मन्मथदाहकथनम् Skandaproktam Manmathadahakathanam

(शिवरहस्यान्तर्गते ईशाख्ये)स्कन्द उवाच ।सतीकान्तचित्तं प्रलोब्धुं वसन्तोमुदा तत्र चक्रे वनं तत्सुकान्तम् ।गिरौ मन्दरे मन्दिराभे शिवस्यकुन्दारविन्दादिसुभैः प्रकामम् ॥ ३५॥

(śivarahasyāntargate īśākhye)skanda uvāca |satīkāntacittaṃ pralobdhuṃ vasantomudā tatra cakre vanaṃ tatsukāntam |girau mandare mandirābhe śivasyakundāravindādisubhaiḥ prakāmam || 35||

प्रभाकरकरस्फुरत्कमलकोशलीनालयःपरागरसरञ्जिताः परिपतन्ति पुष्पद्रुमान् ।पलाशकुसुमावलीमिव शुकास्यभागे तदाशुका अपि मुखागतान् विगलयन्ति जम्बूमिव ॥ ३६॥

prabhākarakarasphuratkamalakośalīnālayaḥparāgarasarañjitāḥ paripatanti puṣpadrumān |palāśakusumāvalīmiva śukāsyabhāge tadāśukā api mukhāgatān vigalayanti jambūmiva || 36||

पुरण्टकुटजावली विधृतपुष्पसत्कोरकैःशमीकुसुमपाटलीपटलगन्धबन्धानिलैः ।सुबिल्वकुसुमोत्करप्रभवगन्धसन्मेदुरोविभाति किल मन्दरः कुसुमशाखिसच्छेखरः ॥ ३७॥

puraṇṭakuṭajāvalī vidhṛtapuṣpasatkorakaiḥśamīkusumapāṭalīpaṭalagandhabandhānilaiḥ |subilvakusumotkaraprabhavagandhasanmedurovibhāti kila mandaraḥ kusumaśākhisacchekharaḥ || 37||

सुमन्दरसरोवरप्रथिततीरमन्दारजैःविकासितसुमोद्गतैर्विमलवातगन्धायितैः ।सुपर्णसुमगुच्छकैर्वरसुकर्णिकारोद्भवैःकनत्कनकपुष्पवच्छिखरमत्र भाभाति वै ॥ ३८॥

sumandarasarovaraprathitatīramandārajaiḥvikāsitasumodgatairvimalavātagandhāyitaiḥ |suparṇasumagucchakairvarasukarṇikārodbhavaiḥkanatkanakapuṣpavacchikharamatra bhābhāti vai || 38||

क्रौञ्चाक्रान्तबकोरुपक्षचलनैर्लीनाश्चमीनाश्च तेसारस्याः सरसीरुहेषु मधुपाः श्राम्यन्ति भ्राम्यन्त्यपि ।एवं तत्सुमगन्ध गन्धितवनं दृष्ट्वा प्रहृष्टो हरः ॥ ३९॥

krauñcākrāntabakorupakṣacalanairlīnāścamīnāśca tesārasyāḥ sarasīruheṣu madhupāḥ śrāmyanti bhrāmyantyapi |evaṃ tatsumagandha gandhitavanaṃ dṛṣṭvā prahṛṣṭo haraḥ || 39||

रतिपतिरतिलाघवेन शम्भुंहृदये संविभेदेऽथ पुष्पबाणैः ।कुसुमेषं कुसुमावलीढदेहंयमघोरान्धकशासनो ददर्श ॥ ४०॥

ratipatiratilāghavena śambhuṃhṛdaye saṃvibhede'tha puṣpabāṇaiḥ |kusumeṣaṃ kusumāvalīḍhadehaṃyamaghorāndhakaśāsano dadarśa || 40||

अनलाक्षिकोणलक्ष्यमीशोगरकण्ठो व्यदधादनङ्गसंज्ञमेनम् ।भस्मीभूतमनङ्ग सुन्दरतनुं दृष्ट्वैव तत्पृष्ठगावसास्राक्षी रतिरीशमस्तुवदसौ शोकाकुलोत्कण्ठिता ॥ ४१॥

analākṣikoṇalakṣyamīśogarakaṇṭho vyadadhādanaṅgasaṃjñamenam |bhasmībhūtamanaṅga sundaratanuṃ dṛṣṭvaiva tatpṛṣṭhagāvasāsrākṣī ratirīśamastuvadasau śokākulotkaṇṭhitā || 41||

रतिरुवाच ।हे वासुदेवनयनार्चित कामदेवभस्माङ्गराग वरभूषित वामदेव ।श्रीवामदेव्यमरतोषित भूमिदेवपूज्य प्रसीद परमेश्वर देव देव ॥ ४२॥

ratiruvāca |he vāsudevanayanārcita kāmadevabhasmāṅgarāga varabhūṣita vāmadeva |śrīvāmadevyamaratoṣita bhūmidevapūjya prasīda parameśvara deva deva || 42||

महादेव देवाधिदेव प्रसीदप्रसीद प्रसीद प्रभो कालकाल ।पत्या विहीनां कृपापारसिन्धोपत्या सनाथां कुरुष्वेश मां त्वम् ॥ ४३॥

mahādeva devādhideva prasīdaprasīda prasīda prabho kālakāla |patyā vihīnāṃ kṛpāpārasindhopatyā sanāthāṃ kuruṣveśa māṃ tvam || 43||

विभौ मारसर्वस्वमप्यन्तरङ्गंसदाखर्वगर्वाधिरूढं प्रमूढम् ।मृडानीपते गूढपाद्भूषयोषाविशेषाङ्ग कामाङ्गनाश प्रसीद ॥ ४४॥

vibhau mārasarvasvamapyantaraṅgaṃsadākharvagarvādhirūḍhaṃ pramūḍham |mṛḍānīpate gūḍhapādbhūṣayoṣāviśeṣāṅga kāmāṅganāśa prasīda || 44||

सूत उवाच ।सत्याः स्तुत्या च तुष्टो गिरिवरशिखरे सत्यवाचा विहृत्यपातिव्रत्यानुभूत्या स किल पुरहरस्तामनङ्गेन योज्याम् ।काले देव्याः कटाक्षैस्तव पतिरमरो जायते इत्यशात्तांशान्तां कान्तप्रदानाद्गिरिशवरकृपापात्रभूतां रतिं ताम् ॥ ४५॥

sūta uvāca |satyāḥ stutyā ca tuṣṭo girivaraśikhare satyavācā vihṛtyapātivratyānubhūtyā sa kila puraharastāmanaṅgena yojyām |kāle devyāