दधिवामनस्तोत्रम् Shri Dadhivamana Stotram

हेमाद्रिशिखराकारं शुद्धस्फटिङ्कभिम् ।पूर्णचन्द्र निभं देवं द्विभुजं वामनं स्मरेत् ॥ १॥

hemādriśikharākāraṃ śuddhasphaṭiṅkabhim |pūrṇacandra nibhaṃ devaṃ dvibhujaṃ vāmanaṃ smaret || 1||

पद्मासनस्थं देवेशं चन्द्रमण्डलमध्यगम् ।ज्वलत्कोटितटित्प्रख्यं तटित्कोटिसमप्रभम् ॥ २॥

padmāsanasthaṃ deveśaṃ candramaṇḍalamadhyagam |jvalatkoṭitaṭitprakhyaṃ taṭitkoṭisamaprabham || 2||

सूर्यकोटिप्रतीकाशं चन्द्रकोटिसुशीतलम् ।चन्द्रमण्डलमध्यस्थं विष्णुमव्ययमच्युतम् ॥ ३॥

sūryakoṭipratīkāśaṃ candrakoṭisuśītalam |candramaṇḍalamadhyasthaṃ viṣṇumavyayamacyutam || 3||

श्रीवत्सकौस्तुभोरस्कं दिव्यरत्नविभूषितम् ।पीताम्बरमुदाराङ्गं वनमालाविभूषितम् ॥ ४॥

śrīvatsakaustubhoraskaṃ divyaratnavibhūṣitam |pītāmbaramudārāṅgaṃ vanamālāvibhūṣitam || 4||

सुन्दरं पुण्डरीकाक्षं किरीटेन विराजितम् ।षोडशस्त्रीवृतं सम्यगप्सरोगणसेवितम् ॥ ५॥

sundaraṃ puṇḍarīkākṣaṃ kirīṭena virājitam |ṣoḍaśastrīvṛtaṃ samyagapsarogaṇasevitam || 5||

ऋग्यजुस्सामाथर्वाद्यैर्गीयमान जनार्दनम् ।चतुर्मुरवादिदेवेशैर्गीयमानं मुदा सदा ॥ ६॥

ṛgyajussāmātharvādyairgīyamāna janārdanam |caturmuravādideveśairgīyamānaṃ mudā sadā || 6||

दधिमिश्रान्नकबलं रुक्मपात्रं च दक्षिणे ।करे तु चिन्तयेद् ध्यायेत्पीयूषममृतं सुधीः ॥ ७॥

dadhimiśrānnakabalaṃ rukmapātraṃ ca dakṣiṇe |kare tu cintayed dhyāyetpīyūṣamamṛtaṃ sudhīḥ || 7||

साधकानां प्रयच्छन्तमन्नपानमनुत्तमम् ।ब्राह्मे मुहूर्त उत्थाय ध्यायेद्द्येयमधोक्षजम् ॥ ८॥

sādhakānāṃ prayacchantamannapānamanuttamam |brāhme muhūrta utthāya dhyāyeddyeyamadhokṣajam || 8||

अत्रपुमलगात्रं रुक्मपात्रस्थमन्नंसकलशदधिरवण्डं पणिना दक्षिणेन ।कलशममृतपूर्णं वामहस्ते दधानंतरति सकलदुःखाद्वा (खं वा) मनं भावयेद्यः ॥ ९॥

atrapumalagātraṃ rukmapātrasthamannaṃsakalaśadadhiravaṇḍaṃ paṇinā dakṣiṇena |kalaśamamṛtapūrṇaṃ vāmahaste dadhānaṃtarati sakaladuḥkhādvā (khaṃ vā) manaṃ bhāvayedyaḥ || 9||

अन्नदाता भवेदन्नं अन्नमन्नाद एव च ।क्षीरमन्नं घृतं चैव आयुरारोग्यमेव च ॥ १०॥

annadātā bhavedannaṃ annamannāda eva ca |kṣīramannaṃ ghṛtaṃ caiva āyurārogyameva ca || 10||

पुरस्तादनमाप्तव्यं पुनरावृत्तिवर्जितम् ।आयुरारोग्यमैश्वर्यं लभते चान्नसम्पदम् ॥ ११॥

purastādanamāptavyaṃ punarāvṛttivarjitam |āyurārogyamaiśvaryaṃ labhate cānnasampadam || 11||

एवं स्तोत्रं पठेद्यस्तु प्रातः काले द्विजोत्तमः ।अक्लेशादन्नसिद्द्यर्थं ज्ञानसिद्द्यर्थमेव च ॥ १२॥

evaṃ stotraṃ paṭhedyastu prātaḥ kāle dvijottamaḥ |akleśādannasiddyarthaṃ jñānasiddyarthameva ca || 12||

इति श्रीवामनपुराणे श्रीदधिवामनस्तोत्रं सम्पूर्णम् ।

iti śrīvāmanapurāṇe śrīdadhivāmanastotraṃ sampūrṇam |