देवनायकसुप्रभातम् Shri Devanayaka Shuprabhata Shtotram

श्रीः ।श्रीमते रामानुजाय नमः ।श्रीमद् वरवर मुनये नमः ।श्रीमद् वानमहाचल गुरुभ्यो नमः ।श्रीवल्लिमङ्गया नित्यं श्रियालिङ्गितवक्षसः ।श्री देवनायकस्याङ्ग्री शिरोभूषणमस्तु मे ॥ १॥

śrīḥ |śrīmate rāmānujāya namaḥ |śrīmad varavara munaye namaḥ |śrīmad vānamahācala gurubhyo namaḥ |śrīvallimaṅgayā nityaṃ śriyāliṅgitavakṣasaḥ |śrī devanāyakasyāṅgrī śirobhūṣaṇamastu me || 1||

श्रीभट्टनाथवानाद्रि रामानुजमुनेः पदौ ।शिरसानम्य देवेश सुप्रभातं वितन्यते ॥ २॥

śrībhaṭṭanāthavānādri rāmānujamuneḥ padau |śirasānamya deveśa suprabhātaṃ vitanyate || 2||

श्रीदेवनायक विभो जगदेकनाथश्रीकर्णयोः कुरु गिरं तव किङ्करस्य ।एता मवद्यभरितामपि मे दयाब्धेमातेव वत्सलतमा निजबालकस्य ॥ ३॥

śrīdevanāyaka vibho jagadekanāthaśrīkarṇayoḥ kuru giraṃ tava kiṅkarasya |etā mavadyabharitāmapi me dayābdhemāteva vatsalatamā nijabālakasya || 3||

सन्तः शृतिप्रणयिवाग्विभवा अपीहसङ्कीर्तने गुणनिधे स्तव सङ्कुचन्ति ।सत्येव मीडितुमना निरपत्रपस्त्वांसजजीभवामि वशगो ननु चापलस्य ॥ ४॥

santaḥ śṛtipraṇayivāgvibhavā apīhasaṅkīrtane guṇanidhe stava saṅkucanti |satyeva mīḍitumanā nirapatrapastvāṃsajajībhavāmi vaśago nanu cāpalasya || 4||

तत्रापि विश्वजननस्थिति सम्हृतीनांकर्तारमेकमपि सन्ततजागरूकम् ।सङ्कल्पयननु विभोधयितुं भवन्तंसत्यं प्रमत्त इव यत्किमपीह कुर्वे ॥ ५॥

tatrāpi viśvajananasthiti samhṛtīnāṃkartāramekamapi santatajāgarūkam |saṅkalpayananu vibhodhayituṃ bhavantaṃsatyaṃ pramatta iva yatkimapīha kurve || 5||

श्री भूमिपाणिकमलैः परिमृष्टगात्रश्री गोदया धृपदाम्बुज शेषतल्पे ।देव्याङ्कचायित मुदा वरमङ्गया श्रीदेवेश जागृहि तवाध्य हि सुप्रभातम् ॥ ६॥

śrī bhūmipāṇikamalaiḥ parimṛṣṭagātraśrī godayā dhṛpadāmbuja śeṣatalpe |devyāṅkacāyita mudā varamaṅgayā śrīdeveśa jāgṛhi tavādhya hi suprabhātam || 6||

लक्ष्मीमहीदिननिशाकरदेवकन्यायुग्मैः समं भृगुमृगण्डुतनूभवाभ्याम् ।वेदात्मपत्रिपतिना च वलाधिपेनतोदाद्रिनाथ भगवम्स्तव सुप्रभातम् ॥ ७॥

lakṣmīmahīdinaniśākaradevakanyāyugmaiḥ samaṃ bhṛgumṛgaṇḍutanūbhavābhyām |vedātmapatripatinā ca valādhipenatodādrinātha bhagavamstava suprabhātam || 7||

भास्वानिदेष्यति समृद्धकरः पुरस्तात्पस्चाद्विधुर्विगतभा विलयं प्रयाति ।एवं जगन्निजकृतानुगुणं नियोक्तुःदेवाधिनाथ तव सम्प्रति सुप्रभातम् ॥ ८॥

bhāsvānideṣyati samṛddhakaraḥ purastātpascādvidhurvigatabhā vilayaṃ prayāti |evaṃ jagannijakṛtānuguṇaṃ niyoktuḥdevādhinātha tava samprati suprabhātam || 8||

हेयद्विषं शुभगुणैकनिकेतनं त्वांध्येयं दिदृक्षव इमे सनकादिसिद्धाः ।स्वायम्भुवाः सुरपते स्वयमागता स्तत्स्वीयं विमुञ्च शयनं तव सुप्रभातम् ॥ ९॥

heyadviṣaṃ śubhaguṇaikaniketanaṃ tvāṃdhyeyaṃ didṛkṣava ime sanakādisiddhāḥ |svāyambhuvāḥ surapate svayamāgatā statsvīyaṃ vimuñca śayanaṃ tava suprabhātam || 9||

श्रीवास तावकतपोवनगा मुनीन्द्राःसेवारता भुजगतल्पत उद्यतस्ते ।श्रीवासगेहमुपयान्ति हि सेमशाद्याःदेवादिराज तव सम्प्रति सुप्रभातम् ॥ १०॥

śrīvāsa tāvakatapovanagā munīndrāḥsevāratā bhujagatalpata udyataste |śrīvāsagehamupayānti hi semaśādyāḥdevādirāja tava samprati suprabhātam || 10||

रामानुजो यतिपतिः सह शिष्यवृन्दैःरामानुजस्य तव देव यथा यशोदा ।प्राभोधकीं समुगायति सूक्तिमालांस्वापात्प्रबुद्धय सुरनायक सुप्रभातम् ॥ ११॥

rāmānujo yatipatiḥ saha śiṣyavṛndaiḥrāmānujasya tava deva yathā yaśodā |prābhodhakīṃ samugāyati sūktimālāṃsvāpātprabuddhaya suranāyaka suprabhātam || 11||

वानाद्रिलक्ष्मणमुनि स्तव वल्लिमङ्गादानात्प्रहृष्टहृदयः स्वसुतां प्रबुद्धाम् ।एनां पिपृच्छिषति सुस्वपनं रजन्यांमानाथ मानय गुरुं तव सुप्रभातम् ॥ १२॥

vānādrilakṣmaṇamuni stava vallimaṅgādānātprahṛṣṭahṛdayaḥ svasutāṃ prabuddhām |enāṃ pipṛcchiṣati susvapanaṃ rajanyāṃmānātha mānaya guruṃ tava suprabhātam || 12||

आम्नायशीर्षयुगपारगता द्विजास्त्वन्नाम्नां सहस्रमनघं परिकीर्तयन्तः ।धाम्नोज्वलं तव निकेतमुपागतास्तान्भूम्ना श्रियां धिनु सुराधिप सुप्रभातम् ॥ १३॥

āmnāyaśīrṣayugapāragatā dvijāstvannāmnāṃ sahasramanaghaṃ parikīrtayantaḥ |dhāmnojvalaṃ tava niketamupāgatāstānbhūmnā śriyāṃ dhinu surādhipa suprabhātam || 13||

दिव्यावरोधत उपाम्शु विनिर्यतस्तेसिम्हक्रमोपमगते रवलोकनाय ।श्रीवैष्णवाः समधिकं स्पृहयन्त्यमीषांसेवां सुरेश विसराद्य हि सुप्रभातम् ॥ १४॥

divyāvarodhata upāmśu viniryatastesimhakramopamagate ravalokanāya |śrīvaiṣṇavāḥ samadhikaṃ spṛhayantyamīṣāṃsevāṃ sureśa visarādya hi suprabhātam || 14||

