लक्ष्मीनारायणाष्टोत्तरशतनामस्तोत्रम् Shri Lakshminarayana Ashtottarashatanamastotram

श्रीर्विष्णुः कमला शार्ङ्गी लक्ष्मीर्वैकुण्ठनायकः ।पद्मालया चतुर्बाहुः क्षीराब्धितनयाऽच्युतः ॥ १॥

śrīrviṣṇuḥ kamalā śārṅgī lakṣmīrvaikuṇṭhanāyakaḥ |padmālayā caturbāhuḥ kṣīrābdhitanayā'cyutaḥ || 1||

इन्दिरा पुण्डरीकाक्षा रमा गरुडवाहनः ।भार्गवी शेषपर्यङ्को विशालाक्षी जनार्दनः ॥ २॥

indirā puṇḍarīkākṣā ramā garuḍavāhanaḥ |bhārgavī śeṣaparyaṅko viśālākṣī janārdanaḥ || 2||

स्वर्णाङ्गी वरदो देवी हरिरिन्दुमुखी प्रभुः ।सुन्दरी नरकध्वंसी लोकमाता मुरान्तकः ॥ ३॥

svarṇāṅgī varado devī haririndumukhī prabhuḥ |sundarī narakadhvaṃsī lokamātā murāntakaḥ || 3||

भक्तप्रिया दानवारिः अम्बिका मधुसूदनः ।वैष्णवी देवकीपुत्रो रुक्मिणी केशिमर्दनः ॥ ४॥

bhaktapriyā dānavāriḥ ambikā madhusūdanaḥ |vaiṣṇavī devakīputro rukmiṇī keśimardanaḥ || 4||

वरलक्ष्मी जगन्नाथः कीरवाणी हलायुधः ।नित्या सत्यव्रतो गौरी शौरिः कान्ता सुरेश्वरः ॥ ५॥

varalakṣmī jagannāthaḥ kīravāṇī halāyudhaḥ |nityā satyavrato gaurī śauriḥ kāntā sureśvaraḥ || 5||

नारायणी हृषीकेशः पद्महस्ता त्रिविक्रमः ।माधवी पद्मनाभश्च स्वर्णवर्णा निरीश्वरः ॥ ६॥

nārāyaṇī hṛṣīkeśaḥ padmahastā trivikramaḥ |mādhavī padmanābhaśca svarṇavarṇā nirīśvaraḥ || 6||

सती पीताम्बरः शान्ता वनमाली क्षमाऽनघः ।जयप्रदा बलिध्वंसी वसुधा पुरुषोत्तमः ॥ ७॥

satī pītāmbaraḥ śāntā vanamālī kṣamā'naghaḥ |jayapradā balidhvaṃsī vasudhā puruṣottamaḥ || 7||

राज्यप्रदाऽखिलाधारो माया कंसविदारणः ।महेश्वरी महादेवो परमा पुण्यविग्रहः ॥ ८॥

rājyapradā'khilādhāro māyā kaṃsavidāraṇaḥ |maheśvarī mahādevo paramā puṇyavigrahaḥ || 8||

रमा मुकुन्दः सुमुखी मुचुकुन्दवरप्रदः ।वेदवेद्याऽब्धिजामाता सुरूपाऽर्केन्दुलोचनः ॥ ९॥

ramā mukundaḥ sumukhī mucukundavarapradaḥ |vedavedyā'bdhijāmātā surūpā'rkendulocanaḥ || 9||

पुण्याङ्गना पुण्यपादो पावनी पुण्यकीर्तनः ।विश्वप्रिया विश्वनाथो वाग्रूपी वासवानुजः ॥ १०॥

puṇyāṅganā puṇyapādo pāvanī puṇyakīrtanaḥ |viśvapriyā viśvanātho vāgrūpī vāsavānujaḥ || 10||

सरस्वती स्वर्णगर्भो गायत्री गोपिकाप्रियः ।यज्ञरूपा यज्ञभोक्ता भक्ताभीष्टप्रदा गुरुः ॥ ११॥

sarasvatī svarṇagarbho gāyatrī gopikāpriyaḥ |yajñarūpā yajñabhoktā bhaktābhīṣṭapradā guruḥ || 11||

स्तोत्रक्रिया स्तोत्रकारः सुकुमारी सवर्णकः ।मानिनी मन्दरधरो सावित्री जन्मवर्जितः ॥ १२॥

stotrakriyā stotrakāraḥ sukumārī savarṇakaḥ |māninī mandaradharo sāvitrī janmavarjitaḥ || 12||

मन्त्रगोप्त्री महेष्वासो योगिनी योगवल्लभः ।जयप्रदा जयकरः रक्षित्री सर्वरक्षकः ॥ १३॥

mantragoptrī maheṣvāso yoginī yogavallabhaḥ |jayapradā jayakaraḥ rakṣitrī sarvarakṣakaḥ || 13||

अष्टोत्तरशतं नाम्नां लक्ष्म्या नारायणस्य च ।यः पठेत् प्रातरुत्थाय सर्वदा विजयी भवेत् ॥ १४॥

aṣṭottaraśataṃ nāmnāṃ lakṣmyā nārāyaṇasya ca |yaḥ paṭhet prātarutthāya sarvadā vijayī bhavet || 14||

इति श्री लक्ष्मीनारायणाष्टोत्तरशतनामस्तोत्रं सम्पूर्णम् ।

iti śrī lakṣmīnārāyaṇāṣṭottaraśatanāmastotraṃ sampūrṇam |