राममत्तेभस्तोत्रम् Ramamattebha Stotram

श्रीकामुको निखिलनाकालयैर्विपुलशोकाकुलैरभिनतोरेखारथाङ्गवरशङ्खाञ्चितः कपटशाखामृगैः सह सुरैः ।यो गामुपेत्य बहुवेगान्वितः कलितयागात् स्वयं दशरथात्श्लाघाशतैर्दिविषदोघार्पितैः सजलमेघाकृतिः समजनि ॥ १॥

śrīkāmuko nikhilanākālayairvipulaśokākulairabhinatorekhārathāṅgavaraśaṅkhāñcitaḥ kapaṭaśākhāmṛgaiḥ saha suraiḥ |yo gāmupetya bahuvegānvitaḥ kalitayāgāt svayaṃ daśarathātślāghāśatairdiviṣadoghārpitaiḥ sajalameghākṛtiḥ samajani || 1||

वाचा मुनेस्तदनु वाचालितज्यधनुराचाम्यजीवनमिषून्तुच्छात्मनां स्वतनुदुच्छायसन्तमससञ्छादितान्तरनिशाम् ।आजानपावनसरोजायमानपदभाजा कणेन रजसःकष्टं स्त्रिया झटिति निष्टङ्कितं विदधदिष्टं च योऽदित मुनेः ॥ २॥

vācā munestadanu vācālitajyadhanurācāmyajīvanamiṣūntucchātmanāṃ svatanuducchāyasantamasasañchāditāntaraniśām |ājānapāvanasarojāyamānapadabhājā kaṇena rajasaḥkaṣṭaṃ striyā jhaṭiti niṣṭaṅkitaṃ vidadhadiṣṭaṃ ca yo'dita muneḥ || 2||

कुण्ठान्यशक्तिशितिकण्ठाशुगासनमरं ठात्कृतं भञ्जयन्व्रीडास्मरस्फुरणनीडायितां च जनक्रेडापतेरात्मजाम् ।रूढानुरागकमुदूढामुपेत्य पथि मूढाशयं प्रतिघयाशोणाक्षमप्यथ भृगूणामधीशमपरीणावलेपमतनोत् ॥ ३॥

kuṇṭhānyaśaktiśitikaṇṭhāśugāsanamaraṃ ṭhātkṛtaṃ bhañjayanvrīḍāsmarasphuraṇanīḍāyitāṃ ca janakreḍāpaterātmajām |rūḍhānurāgakamudūḍhāmupetya pathi mūḍhāśayaṃ pratighayāśoṇākṣamapyatha bhṛgūṇāmadhīśamaparīṇāvalepamatanot || 3||

ताताज्या तदनु सीतान्वितो भुवनपाता समेत्य विपिनंयथार्थ्यवेदिमुनिनाथार्थतो विमतमाधाय पञ्चवटिकाम् ।गोदावरीविगनादानुबन्धबहुमोदावहाधिवसन्क्रोधादरं विपुलयोधाधरं विषममेधाधरं खरमहन् ॥ ४॥

tātājyā tadanu sītānvito bhuvanapātā sametya vipinaṃyathārthyavedimunināthārthato vimatamādhāya pañcavaṭikām |godāvarīviganādānubandhabahumodāvahādhivasankrodhādaraṃ vipulayodhādharaṃ viṣamamedhādharaṃ kharamahan || 4||

नानामुखोक्तिबहुमानागतं झटिति लीनायुषं च हरिणंआपाद्य यातुहृतभूपात्मजाविरहतापातुरो वनभुवि ।शेफालिकामिलितरेफाधिकारख्यरवरेफायिताधिकधृतिःक्षीबाशयं तद्नु चाबघितोष्णकरशाबार्थमिन्द्रतनयम् ॥ ५॥

nānāmukhoktibahumānāgataṃ jhaṭiti līnāyuṣaṃ ca hariṇaṃāpādya yātuhṛtabhūpātmajāvirahatāpāturo vanabhuvi |śephālikāmilitarephādhikārakhyaravarephāyitādhikadhṛtiḥkṣībāśayaṃ tadnu cābaghitoṣṇakaraśābārthamindratanayam || 5||

प्राभातिकार्कफललोभाभियुक्तकपिनाभातदारकुशलः ।भीमाशुगैस्त्रसति सामावलम्बिनि विनामाश्रये जलनिधौआयासलेशमपहायालिकृज्झटिति जायामुषः पुरमगात् ॥ ६॥

prābhātikārkaphalalobhābhiyuktakapinābhātadārakuśalaḥ |bhīmāśugaistrasati sāmāvalambini vināmāśraye jalanidhauāyāsaleśamapahāyālikṛjjhaṭiti jāyāmuṣaḥ puramagāt || 6||

श्रीराशयः सकलवीराग्रणीरहितमाराय सैनिकयुतःकालात्मकः स्वभुजलीलावमुक्तशरजालाहताशरगणः ।दावानलः खलु यथा वा तृणं युधि तथैवातृणोद् दशमुखंनैशाचरीं तदनुजे शास्त्रतो विलसदाशावतीं श्रियमधात् ॥ ७॥

śrīrāśayaḥ sakalavīrāgraṇīrahitamārāya sainikayutaḥkālātmakaḥ svabhujalīlāvamuktaśarajālāhatāśaragaṇaḥ |dāvānalaḥ khalu yathā vā tṛṇaṃ yudhi tathaivātṛṇod daśamukhaṃnaiśācarīṃ tadanuje śāstrato vilasadāśāvatīṃ śriyamadhāt || 7||

योषामुपेत्य गतदोषां ततोऽभजत तोषान्वितो निजपुरेनीहारशीतलविदेहात्मजाङ्ग मिलदीहानुरूपविहृति ।डोलाविहारमथ तालन्विताभिनयमेलाधिको ह्यनुभवन्साक्षात् पुरोऽस्तु धनुदीक्षागुरुर्मम स रक्षामणिस्त्रिजगताम् ॥ ८॥

yoṣāmupetya gatadoṣāṃ tato'bhajata toṣānvito nijapurenīhāraśītalavidehātmajāṅga miladīhānurūpavihṛti |ḍolāvihāramatha tālanvitābhinayamelādhiko hyanubhavansākṣāt puro'stu dhanudīkṣāgururmama sa rakṣāmaṇistrijagatām || 8||

मत्तेभयूथमिदमुत्तेजिताशुगनिकृत्तेन्द्रवैरिशिरसेत्रस्तापतज्जनसमस्तावनप्रणयविस्तारितात्मयशसे ।श्रीजानकीसहितराजाधिराजतनवे जायतां सदुपदापादेऽर्पितं ननु महादेवनामकविना देवतार्चितपदे ॥ ९॥

mattebhayūthamidamuttejitāśuganikṛttendravairiśirasetrastāpatajjanasamastāvanapraṇayavistāritātmayaśase |śrījānakīsahitarājādhirājatanave jāyatāṃ sadupadāpāde'rpitaṃ nanu mahādevanāmakavinā devatārcitapade || 9||

इति महादेवविरचितं श्रीराममत्तेभं सम्पूर्णम् ।स्तोत्रसमुच्चयः २ (७२)नटेशाष्टक।

iti mahādevaviracitaṃ śrīrāmamattebhaṃ sampūrṇam |stotrasamuccayaḥ 2 (72)naṭeśāṣṭaka|