नानानुभाव नरदेवगणा श्चिरेणसेनाधिपानुमतिलब्धसभाप्रवेशाः ।धर्मासनं दृतकराः परिवृणवतेतान् शर्मापितान् कुरु दृशा तव सुप्रभातम् ॥ १५॥

nānānubhāva naradevagaṇā ścireṇasenādhipānumatilabdhasabhāpraveśāḥ |dharmāsanaṃ dṛtakarāḥ parivṛṇavatetān śarmāpitān kuru dṛśā tava suprabhātam || 15||

क्लिष्टस्य धूः सुरपते ननु बिष्टपस्यशिष्टेष्टसम्घटनदुष्टनिबर्हणाख्या ।त्वययेव नाथ विततायतते यतस्स्वांशय्यां जहाहि भगवं स्तव सुप्रभातम् ॥ १६॥

kliṣṭasya dhūḥ surapate nanu biṣṭapasyaśiṣṭeṣṭasamghaṭanaduṣṭanibarhaṇākhyā |tvayayeva nātha vitatāyatate yatassvāṃśayyāṃ jahāhi bhagavaṃ stava suprabhātam || 16||

पद्मासखल्य भवतः परिचर्ययालंविस्मापितो निशि पराङ्कुशसूरिरद्य ।सेवारसं वदितुमिच्छति नैजगोष्ट्यांदेवास्य देह्यनुमतिं तव सुप्रभातम् ॥ १७॥

padmāsakhalya bhavataḥ paricaryayālaṃvismāpito niśi parāṅkuśasūriradya |sevārasaṃ vaditumicchati naijagoṣṭyāṃdevāsya dehyanumatiṃ tava suprabhātam || 17||

भावत्कदिव्यनगरीविशिखासु विप्राःश्राव्यस्वनाक्षरमुखाः स्तुवते भवन्तम् ।प्रत्नैः शुकोक्तिहरिवम्श पुराणरत्नैःयत्नेन दैवतपते तव सुप्रभातम् ॥ १८॥

bhāvatkadivyanagarīviśikhāsu viprāḥśrāvyasvanākṣaramukhāḥ stuvate bhavantam |pratnaiḥ śukoktiharivamśa purāṇaratnaiḥyatnena daivatapate tava suprabhātam || 18||

वैकुण्ठनामकविमानगजालरन्ध्रैःवैभातिकाः शयनधाम विशन्ति वाताः ।देवीसुगन्धिमुखवातजिगीषयेवदेवाधिनायक तवाद्य हि सुप्रभातम् ॥ १९॥

vaikuṇṭhanāmakavimānagajālarandhraiḥvaibhātikāḥ śayanadhāma viśanti vātāḥ |devīsugandhimukhavātajigīṣayevadevādhināyaka tavādya hi suprabhātam || 19||

त्वन्नामकीर्तनविधौ महिषीविनीतैःस्वर्णाभपञ्चरगतैः शुकशारिकाद्यैः ।स्वर्णाथ ते समुदितान् गुणनामवर्णान्कर्णागतान् कलय सम्प्रति सुप्रभातम् ॥ २०॥

tvannāmakīrtanavidhau mahiṣīvinītaiḥsvarṇābhapañcaragataiḥ śukaśārikādyaiḥ |svarṇātha te samuditān guṇanāmavarṇānkarṇāgatān kalaya samprati suprabhātam || 20||

शृत्वा त्वदीयसहकारवनोपकण्ठेसोत्कण्ठविस्तृतशिखण्डकनीलकण्ठाः ।नृत्यन्ति नीरदरवां हि विभातभेरींनिद्रां जहीहि सुरनायक सुप्रभातम् ॥ २१॥

śṛtvā tvadīyasahakāravanopakaṇṭhesotkaṇṭhavistṛtaśikhaṇḍakanīlakaṇṭhāḥ |nṛtyanti nīradaravāṃ hi vibhātabherīṃnidrāṃ jahīhi suranāyaka suprabhātam || 21||

आम्रदृमोपवननीडनिकेतभाजःकम्रस्वनाः परभृताः कलकूजिनेन ।धिन्वन्ति नित्यविबुधा इव दिव्यसाम्नाश्रीमन् भवन्त ममराधिप सुप्रभातम् ॥ २२॥

