शुकस्तुतिः २ Shri Shuka Stuti 2

श्रीशुकःनमः परस्मै पुरुषाय भूयसेसदुद्भवस्थाननिरोधलीलया ।गृहीतशक्तित्रितयाय देहिनामन्तर्भवायानुपलक्ष्यवर्तिने ॥ १॥

śrīśukaḥnamaḥ parasmai puruṣāya bhūyasesadudbhavasthānanirodhalīlayā |gṛhītaśaktitritayāya dehināmantarbhavāyānupalakṣyavartine || 1||

भूयो नमः सद्वृजिनच्छिदे सतामसम्भवायाखिलसत्त्वमूर्तये ।पुंसां मुहुः पारमहंस्य आश्रमेव्यवस्थितानामनुमृश्य दाशुषे ॥ २॥

bhūyo namaḥ sadvṛjinacchide satāmasambhavāyākhilasattvamūrtaye |puṃsāṃ muhuḥ pāramahaṃsya āśramevyavasthitānāmanumṛśya dāśuṣe || 2||

नमो नमस्तेऽस्त्वृषभाय सात्वतांविदूरकाष्ठाय मुहुः (च) योगिनाम् ।निरस्तसाम्यातिशयेन राधसास्वधामनि ब्रह्मणि रंस्यते नमः ॥ ३॥

namo namaste'stvṛṣabhāya sātvatāṃvidūrakāṣṭhāya muhuḥ (ca) yoginām |nirastasāmyātiśayena rādhasāsvadhāmani brahmaṇi raṃsyate namaḥ || 3||

यत्कीर्तनं यत्स्मरणं यदीक्षणंयद्वन्दनं यच्छ्रवणं यदर्हणम् ।लोकस्य सद्यो विधुनोति कल्मषंतस्मै सुभद्रश्रवसे नमो नमः ॥ ४॥

yatkīrtanaṃ yatsmaraṇaṃ yadīkṣaṇaṃyadvandanaṃ yacchravaṇaṃ yadarhaṇam |lokasya sadyo vidhunoti kalmaṣaṃtasmai subhadraśravase namo namaḥ || 4||

विचक्षणा यच्चरणोपसाधनात्सङ्गं व्युदस्योभयतोऽन्तरान्मनः ।विन्दन्ति हि ब्रह्मगतिं गतक्लमाःतस्मै सुभद्रश्रवसे नमो नमः ॥ ५॥

vicakṣaṇā yaccaraṇopasādhanātsaṅgaṃ vyudasyobhayato'ntarānmanaḥ |vindanti hi brahmagatiṃ gataklamāḥtasmai subhadraśravase namo namaḥ || 5||

तपस्विनो वानपरा यशस्विनोमनस्विनो मन्त्रविदः सुमङ्गलाः ।क्षेमं न विन्दन्ति विना यदर्पणंतस्मै सुभद्रश्रवसे नमो नमः ॥ ६॥

tapasvino vānaparā yaśasvinomanasvino mantravidaḥ sumaṅgalāḥ |kṣemaṃ na vindanti vinā yadarpaṇaṃtasmai subhadraśravase namo namaḥ || 6||

किरातहूणान्ध्रपुलिन्दपुल्कसाआभीरकङ्का यवनाः कषादाः ।येऽन्ये च पापा यदपाश्रयाश्रयाःशुध्यन्ति तस्मै प्रभविष्णवे नमः ॥ ७॥

kirātahūṇāndhrapulindapulkasāābhīrakaṅkā yavanāḥ kaṣādāḥ |ye'nye ca pāpā yadapāśrayāśrayāḥśudhyanti tasmai prabhaviṣṇave namaḥ || 7||

स एष आत्मात्मवतामधीश्वरत्रयीमयो धर्ममयस्तपोमयो ।गतव्यलीकैरजशङ्करादिभिर्वितर्क्यलिङ्गो भगवान् प्रसीदतु ॥ ८॥

sa eṣa ātmātmavatāmadhīśvaratrayīmayo dharmamayastapomayo |gatavyalīkairajaśaṅkarādibhirvitarkyaliṅgo bhagavān prasīdatu || 8||

श्रियः पतिर्यज्ञपतिः प्रजापतिर्धियां पतिर्लोकपतिर्धरापतिः ।पतिर्गतिश्चान्धकवृष्णिसात्वतांप्रसीदतां मे भगवान् सतां पतिः ॥ ९॥

śriyaḥ patiryajñapatiḥ prajāpatirdhiyāṃ patirlokapatirdharāpatiḥ |patirgatiścāndhakavṛṣṇisātvatāṃprasīdatāṃ me bhagavān satāṃ patiḥ || 9||

इति श्रीशुकस्तुतिः सम्पूर्णा ।

iti śrīśukastutiḥ sampūrṇā |