रमापत्यष्टकम् Ramapatyashtakam
ramāpatyaṣṭakam
Ramapatyashtakam (रमापत्यष्टकम्): an eight-verse hymn (aṣṭaka) to Viṣṇu, by Swami Barhmananda. 10 verses in Sanskrit with Devanagari and IAST.
- Stotra
- Aṣṭakam
- Viṣṇu
- Ashtaka
रमापत्यष्टकम्
1 / 10
श्रीगणेशाय नमः ॥जगदादिमनादिमजं पुरुषं शरदम्बरतुल्यतनुं वितनुम् ।धृतकञ्जरथाङ्गगदं विगदं प्रणमामि रमाधिपतिं तमहम् ॥ १॥
śrīgaṇeśāya namaḥ ||jagadādimanādimajaṃ puruṣaṃ śaradambaratulyatanuṃ vitanum |dhṛtakañjarathāṅgagadaṃ vigadaṃ praṇamāmi ramādhipatiṃ tamaham || 1||
कमलाननकञ्जरतं विरतं हृदि योगिजनैः कलितं ललितम् ।कुजनैः सुजनैरलभं सुलभं प्रणमामि रमाधिपतिं तमहम् ॥ २॥
kamalānanakañjarataṃ virataṃ hṛdi yogijanaiḥ kalitaṃ lalitam |kujanaiḥ sujanairalabhaṃ sulabhaṃ praṇamāmi ramādhipatiṃ tamaham || 2||
मुनिवृन्दहृदिस्थपदं सुपदं निखिलाध्वरभागभुजं सुभुजम् ।हृतवासवमुख्यमदं विमदं प्रणमामि रमाधिपतिं तमहम् ॥ ३॥
munivṛndahṛdisthapadaṃ supadaṃ nikhilādhvarabhāgabhujaṃ subhujam |hṛtavāsavamukhyamadaṃ vimadaṃ praṇamāmi ramādhipatiṃ tamaham || 3||
हृतदानवदृप्तबलं सुबलं स्वजनास्तसमस्तमलं विमलम् ।समपास्त गजेन्द्रदरं सुदरं प्रणमामि रमाधिपतिं तमहम् ॥ ४॥
hṛtadānavadṛptabalaṃ subalaṃ svajanāstasamastamalaṃ vimalam |samapāsta gajendradaraṃ sudaraṃ praṇamāmi ramādhipatiṃ tamaham || 4||
परिकल्पितसर्वकलं विकलं सकलागमगीतगुणं विगुणम् ।भवपाशनिराकरणं शरणं प्रणमामि रमाधिपतिं तमहम् ॥ ५॥
parikalpitasarvakalaṃ vikalaṃ sakalāgamagītaguṇaṃ viguṇam |bhavapāśanirākaraṇaṃ śaraṇaṃ praṇamāmi ramādhipatiṃ tamaham || 5||
मृतिजन्मजराशमनं कमनं शरणागतभीतिहरं दहरम् ।परितुष्टरमाहृदयं सुदयं प्रणमामि रमाधिपतिं तमहम् ॥ ६॥
mṛtijanmajarāśamanaṃ kamanaṃ śaraṇāgatabhītiharaṃ daharam |parituṣṭaramāhṛdayaṃ sudayaṃ praṇamāmi ramādhipatiṃ tamaham || 6||
सकलावनिबिम्बधरं स्वधरं परिपूरितसर्वदिशं सुदृशम् ।गतशोकमशोककरं सुकरं प्रणमामि रमाधिपतिं तमहम् ॥ ७॥
sakalāvanibimbadharaṃ svadharaṃ paripūritasarvadiśaṃ sudṛśam |gataśokamaśokakaraṃ sukaraṃ praṇamāmi ramādhipatiṃ tamaham || 7||
मथितार्णवराजरसं सरसं ग्रथिताखिललोकहृदं सुहृदम् ।प्रथिताद्भुतशक्तिगणं सुगणं प्रणमामि रमाधिपतिं तमहम् ॥ ८॥
mathitārṇavarājarasaṃ sarasaṃ grathitākhilalokahṛdaṃ suhṛdam |prathitādbhutaśaktigaṇaṃ sugaṇaṃ praṇamāmi ramādhipatiṃ tamaham || 8||
सुखराशिकरं भवबन्धहरं परमाष्टकमेतदनन्यमतिः ।पठतीह तु योऽनिशमेव नरो लभते खलु विष्णुपदं स परम् ॥ ९॥
sukharāśikaraṃ bhavabandhaharaṃ paramāṣṭakametadananyamatiḥ |paṭhatīha tu yo'niśameva naro labhate khalu viṣṇupadaṃ sa param || 9||
इति श्रीपरमहंसस्वामिब्रह्मानन्दविरचितं श्रीरमापत्यष्टकं सम्पूर्णम् ॥
iti śrīparamahaṃsasvāmibrahmānandaviracitaṃ śrīramāpatyaṣṭakaṃ sampūrṇam ||
॥ इति रमापत्यष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ramapatyashtakam?
Ramapatyashtakam has 10 verses on this page, each shown with its number, Devanagari text and transliteration, and meaning where available.
Can I read Ramapatyashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ramapatyashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Ramapatyashtakam?
Swami Barhmananda.