āmradṛmopavananīḍaniketabhājaḥkamrasvanāḥ parabhṛtāḥ kalakūjinena |dhinvanti nityavibudhā iva divyasāmnāśrīman bhavanta mamarādhipa suprabhātam || 22||

श्रीपङ्कपङ्कजसरोवरराजहम्साःदेवीसहस्रमणिनूपुरशिञ्जितानि ।तल्बोग्दगमावसरजान्यनुकर्तुकामाःशय्यां त्यजन्ति परितस्तव सुप्रभातम् ॥ २३॥

śrīpaṅkapaṅkajasarovararājahamsāḥdevīsahasramaṇinūpuraśiñjitāni |talbogdagamāvasarajānyanukartukāmāḥśayyāṃ tyajanti paritastava suprabhātam || 23||

कामाभिधानसुमनोवनिताभिरामाःरामा रमेश सुमनोवरदामहस्ताः ।त्वामादरेण नचिरेण बुभूषिषन्तिजामातरं निजगुरो स्तव सुप्रभातम् ॥ २४॥

kāmābhidhānasumanovanitābhirāmāḥrāmā rameśa sumanovaradāmahastāḥ |tvāmādareṇa nacireṇa bubhūṣiṣantijāmātaraṃ nijaguro stava suprabhātam || 24||

धाटीषु ते रथगजाश्वषदातियोधान्आटीकयत्यतुलवेत्रलतेङ्गितैर्यः ।सेनापतिर्वितनुते जयघोषमद्यवानाद्रिकन्दरहरे तव सुप्रभातम् ॥ २५॥

dhāṭīṣu te rathagajāśvaṣadātiyodhānāṭīkayatyatulavetralateṅgitairyaḥ |senāpatirvitanute jayaghoṣamadyavānādrikandarahare tava suprabhātam || 25||

प्रातः परिक्रमकृते सुकृतां प्रतोळींयातः परिष्कृतगृहा नगरीपुरन्ध्र्यः ।नीराजनाय भवतो नितरां त्वरन्तेस्वाराध देवरमणाद्य हि सुप्रभातम् ॥ २६॥

prātaḥ parikramakṛte sukṛtāṃ pratoḷīṃyātaḥ pariṣkṛtagṛhā nagarīpurandhryaḥ |nīrājanāya bhavato nitarāṃ tvarantesvārādha devaramaṇādya hi suprabhātam || 26||

शौर्यप्रशस्तिरिह ते स्नपनप्रक्लुप्तिःतौर्यत्रिकप्रसृतिरत्र च सौरभेयी ।शङ्खान् धमन्त इह मङ्गलवादिसङ्गःसर्वं समर्थय विभो तव सुप्रभातम् ॥ २७॥

śauryapraśastiriha te snapanaprakluptiḥtauryatrikaprasṛtiratra ca saurabheyī |śaṅkhān dhamanta iha maṅgalavādisaṅgaḥsarvaṃ samarthaya vibho tava suprabhātam || 27||

वर्णस्वरार्थपदभावविशुद्धिवर्जंकर्णान्तरङ्गकटुकं कविताभिमानात् ।सञ्जल्पितं त्रिदशनाथ तव प्रसादात्अञ्जत्विदं सगुणता मिति सुप्रभातम् ॥ २८॥

varṇasvarārthapadabhāvaviśuddhivarjaṃkarṇāntaraṅgakaṭukaṃ kavitābhimānāt |sañjalpitaṃ tridaśanātha tava prasādātañjatvidaṃ saguṇatā miti suprabhātam || 28||

गोपालार्यकविप्रोक्तं देवाधिपविबोधनम् ।सुप्रभातमधीयानः क्षिप्रमिष्टमवाप्नुयात् ॥श्रीदेवनायकसुप्रभातस्तोत्रं समाप्तम् ॥

gopālāryakaviproktaṃ devādhipavibodhanam |suprabhātamadhīyānaḥ kṣipramiṣṭamavāpnuyāt ||śrīdevanāyakasuprabhātastotraṃ samāptam ||