परत्वादिपञ्चकम् Paratvadipanchakam

श्रीवात्स्यवरदगुरुभिरनुगृहीतंश्रीरस्तु ।श्रीमते हयग्रीवाय नमः ।श्रीमते रामानुजाय नमः ॥वन्देऽहं वरदार्यं तं वत्साभिजनभूषणम् ।भाष्यामृतप्रदानाद्यः सञ्जीवयति मामपि ॥उद्यद्भानुसहस्रभास्वरपरव्योमास्पदं निर्मलज्ञानानन्दघनस्वरूपममलज्ञानादिभिष्षड्गुणैः ।जुष्टं सूरिजनाधिपं धृतरथाङ्गाब्जं सुभूषोज्ज्वलंश्रीभूसेव्यमनन्तभोगिनिलयं श्रीवासुदेवं भजे ॥ १॥

śrīvātsyavaradagurubhiranugṛhītaṃśrīrastu |śrīmate hayagrīvāya namaḥ |śrīmate rāmānujāya namaḥ ||vande'haṃ varadāryaṃ taṃ vatsābhijanabhūṣaṇam |bhāṣyāmṛtapradānādyaḥ sañjīvayati māmapi ||udyadbhānusahasrabhāsvaraparavyomāspadaṃ nirmalajñānānandaghanasvarūpamamalajñānādibhiṣṣaḍguṇaiḥ |juṣṭaṃ sūrijanādhipaṃ dhṛtarathāṅgābjaṃ subhūṣojjvalaṃśrībhūsevyamanantabhoginilayaṃ śrīvāsudevaṃ bhaje || 1||

आमोदे भुवने प्रमोद उत सम्मोदे च सङ्कर्षणंप्रद्युम्नं च तथाऽनिरुद्धमपि तान् सृष्टिस्थिती चाप्ययम् ।कुर्वाणान् मतिमुख्यषड्गुणवरैर्युक्तांस्त्रियुग्मात्मकैःव्यूहाधिष्ठितवासुदेवमपि तं क्षीराब्धिनाथं भजे ॥ २॥

āmode bhuvane pramoda uta sammode ca saṅkarṣaṇaṃpradyumnaṃ ca tathā'niruddhamapi tān sṛṣṭisthitī cāpyayam |kurvāṇān matimukhyaṣaḍguṇavarairyuktāṃstriyugmātmakaiḥvyūhādhiṣṭhitavāsudevamapi taṃ kṣīrābdhināthaṃ bhaje || 2||

वेदान्वेषणमन्दराद्रिभरण क्ष्मोद्धारणस्वाश्रितप्रह्लादावनभूमिभिक्षणजगद्विक्रान्तयो यत्क्रियाः ।दुष्टक्षत्रनिबर्हणं दशमुखाद्युन्मूलनं कर्षणंकालिन्द्या अतिपापकंसनिधनं यत्क्रीडितं तं नुमः ॥ ३॥

vedānveṣaṇamandarādribharaṇa kṣmoddhāraṇasvāśritaprahlādāvanabhūmibhikṣaṇajagadvikrāntayo yatkriyāḥ |duṣṭakṣatranibarhaṇaṃ daśamukhādyunmūlanaṃ karṣaṇaṃkālindyā atipāpakaṃsanidhanaṃ yatkrīḍitaṃ taṃ numaḥ || 3||

यो देवादिचतुर्विधेष्टजनिषु ब्रह्माण्डकोशान्तरेसम्भक्तेषु चराचरेषु निवसन्नास्ते सदान्तर्बहिः ।विष्णुं तं निखिलेष्वणुष्वणुतरं भूयस्सु भूयस्तरंस्वाङ्गुष्ठप्रमितं च योगिहृदयेष्वासीनमीशं भजे ॥ ४॥

yo devādicaturvidheṣṭajaniṣu brahmāṇḍakośāntaresambhakteṣu carācareṣu nivasannāste sadāntarbahiḥ |viṣṇuṃ taṃ nikhileṣvaṇuṣvaṇutaraṃ bhūyassu bhūyastaraṃsvāṅguṣṭhapramitaṃ ca yogihṛdayeṣvāsīnamīśaṃ bhaje || 4||

श्रीरङ्गस्थलवेङ्कटाद्रिकरिगिर्यादौ शतेऽष्टोत्तरेस्थाने ग्रामनिकेतनेषु च सदा सान्निध्यमासेदुषे ।अर्चारूपिणमर्चकाभिमतितः स्वीकुर्वते विग्रहंपूजां चाखिलवाञ्छितान् वितरते श्रीशाय तस्मै नमः ॥ ५॥

śrīraṅgasthalaveṅkaṭādrikarigiryādau śate'ṣṭottaresthāne grāmaniketaneṣu ca sadā sānnidhyamāseduṣe |arcārūpiṇamarcakābhimatitaḥ svīkurvate vigrahaṃpūjāṃ cākhilavāñchitān vitarate śrīśāya tasmai namaḥ || 5||

प्रातर्विष्णोः परत्वादिपञ्चकस्तुतिमुत्तमाम् ।पठन् प्राप्नोति भगवद्भक्तिं वरदनिर्मिताम् ॥ ६॥

prātarviṣṇoḥ paratvādipañcakastutimuttamām |paṭhan prāpnoti bhagavadbhaktiṃ varadanirmitām || 6||

इति परत्वादिपञ्चकं समाप्तम् ।

iti paratvādipañcakaṃ samāptam |