शेषस्तोत्रम् Shri Shesha Stotram

रसात्मा परात्मा पुरुषोत्तमो योनिजोत्तारणायैव नारायणाय ।महामन्त्रराजं प्रपेदे यतोऽयंतमीशं फणीशं गुरुं शेषमीडे ॥ १॥

rasātmā parātmā puruṣottamo yonijottāraṇāyaiva nārāyaṇāya |mahāmantrarājaṃ prapede yato'yaṃtamīśaṃ phaṇīśaṃ guruṃ śeṣamīḍe || 1||

सहस्राननैर्वाक्सहस्रद्वयेनसदा कीर्तयन्तं हरेः कीर्तिमेव ।गृणन्तं श्रुतिभ्यो मतं भक्तिकाण्डंतमीशं फणीशं गुरुं शेषमीडे ॥ २॥

sahasrānanairvāksahasradvayenasadā kīrtayantaṃ hareḥ kīrtimeva |gṛṇantaṃ śrutibhyo mataṃ bhaktikāṇḍaṃtamīśaṃ phaṇīśaṃ guruṃ śeṣamīḍe || 2||

विरिञ्चेः कुमारान्प्रति प्राह पूर्वंनृपं चित्रकेतुं प्रति प्रीतिपूर्वम् ।हरेर्भक्तिशास्त्रं मनुर्यश्च मह्यंतमीशं फणीशं गुरुं शेषमीडे ॥ ३॥

viriñceḥ kumārānprati prāha pūrvaṃnṛpaṃ citraketuṃ prati prītipūrvam |harerbhaktiśāstraṃ manuryaśca mahyaṃtamīśaṃ phaṇīśaṃ guruṃ śeṣamīḍe || 3||

सदा योगिनो भोगिनो यं भजन्तेयथायोगमेषां ददात्यर्थसिद्धिम् ।समृद्धिं करोति प्रियस्यैव विष्णोस्तमीशं फणीशं गुरुं शेषमीडे ॥ ४॥

sadā yogino bhogino yaṃ bhajanteyathāyogameṣāṃ dadātyarthasiddhim |samṛddhiṃ karoti priyasyaiva viṣṇostamīśaṃ phaṇīśaṃ guruṃ śeṣamīḍe || 4||

त्रयीयोगवाग्यो गवां चाप्रकाशोहरेर्भक्तियोगस्य वक्ता गुणानाम् ।समस्तैर्नुतो योगिभिर्योगगम्यस्तमीशं फणीशं गुरुं शेषमीडे ॥ ५॥

trayīyogavāgyo gavāṃ cāprakāśoharerbhaktiyogasya vaktā guṇānām |samastairnuto yogibhiryogagamyastamīśaṃ phaṇīśaṃ guruṃ śeṣamīḍe || 5||

अनन्तो हरेर्वल्लभामुत्तमाङ्गेअनन्ताङ्घ्रिजामापगां यश्च धत्ते ।अनन्तस्ततोऽनन्तदेवाश्रयो यस्तमीशं फणीशं गुरुं शेषमीडे ॥ ६॥

ananto harervallabhāmuttamāṅgeanantāṅghrijāmāpagāṃ yaśca dhatte |anantastato'nantadevāśrayo yastamīśaṃ phaṇīśaṃ guruṃ śeṣamīḍe || 6||

अशेषे विलीने लये शिष्यते यःसुपर्यङ्कतां याति संवर्तसिन्धौ ।मुरारेः प्रियाणामुपज्ञं गुरूणांतमीशं फणीशं गुरुं शेषमीडे ॥ ७॥

aśeṣe vilīne laye śiṣyate yaḥsuparyaṅkatāṃ yāti saṃvartasindhau |murāreḥ priyāṇāmupajñaṃ gurūṇāṃtamīśaṃ phaṇīśaṃ guruṃ śeṣamīḍe || 7||

यतो वासुदेवेऽभिप्रद्युम्नमन्तःसमाकर्षयच्चानिरुद्धं निरोधुम् ।ततश्चाख्यया याति सङ्कर्षणो यस्तमीशं फणीशं गुरुं शेषमीडे ॥ ८॥

yato vāsudeve'bhipradyumnamantaḥsamākarṣayaccāniruddhaṃ nirodhum |tataścākhyayā yāti saṅkarṣaṇo yastamīśaṃ phaṇīśaṃ guruṃ śeṣamīḍe || 8||

भुजङ्गाङ्गिनो गीर्गिरीशेन गीताभुजङ्गाङ्गपर्यङ्कभाजः प्रियस्य ।भुजङ्गप्रियस्य प्रियायैव भूयाद्भुजङ्गप्रयाता भुजङ्गप्रयातैः ॥ ९॥

bhujaṅgāṅgino gīrgirīśena gītābhujaṅgāṅgaparyaṅkabhājaḥ priyasya |bhujaṅgapriyasya priyāyaiva bhūyādbhujaṅgaprayātā bhujaṅgaprayātaiḥ || 9||

(२०२८)इति श्रीशाण्डिल्यसंहितायां पञ्चमे भक्तिखण्डे चतुर्थांशेएकादशोऽध्याये श्रीशेषस्तोत्रं सम्पूर्णम् ।

(2028)iti śrīśāṇḍilyasaṃhitāyāṃ pañcame bhaktikhaṇḍe caturthāṃśeekādaśo'dhyāye śrīśeṣastotraṃ sampūrṇam |