शिवस्तोत्रम् (विश्वामित्रकृतं स्कन्दपुराणान्तर्गतम् जय देव जयाचिन्त्य जय पार्वतिवल्लभ) Vishvamitrakritam Shiva Stotram

विश्वामित्र उवाच ।जय देव जयाचिन्त्य जय पार्वतिवल्लभ ।जय कृष्ण जगन्नाथ जय कृष्ण जगद्गुरो ॥ १॥

viśvāmitra uvāca |jaya deva jayācintya jaya pārvativallabha |jaya kṛṣṇa jagannātha jaya kṛṣṇa jagadguro || 1||

जयाचिन्त्य जयामेय जयानन्त जयाच्युत ।जयामर जयाजेय जयाव्यय सुरेश्वर ॥ २॥

jayācintya jayāmeya jayānanta jayācyuta |jayāmara jayājeya jayāvyaya sureśvara || 2||

जय सर्वग सर्वेश जय सर्वसुराश्रय ।जय सर्वजनध्येय जय सर्वाघनाशन ॥ ३॥

jaya sarvaga sarveśa jaya sarvasurāśraya |jaya sarvajanadhyeya jaya sarvāghanāśana || 3||

त्वं धाता च विधाता च त्वं कर्ता त्वं च रक्षकः ।चतुर्विधस्य देवेश भूतग्रामस्य शङ्कर ॥ ४॥

tvaṃ dhātā ca vidhātā ca tvaṃ kartā tvaṃ ca rakṣakaḥ |caturvidhasya deveśa bhūtagrāmasya śaṅkara || 4||

यथा तिलस्थितं तैलं यथा दधिगतं घृतम् ।तथैवाधिष्ठितं कृत्स्नं त्वया गुप्तेन वै जगत् ॥ ५॥

yathā tilasthitaṃ tailaṃ yathā dadhigataṃ ghṛtam |tathaivādhiṣṭhitaṃ kṛtsnaṃ tvayā guptena vai jagat || 5||

त्वं ब्रह्मा त्वं हृषीकेशस्त्वं शक्रस्त्वं हुताशनः ।त्वं यज्ञस्त्वं वषट्कारस्त्वमिन्दुस्त्वं दिवाकरः ॥ ६॥

tvaṃ brahmā tvaṃ hṛṣīkeśastvaṃ śakrastvaṃ hutāśanaḥ |tvaṃ yajñastvaṃ vaṣaṭkārastvamindustvaṃ divākaraḥ || 6||

अथवा बहुनोक्तेन किं स्तवेन तव प्रभो ।समासादेव वक्ष्यामि विभूतिं श्रुतिनोदिताम् ॥ ७॥

athavā bahunoktena kiṃ stavena tava prabho |samāsādeva vakṣyāmi vibhūtiṃ śrutinoditām || 7||

यत्किञ्चित्त्रिषु लोकेषु स्थावरं जङ्गमं विभो ।तत्सर्वं भवता व्याप्तं काष्ठं हव्यभुजा यथा ॥ ८॥

yatkiñcittriṣu lokeṣu sthāvaraṃ jaṅgamaṃ vibho |tatsarvaṃ bhavatā vyāptaṃ kāṣṭhaṃ havyabhujā yathā || 8||

इति श्रीस्कन्दपुराणे नागरखण्डे षष्ठाध्यायान्तर्गतंविश्वामित्रकृतं शिवस्तोत्रं समाप्तम् ।स्कन्दपुराण । नागरखण्ड । अध्याय ६/७१४॥स्कन्दपुराण । नागरखण्ड । अध्याय ६/७-१४॥

iti śrīskandapurāṇe nāgarakhaṇḍe ṣaṣṭhādhyāyāntargataṃviśvāmitrakṛtaṃ śivastotraṃ samāptam |skandapurāṇa | nāgarakhaṇḍa | adhyāya 6/714||skandapurāṇa | nāgarakhaṇḍa | adhyāya 6/7-14||