भगवन्मानसपूजा Bhagavan Manasapuja

श्री गणेशाय नमः ॥हृदम्भोजे कृष्णः सजलजलदश्यामलतनुःसरोजाक्षः स्रग्वी मुकुटकटकाद्याभरणवान् ।शरद्राकानाथप्रतिमवदनः श्रीमुरलिकांवहन् ध्येयो गोपीगणपरिवृतः कुङ्कुमचितः ॥ १॥

śrī gaṇeśāya namaḥ ||hṛdambhoje kṛṣṇaḥ sajalajaladaśyāmalatanuḥsarojākṣaḥ sragvī mukuṭakaṭakādyābharaṇavān |śaradrākānāthapratimavadanaḥ śrīmuralikāṃvahan dhyeyo gopīgaṇaparivṛtaḥ kuṅkumacitaḥ || 1||

पयोऽम्भोधेर्द्वीपान्ममहृदयमायाहि भगवन्मणिव्रातभ्राजत्कनकवरपीठं भज हरे ।सुचिह्नौ ते पादौ यदुकुलजनेनेज्मि सुजलैःगृहाणेदं दूर्वाफलजलवदर्घ्यं मुररिपो ॥ २॥

payo'mbhodherdvīpānmamahṛdayamāyāhi bhagavanmaṇivrātabhrājatkanakavarapīṭhaṃ bhaja hare |sucihnau te pādau yadukulajanenejmi sujalaiḥgṛhāṇedaṃ dūrvāphalajalavadarghyaṃ muraripo || 2||

त्वमाचामोपेन्द्र त्रिदशसरिदम्भोऽतिशिशिरंभजस्वेमं पञ्चामृतरचितमाप्लावमघहन् ।द्युनद्याः कालिन्द्या अपि कनककुम्भस्थितमिदंजलं तेन स्नानं कुरु कुरु कुरुष्वाचमनकम् ॥ ३॥

tvamācāmopendra tridaśasaridambho'tiśiśiraṃbhajasvemaṃ pañcāmṛtaracitamāplāvamaghahan |dyunadyāḥ kālindyā api kanakakumbhasthitamidaṃjalaṃ tena snānaṃ kuru kuru kuruṣvācamanakam || 3||

तडिद्वर्णे वस्त्रे भज विजयकान्ताधिहरणप्रलम्बारिभ्रातर्मृदुलमुपवीतं कुरु गले ।ललाटे पाटीरं मृगमदयुतं धारय हरेगृहाणेदं माल्यं शतदलतुलस्यादिरचितम् ॥ ४॥

taḍidvarṇe vastre bhaja vijayakāntādhiharaṇapralambāribhrātarmṛdulamupavītaṃ kuru gale |lalāṭe pāṭīraṃ mṛgamadayutaṃ dhāraya haregṛhāṇedaṃ mālyaṃ śatadalatulasyādiracitam || 4||

दशाङ्गं धूपं सद्वरदचरणाग्रेऽर्पितमयेमुखं दीपेनेन्दुप्रभवरजसा देव कलये ।इमौ पाणी वाणीपतिनुत सकर्पूररजसाविशोध्याग्रे दत्तं सलिलमिदमाचाम नृहरे ॥ ५॥

daśāṅgaṃ dhūpaṃ sadvaradacaraṇāgre'rpitamayemukhaṃ dīpenenduprabhavarajasā deva kalaye |imau pāṇī vāṇīpatinuta sakarpūrarajasāviśodhyāgre dattaṃ salilamidamācāma nṛhare || 5||

सदा तृप्तान्नं षड्रसवदखिलव्यञ्जनयुतंसुवर्णामत्रे गोघृतचषकयुक्ते स्थितमिदम् ।यशोदासूनो तत्परमदययाऽशान सखिभिःप्रसादं वांछद्भिः सह तदनु नीरं पिब विभो ॥ ६॥

sadā tṛptānnaṃ ṣaḍrasavadakhilavyañjanayutaṃsuvarṇāmatre goghṛtacaṣakayukte sthitamidam |yaśodāsūno tatparamadayayā'śāna sakhibhiḥprasādaṃ vāṃchadbhiḥ saha tadanu nīraṃ piba vibho || 6||

सचन्द्रं ताम्बूलं मुखरुचिकरं भक्षय हरेफलं स्वादु प्रीत्या परिमलवदास्वादय चिरम् ।सपर्यापर्याप्त्यै कनकमणिजातं स्थितमिदंप्रदीपैरारात्रिं जलधितनयाऽऽश्लिष्ट रचये ॥ ७॥

sacandraṃ tāmbūlaṃ mukharucikaraṃ bhakṣaya harephalaṃ svādu prītyā parimalavadāsvādaya ciram |saparyāparyāptyai kanakamaṇijātaṃ sthitamidaṃpradīpairārātriṃ jaladhitanayā''śliṣṭa racaye || 7||

विजातीयैः पुष्पैरभिसुरभिभिर्बिल्वतुलसीयुतैश्चेमं पुष्पाञ्जलिमजित ते मूर्ध्नि निदधे ।तव प्रादक्षिण्यक्रमणमघविध्वंसिरचितंचतुर्वारं विष्णो जनिपथगतिश्रान्तविदुषा ॥ ८॥

vijātīyaiḥ puṣpairabhisurabhibhirbilvatulasīyutaiścemaṃ puṣpāñjalimajita te mūrdhni nidadhe |tava prādakṣiṇyakramaṇamaghavidhvaṃsiracitaṃcaturvāraṃ viṣṇo janipathagatiśrāntaviduṣā || 8||

नमस्कारोऽष्टाङ्गः सकलदुरितध्वंसनपटुःकृतं नृत्यं गीतं स्तुतिरपि रमाकान्त त इमम् ।तव प्रीत्यै भूयादहमपि च दासस्तव च दासस्तव विभोकृतं छिद्रं पूर्णं कुरु कुरु नमस्तेऽस्तु भगवन् ॥ ९॥

namaskāro'ṣṭāṅgaḥ sakaladuritadhvaṃsanapaṭuḥkṛtaṃ nṛtyaṃ gītaṃ stutirapi ramākānta ta imam |tava prītyai bhūyādahamapi ca dāsastava ca dāsastava vibhokṛtaṃ chidraṃ pūrṇaṃ kuru kuru namaste'stu bhagavan || 9||

सदा सेव्यः कृष्णः सजलघननीलः करतलेदधानो दध्यन्नं तदनु नवनीतं मुरलिकाम् ।कदाचित्कान्तानां कुचकलशपत्रालिरचनासमासक्तं स्निग्धैः सह शिशुविहारं विरचयन् ॥ १०॥

sadā sevyaḥ kṛṣṇaḥ sajalaghananīlaḥ karataledadhāno dadhyannaṃ tadanu navanītaṃ muralikām |kadācitkāntānāṃ kucakalaśapatrāliracanāsamāsaktaṃ snigdhaiḥ saha śiśuvihāraṃ viracayan || 10||

मणिकर्णीच्छया जातमिदं मानसपूजनम् ।यः कुर्वीतोषसि प्राज्ञस्तस्य कृष्णः प्रसीदति ॥ ११॥

maṇikarṇīcchayā jātamidaṃ mānasapūjanam |yaḥ kurvītoṣasi prājñastasya kṛṣṇaḥ prasīdati || 11||

इति श्रीशङ्कराचार्यविरचितं भगवन्मानसपूजनम् ॥

iti śrīśaṅkarācāryaviracitaṃ bhagavanmānasapūjanam ||