शिवशरणागत्युपदेशम् Skandaproktam Shivasharanagatyupadesham

(शिवरहस्यान्तर्गते सदाशिवाख्ये)स्कन्दः (उवाच) ।भक्ताः सर्वे शिवं ध्यात्वा कलावेवं भवन्ति हि ।शिवभक्तान् समुद्वीक्ष्य शिवभावानुचिन्तकान् ॥ ३२॥

(śivarahasyāntargate sadāśivākhye)skandaḥ (uvāca) |bhaktāḥ sarve śivaṃ dhyātvā kalāvevaṃ bhavanti hi |śivabhaktān samudvīkṣya śivabhāvānucintakān || 32||

नीचा अपि शिवे भक्ता भवन्त्येवं हि शैलजे ।कर्मणा मनसा वाचा सर्वभावेन शङ्करम् ॥ ३३॥

nīcā api śive bhaktā bhavantyevaṃ hi śailaje |karmaṇā manasā vācā sarvabhāvena śaṅkaram || 33||

ये प्रपन्ना महादेवं ते भवन्ति गणेश्वराः ।चरणं करुणाम्भोधेर्मम ये शरणं गताः ॥ ३४॥

ye prapannā mahādevaṃ te bhavanti gaṇeśvarāḥ |caraṇaṃ karuṇāmbhodhermama ye śaraṇaṃ gatāḥ || 34||

नैवाप्तजननास्तेऽमी परिच्छेद्याः कथं परैः ।लोकानालोकयन्तोऽपि निलयाय लयं मम ॥ ३५॥

naivāptajananāste'mī paricchedyāḥ kathaṃ paraiḥ |lokānālokayanto'pi nilayāya layaṃ mama || 35||

निःसीम महिमानस्ते वर्णनीयाः कथं परैः ।स्मरन्ति च स्मरारातेः सदा पदसरोरुहम् ॥ ३६॥

niḥsīma mahimānaste varṇanīyāḥ kathaṃ paraiḥ |smaranti ca smarārāteḥ sadā padasaroruham || 36||

मत्स्तुतौ गद्गदतरहर्षबाष्पपरिप्लुताः ।नेत्राम्बुनिर्झरासेक पुलकाङ्कुरभूषणाः ॥ ३७॥

matstutau gadgadataraharṣabāṣpapariplutāḥ |netrāmbunirjharāseka pulakāṅkurabhūṣaṇāḥ || 37||

नादान्तरूपे हृदयाम्बुजस्थेशिवे परञ्ज्योतिषि चिन्त्यरूपे ।विन्यस्य चित्तं विरतान्यकामाकामारिधामैकगता भवन्ति ॥ ३८॥

nādāntarūpe hṛdayāmbujastheśive parañjyotiṣi cintyarūpe |vinyasya cittaṃ viratānyakāmākāmāridhāmaikagatā bhavanti || 38||

विन्यस्यतां चित्तमुमासहायेये भक्तमाहात्म्यमिदं महार्थम् ।दधन्ति चित्ते सततं नरो यःपरात्परं शैवपदं प्रपद्यते ॥ ३९॥

vinyasyatāṃ cittamumāsahāyeye bhaktamāhātmyamidaṃ mahārtham |dadhanti citte satataṃ naro yaḥparātparaṃ śaivapadaṃ prapadyate || 39||

त्रिषष्टिभक्ताः शिपिविष्टनिष्ठाःकनिष्ठवर्णा अपि ते विशिष्टाः ।इष्टः शिवस्याब्जपदैकभक्तिनिष्ठा हि कष्टानपि नाशयन्ति ॥ ४०॥

triṣaṣṭibhaktāḥ śipiviṣṭaniṣṭhāḥkaniṣṭhavarṇā api te viśiṣṭāḥ |iṣṭaḥ śivasyābjapadaikabhaktiniṣṭhā hi kaṣṭānapi nāśayanti || 40||

संसाराब्धौ विषमविषयागाधबाधैकगर्तेजन्मावृत्त्यैव मर्त्या मरणभयमहावात्यया शुष्कपर्णाः ।व्यावृत्तेव प्रभवति शिवे मानवा भारतेऽस्मिन्कामक्रोधाभिलोभोन्मदमृदितमहानक्रवक्त्रान्तराले ॥ ४४॥

saṃsārābdhau viṣamaviṣayāgādhabādhaikagartejanmāvṛttyaiva martyā maraṇabhayamahāvātyayā śuṣkaparṇāḥ |vyāvṛtteva prabhavati śive mānavā bhārate'sminkāmakrodhābhilobhonmadamṛditamahānakravaktrāntarāle || 44||

नवग्रहावग्रहविग्रहार्तिजन्यं भयं नैव शिवेऽद्रिकन्ये ।मामुग्रमीशं शरणं प्रपन्नानैवेन्द्रियग्रामपरा भवन्ति ॥ ४५॥

navagrahāvagrahavigrahārtijanyaṃ bhayaṃ naiva śive'drikanye |māmugramīśaṃ śaraṇaṃ prapannānaivendriyagrāmaparā bhavanti || 45||

॥ इति शिवरहस्यान्तर्गते स्कन्दप्रोक्तं शिवशरणागत्युपदेशं सम्पूर्णम् ॥॥ श्रीशिवरहस्यम् । सदाशिवाख्यः नवमांशः । अध्यायः ६५ । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । अध्यायः ६५ । वावृत्तश्लोकाः ॥

|| iti śivarahasyāntargate skandaproktaṃ śivaśaraṇāgatyupadeśaṃ sampūrṇam |||| śrīśivarahasyam | sadāśivākhyaḥ navamāṃśaḥ | adhyāyaḥ 65 | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | adhyāyaḥ 65 | vāvṛttaślokāḥ ||