महापुरुषचरणारविन्दस्तोत्रम् Shri Mahapurushacharanaravinda Stotram

ध्येयं सदा परिभवघ्नमभीष्टदोहंतीर्थास्पदं शिवविरिञ्चिनुतं शरण्यम् ।भृत्यार्तिहं प्रणतफालभवाब्धिपोतंवन्दे महापुरुष ते चरणारविन्दम् ॥ १॥

dhyeyaṃ sadā paribhavaghnamabhīṣṭadohaṃtīrthāspadaṃ śivaviriñcinutaṃ śaraṇyam |bhṛtyārtihaṃ praṇataphālabhavābdhipotaṃvande mahāpuruṣa te caraṇāravindam || 1||

शोणारविन्दकलशध्वजकल्पकादिमीनातपत्रमकराङ्कुशवशङ्खैः ।यच्चिह्नितं परमयोगिमुनीन्द्रसेव्यंवन्दे महापुरुष ते चरणारविन्दम् ॥ २॥

śoṇāravindakalaśadhvajakalpakādimīnātapatramakarāṅkuśavaśaṅkhaiḥ |yaccihnitaṃ paramayogimunīndrasevyaṃvande mahāpuruṣa te caraṇāravindam || 2||

मुक्तिप्रदं परमयोगिमुनीन्द्रसेव्यंतापत्रयानलनिवारणमादिभूतम् ।वृन्दावनस्थलविहारविनोदलीलंवन्दे महापुरुष ते चरणारविन्दम् ॥ ३॥

muktipradaṃ paramayogimunīndrasevyaṃtāpatrayānalanivāraṇamādibhūtam |vṛndāvanasthalavihāravinodalīlaṃvande mahāpuruṣa te caraṇāravindam || 3||

विन्यस्तमरतमथ शस्तसमस्तकल्याणवैभवसुधास्पदमास (माशु) गम्यम् ।मन्दाकिनीजननकारणहेतुभूतंवन्दे महापुरुष ते चरणारविन्दम् ॥ ४॥

vinyastamaratamatha śastasamastakalyāṇavaibhavasudhāspadamāsa (māśu) gamyam |mandākinījananakāraṇahetubhūtaṃvande mahāpuruṣa te caraṇāravindam || 4||

यत्कालियोरगफणामणिरत्नशोणंगोपाङ्गनाकरसरोरुहयोगयोग्यम् ।नानाविधश्रुतिलतोत्पलमूलकन्दंवन्दे महापुरुष ते चरणारविन्दम् ॥ ५॥

yatkāliyoragaphaṇāmaṇiratnaśoṇaṃgopāṅganākarasaroruhayogayogyam |nānāvidhaśrutilatotpalamūlakandaṃvande mahāpuruṣa te caraṇāravindam || 5||

इति श्रीमहापुरुषचरणारविन्दस्तोत्रं सम्पूर्णम् ।

iti śrīmahāpuruṣacaraṇāravindastotraṃ sampūrṇam |