विश्वेश्वरनीराजनम् Vishveshvaranirajanam

श्रीगणेशाय नमः ।सत्यं ज्ञानं शुद्धं पूर्णं हृदि भातंवन्दे शम्भुं शान्तं मायागुणरहितम् ।साक्षिरूपं तत्त्वं विद्वद्भिर्गभ्यंवेदैर्ज्ञेयं नित्यं गुरुभक्तैर्वेद्यम् ।ॐ हर हर हर महादेव ॥ १॥

śrīgaṇeśāya namaḥ |satyaṃ jñānaṃ śuddhaṃ pūrṇaṃ hṛdi bhātaṃvande śambhuṃ śāntaṃ māyāguṇarahitam |sākṣirūpaṃ tattvaṃ vidvadbhirgabhyaṃvedairjñeyaṃ nityaṃ gurubhaktairvedyam |oṃ hara hara hara mahādeva || 1||

देवान् भीतान् दृष्ट्वा यः कृपयाविष्टोविषपानमपि कृत्वाऽसितकठो जातः ।त्रिपुरं बिभिदे युद्धे दुर्भेद्यं सर्वैस्तंवन्दे सर्वेशं देवैर्हृदि ध्यातम् ।ॐ हर हर हर महादेव ॥ २॥

devān bhītān dṛṣṭvā yaḥ kṛpayāviṣṭoviṣapānamapi kṛtvā'sitakaṭho jātaḥ |tripuraṃ bibhide yuddhe durbhedyaṃ sarvaistaṃvande sarveśaṃ devairhṛdi dhyātam |oṃ hara hara hara mahādeva || 2||

विघ्नविनाशनकर्ता भवतां यस्तातःपूज्यो निखिलैर्देवैर्दुरितं हरतु नः ।स्कन्दः पुत्रो बलवान् तारकासुरहन्तास्वमात्रे वरदाता ब्रह्मचर्यं धर्ता ।ॐ हर हर हर महादेव ॥ ३॥

vighnavināśanakartā bhavatāṃ yastātaḥpūjyo nikhilairdevairduritaṃ haratu naḥ |skandaḥ putro balavān tārakāsurahantāsvamātre varadātā brahmacaryaṃ dhartā |oṃ hara hara hara mahādeva || 3||

दशमुखबाणप्रभृतयो भक्तास्ते जाताःनाहं वक्तुं शक्तः परिगणनं कृत्वा ।ये देवानामैश्वर्यं स्वाधीनं चक्रुःतेषां चित्रं वीर्यं तव कृपया जातम् ।ॐ हर हर हर महादेव ॥ ४॥

daśamukhabāṇaprabhṛtayo bhaktāste jātāḥnāhaṃ vaktuṃ śaktaḥ parigaṇanaṃ kṛtvā |ye devānāmaiśvaryaṃ svādhīnaṃ cakruḥteṣāṃ citraṃ vīryaṃ tava kṛpayā jātam |oṃ hara hara hara mahādeva || 4||

पूजां कर्तुं विष्णुर्नेत्रं त्वयि समर्प्यराज्यं कुरुते जगतां त्रयाणां तव दृष्ट्या ।यतीनां हृदये स्थित्वा कामं नाशयितागङ्गाधर शिव शङ्कर गिरिजाधीशस्त्वम् ।ॐ हर हर हर महादेव ॥ ५॥

pūjāṃ kartuṃ viṣṇurnetraṃ tvayi samarpyarājyaṃ kurute jagatāṃ trayāṇāṃ tava dṛṣṭyā |yatīnāṃ hṛdaye sthitvā kāmaṃ nāśayitāgaṅgādhara śiva śaṅkara girijādhīśastvam |oṃ hara hara hara mahādeva || 5||

संहर्तृ शिवरूपमुग्रं तव ध्यात्वाभीता देवाः सर्वे भक्तिं त्वयि चक्रुः ।दुःखं दृष्ट्वा जगति शरणं त्वां यामोदेवानामपि देवं महादेवं प्रणुमः ।ॐ हर हर हर महादेव ॥ ६॥

saṃhartṛ śivarūpamugraṃ tava dhyātvābhītā devāḥ sarve bhaktiṃ tvayi cakruḥ |duḥkhaṃ dṛṣṭvā jagati śaraṇaṃ tvāṃ yāmodevānāmapi devaṃ mahādevaṃ praṇumaḥ |oṃ hara hara hara mahādeva || 6||

त्यक्त्वा धर्मं ब्रह्मा दुहितर्यासक्तःदण्डं प्राप्तस्त्वत्तः पन्थानं नीतः ।विद्योपदेष्टुस्त्वत्तः सनकाद्या भक्ताःउपदेशं शृण्वन्ति वैराग्ये सक्ताः ।ॐ हर हर हर महादेव ॥ ७॥

tyaktvā dharmaṃ brahmā duhitaryāsaktaḥdaṇḍaṃ prāptastvattaḥ panthānaṃ nītaḥ |vidyopadeṣṭustvattaḥ sanakādyā bhaktāḥupadeśaṃ śṛṇvanti vairāgye saktāḥ |oṃ hara hara hara mahādeva || 7||

प्राणान्ते वै काश्यां मुक्तिं सर्वेभ्योवेदपुराणैः कथितां ददते नित्यं यः ।सर्वज्ञं तमनादिं स्तौति यो भक्त्याअर्थं कामं धर्मं मोक्षं लभते सः ।ॐ हर हर हर महादेव ॥ ८॥

prāṇānte vai kāśyāṃ muktiṃ sarvebhyovedapurāṇaiḥ kathitāṃ dadate nityaṃ yaḥ |sarvajñaṃ tamanādiṃ stauti yo bhaktyāarthaṃ kāmaṃ dharmaṃ mokṣaṃ labhate saḥ |oṃ hara hara hara mahādeva || 8||

इत्यच्युतानन्दगिरिविरचितं विश्वेश्वरनीराजनं सम्पूर्णम् ॥

ityacyutānandagiriviracitaṃ viśveśvaranīrājanaṃ sampūrṇam ||