नृसिंहस्तोत्रम् स्तम्भाविर्भाव Shri Stambhavirbhava Narasimha Stotram

सहस्रभास्करस्फुरत्प्रभाक्षदुर्निरीक्षणंप्रभग्नक्रूरकृद्धिरण्यकश्यपोरुरस्थलम् ।अजस्रजाण्डकर्परप्रभग्नरौद्रगर्जनमुदग्रनिग्रहाग्रहोग्रविग्रहाकृतिं भजे ॥ १॥

sahasrabhāskarasphuratprabhākṣadurnirīkṣaṇaṃprabhagnakrūrakṛddhiraṇyakaśyaporurasthalam |ajasrajāṇḍakarparaprabhagnaraudragarjanamudagranigrahāgrahogravigrahākṛtiṃ bhaje || 1||

स्वयम्भुशम्भुजम्भजित्प्रमुख्यदिव्यसम्भ्रमंद्विजृम्भमध्यदुत्कटोग्रदैत्यकुम्भकुम्भिनिन् ।अनर्गलाट्टहासनिस्पृहाष्टदिग्गजार्भटिन्युगान्तिमान्तमत्कृतान्तधिक्कृतान्तकं भजे ॥ २॥

svayambhuśambhujambhajitpramukhyadivyasambhramaṃdvijṛmbhamadhyadutkaṭogradaityakumbhakumbhinin |anargalāṭṭahāsanispṛhāṣṭadiggajārbhaṭinyugāntimāntamatkṛtāntadhikkṛtāntakaṃ bhaje || 2||

जगज्ज्वलद्दहद्ग्रसत्प्रहस्फुरन्मुखार्भटिंमहद्भयद्भवद्दहग्रसल्लसत्कृताकृतिम् ।हिरण्यकश्यपोसहस्रसंहरत्समर्थकृन्मुहुर्मुहुर्मुहुर्गलध्वनन्नृसिंह रक्ष माम् ॥ ३॥

jagajjvaladdahadgrasatprahasphuranmukhārbhaṭiṃmahadbhayadbhavaddahagrasallasatkṛtākṛtim |hiraṇyakaśyaposahasrasaṃharatsamarthakṛnmuhurmuhurmuhurgaladhvanannṛsiṃha rakṣa mām || 3||

दरिद्रदेवि दुष्टदृष्टि दुःख दुर्भरं हरंनवग्रहोग्रवक्रदोषणादिव्याधि निग्रहम् ।परौषधादिमन्त्रयन्त्रतन्त्रकृत्रिमंहनंअकालमृत्युमृत्युमृत्युमुग्रमूर्तिणं भजे ॥ ४॥

daridradevi duṣṭadṛṣṭi duḥkha durbharaṃ haraṃnavagrahogravakradoṣaṇādivyādhi nigraham |parauṣadhādimantrayantratantrakṛtrimaṃhanaṃakālamṛtyumṛtyumṛtyumugramūrtiṇaṃ bhaje || 4||

जयत्यवक्रविक्रमक्रमक्रमक्रियाहरंस्फुरत्सहस्रविस्फुलिङ्गभास्करप्रभाग्रसत् ।धगद्धगद्धगल्लसन्महद्भ्रमत्सुदर्शनोन्मदेभभित्स्वरूपभृद्भवत्कृपारसामृतम् ॥ ५॥

jayatyavakravikramakramakramakriyāharaṃsphuratsahasravisphuliṅgabhāskaraprabhāgrasat |dhagaddhagaddhagallasanmahadbhramatsudarśanonmadebhabhitsvarūpabhṛdbhavatkṛpārasāmṛtam || 5||

विपक्षपक्षराक्षसाक्षमाक्षरूक्षवीक्षणंसदाऽक्षयत्कृपाकटाक्षलक्ष्मलक्ष्मिवक्षसम् ।विचक्षणं विलक्षणं प्रतीक्षणं परीक्षणंपरीक्ष दीक्ष रक्ष शिक्ष साक्षिणं क्षमं भजे ॥ ६॥

vipakṣapakṣarākṣasākṣamākṣarūkṣavīkṣaṇaṃsadā'kṣayatkṛpākaṭākṣalakṣmalakṣmivakṣasam |vicakṣaṇaṃ vilakṣaṇaṃ pratīkṣaṇaṃ parīkṣaṇaṃparīkṣa dīkṣa rakṣa śikṣa sākṣiṇaṃ kṣamaṃ bhaje || 6||

