सोमनाथशिवस्तुतिः नन्दिकेशप्रोक्ता Somanatha Shiva Stuti by Nandikesha

(शिवगौरीसंवादे)नन्दिःकुण्डलीशकृतकुण्डल शम्भो खण्डिताखिलसुरद्रुमषण्ड ।ब्रह्ममुण्डकलितामलमाल स्थूललिङ्गगणमण्डलसंस्थ ॥ १॥

(śivagaurīsaṃvāde)nandiḥkuṇḍalīśakṛtakuṇḍala śambho khaṇḍitākhilasuradrumaṣaṇḍa |brahmamuṇḍakalitāmalamāla sthūlaliṅgagaṇamaṇḍalasaṃstha || 1||

नवचन्द्राभरणोत्तमाङ्ग गङ्गाकलितालकभूधरोरुमाल ।धृतहालाहलकण्ठमूल बाहुस्फुरदुत्तप्तशिलाविधूतशूल ॥ २॥

navacandrābharaṇottamāṅga gaṅgākalitālakabhūdharorumāla |dhṛtahālāhalakaṇṭhamūla bāhusphuraduttaptaśilāvidhūtaśūla || 2||

अलिङ्गलिङ्गं शशिलिङ्गसंस्थापक शलिङ्गं जगदेकलिङ्गम् ।हृत्कोशजाकाशविकासिलिङ्गं सुखैकलिङ्गं प्रणमामि लिङ्गम् ॥ ३॥

aliṅgaliṅgaṃ śaśiliṅgasaṃsthāpaka śaliṅgaṃ jagadekaliṅgam |hṛtkośajākāśavikāsiliṅgaṃ sukhaikaliṅgaṃ praṇamāmi liṅgam || 3||

फलम्इत्थं संस्तुत्य नन्दीशः कैलासं गणपैर्ययौ ।गणेन्द्रास्तुष्टुवः शम्भुं सोमनाथं मुदा तदा ॥ ४॥

phalamitthaṃ saṃstutya nandīśaḥ kailāsaṃ gaṇapairyayau |gaṇendrāstuṣṭuvaḥ śambhuṃ somanāthaṃ mudā tadā || 4||

वयं सोमवारव्रते तेऽद्य निष्ठा वसिष्ठाद्विशिष्टास्ततस्त्वत्पदाब्जे । (यतः)महाभस्म रुद्राक्षमालां तनूषु त्वदीयाङ्गचिह्नैर्निवेश्योरुपापैः ॥ ५॥

vayaṃ somavāravrate te'dya niṣṭhā vasiṣṭhādviśiṣṭāstatastvatpadābje | (yataḥ)mahābhasma rudrākṣamālāṃ tanūṣu tvadīyāṅgacihnairniveśyorupāpaiḥ || 5||

विमुक्ताश्चरामो विभीमोऽद्य शम्भो ॥ ६॥

vimuktāścarāmo vibhīmo'dya śambho || 6||

॥ इति शिवरहस्यान्तर्गते शिवगौरीसंवादे नन्दिकेशप्रोक्ता सोमनाथशिवस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः १६। ५९६४॥

|| iti śivarahasyāntargate śivagaurīsaṃvāde nandikeśaproktā somanāthaśivastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 16| 5964||

– ॥ श्रीशिवरहस्यम् ।भर्गाख्यः पन्चमांशः ।अध्यायः १६। ५९-६४॥

– || śrīśivarahasyam |bhargākhyaḥ pancamāṃśaḥ |adhyāyaḥ 16| 59-64||