मुरुकाष्टकम् Murukashtakam

ॐ श्री गणेशाय नमःमुरुकष्षण्मुखस्स्कन्दः सुब्रह्मण्यश्शिवात्मजः ।वल्लीसेनापतिः पातु विघ्नराजानुजस्सदा ॥ १॥

oṃ śrī gaṇeśāya namaḥmurukaṣṣaṇmukhasskandaḥ subrahmaṇyaśśivātmajaḥ |vallīsenāpatiḥ pātu vighnarājānujassadā || 1||

मुरुक श्रीमतान्नाथ भोगमोक्षप्रद प्रभो ।देवदेव महासेन पाहि पाहि सदा विभो ॥ २॥

muruka śrīmatānnātha bhogamokṣaprada prabho |devadeva mahāsena pāhi pāhi sadā vibho || 2||

मुरुकं मुक्तिदं देवं मुनीनां मोदकं प्रभुम् ।मोचकं सर्वदुःखानां मोहनाशं सदा नुमः ॥ ३॥

murukaṃ muktidaṃ devaṃ munīnāṃ modakaṃ prabhum |mocakaṃ sarvaduḥkhānāṃ mohanāśaṃ sadā numaḥ || 3||

मुरुकेण मुकुन्देन मुनीनां हार्दवासिना ।वल्लीशेन महेशेन पालितास्सर्वदा वयम् ॥ ४॥

murukeṇa mukundena munīnāṃ hārdavāsinā |vallīśena maheśena pālitāssarvadā vayam || 4||

मुरुकाय नमः प्रातः मुरुकाय नमो निशि ।मुरुकाय नमः सायं मुरुकाय नमो नमः ॥ ५॥

murukāya namaḥ prātaḥ murukāya namo niśi |murukāya namaḥ sāyaṃ murukāya namo namaḥ || 5||

मुरुकात्परमात्सत्याद्गाङ्गेयाच्छिखिवाहनात् ।गुहात्परं न जानेऽहं तत्त्वं किमपि सर्वदा ॥ ६॥

murukātparamātsatyādgāṅgeyācchikhivāhanāt |guhātparaṃ na jāne'haṃ tattvaṃ kimapi sarvadā || 6||

मुरुकस्य महेशस्य वल्लीसेनापतेः प्रभोः ।चिदम्बरविलासस्य चरणौ सर्वदा भजे ॥ ७॥

murukasya maheśasya vallīsenāpateḥ prabhoḥ |cidambaravilāsasya caraṇau sarvadā bhaje || 7||

मुरुके देवसेनेशे शिखिवाहे द्विषड्भुजे ।कृत्तिकातनये शम्भौ सर्वदा रमतां मनः ॥ ८॥

muruke devaseneśe śikhivāhe dviṣaḍbhuje |kṛttikātanaye śambhau sarvadā ramatāṃ manaḥ || 8||

इति मुरुकाष्टकं सम्पूर्णम् ॥

iti murukāṣṭakaṃ sampūrṇam ||