपठ्यते ॥ १५॥

tathaiva pāñcajanyaṃ ca paṭhyate vedavittamaiḥ |agnineti tathā vākyaṃ tatraiva paripaṭhyate || 15||

इत्येवं तप्तचक्रस्य धारणं श्रुतिचोदितम् ।तस्मात् सर्वप्रयत्नेन धार्यं मोक्षफलेप्सुभिः ॥ १६॥

ityevaṃ taptacakrasya dhāraṇaṃ śruticoditam |tasmāt sarvaprayatnena dhāryaṃ mokṣaphalepsubhiḥ || 16||

ब्रह्मचारी गृही वानप्रस्थ इत्याश्रमैस्तथा ।ब्राह्मणैः क्षत्रियैर्वैश्यैः शूद्रैश्चापि तथा परैः ॥ १७॥

brahmacārī gṛhī vānaprastha ityāśramaistathā |brāhmaṇaiḥ kṣatriyairvaiśyaiḥ śūdraiścāpi tathā paraiḥ || 17||

अनुलोमैर्विलोमैश्च भक्तिश्रद्धासमन्वितैः ।सुवासिनीभिर्नारीभिर्विधवाभिस्तथैव च ॥ १८॥

anulomairvilomaiśca bhaktiśraddhāsamanvitaiḥ |suvāsinībhirnārībhirvidhavābhistathaiva ca || 18||

विष्णोः सुदर्शनं धार्यं वेदवेदान्तगोचरम् ।इति सौदर्शनं स्तोत्रमकरोद्रामदेशिकः ॥ १९॥

viṣṇoḥ sudarśanaṃ dhāryaṃ vedavedāntagocaram |iti saudarśanaṃ stotramakarodrāmadeśikaḥ || 19||

इति श्रीसुदर्शनस्तोत्रं सम्पूर्णम् ।

iti śrīsudarśanastotraṃ sampūrṇam |