अपूर्व शौर्य धैर्य वीर्य दुर्निवार्य दुर्गममकार्यकृद्धनार्य गर्वपर्वतप्रहार्यसत् ।प्रचार्यसर्वनिर्वहस्तुपर्यवर्यपर्विणंसदार्यकार्यभार्यभृद्दुदारवर्यणं भजे ॥ ७॥

apūrva śaurya dhairya vīrya durnivārya durgamamakāryakṛddhanārya garvaparvataprahāryasat |pracāryasarvanirvahastuparyavaryaparviṇaṃsadāryakāryabhāryabhṛddudāravaryaṇaṃ bhaje || 7||

प्रपत्तिनार्द्रनाभनाभिवन्दनप्रदक्षिणानताननाङ्गवाङ्मनःस्मरज्जपस्तुवद्गदा ।अश्रुपूर्णार्द्रपूर्णभक्तिपारवश्यतासकृत्क्रियाचरद्धवत्कृपा नृसिंह रक्ष माम् ॥ ८॥

prapattinārdranābhanābhivandanapradakṣiṇānatānanāṅgavāṅmanaḥsmarajjapastuvadgadā |aśrupūrṇārdrapūrṇabhaktipāravaśyatāsakṛtkriyācaraddhavatkṛpā nṛsiṃha rakṣa mām || 8||

करालवक्त्र कर्कशोग्र वज्रदंष्ट्रमुज्ज्वलंकुठारखड्गकुन्तरोमराङ्कुशोन्नखायुधम् ।महद्भ्रयूधभग्नसञ्चलज्ञता सटालकंजगत्प्रमूर्छिताट्टहासचक्रवर्तिणं भजे ॥ ९॥

karālavaktra karkaśogra vajradaṃṣṭramujjvalaṃkuṭhārakhaḍgakuntaromarāṅkuśonnakhāyudham |mahadbhrayūdhabhagnasañcalajñatā saṭālakaṃjagatpramūrchitāṭṭahāsacakravartiṇaṃ bhaje || 9||

नवग्रहाऽपमृत्युगण्ड वास्तुरोग वृश्चिकाऽग्नि वाडवाग्नि काननाग्नि शतृमण्डल ।प्रवाह क्षुत्पिपास दुःख तस्कर प्रयोग दुष्प्रमादसङ्कटात्सदा नृसिंह रक्ष मां प्रभो ॥ १०॥

navagrahā'pamṛtyugaṇḍa vāsturoga vṛścikā'gni vāḍavāgni kānanāgni śatṛmaṇḍala |pravāha kṣutpipāsa duḥkha taskara prayoga duṣpramādasaṅkaṭātsadā nṛsiṃha rakṣa māṃ prabho || 10||

फलश्रुति समर्पणम् ।इदं नृसिंह स्तम्भ सम्भ वावतारसंस्तवंवराकलङ्क वंश्य वेङ्कटाभिधान वैष्णवो ।समर्पितोऽस्मि सर्वदा नृसिंह दास्यतेच्छयारमाङ्क यादशैलनारसिंह तेङ्घ्रिसन्निधौ ॥ ११॥

phalaśruti samarpaṇam |idaṃ nṛsiṃha stambha sambha vāvatārasaṃstavaṃvarākalaṅka vaṃśya veṅkaṭābhidhāna vaiṣṇavo |samarpito'smi sarvadā nṛsiṃha dāsyatecchayāramāṅka yādaśailanārasiṃha teṅghrisannidhau || 11||

उग्रं वीरं महाविष्णुं ज्वलन्तं सर्वतोमुखम् ।नृसिंहं भीषणं भद्रं मृत्योर्मृत्युर्नमाम्यहम् ॥इति श्रीवेङ्कटरमणाचार्यविरचितंस्तम्भाविर्भावनरसिंहस्तोत्रं सम्पूर्णम् ।

ugraṃ vīraṃ mahāviṣṇuṃ jvalantaṃ sarvatomukham |nṛsiṃhaṃ bhīṣaṇaṃ bhadraṃ mṛtyormṛtyurnamāmyaham ||iti śrīveṅkaṭaramaṇācāryaviracitaṃstambhāvirbhāvanarasiṃhastotraṃ sampūrṇam |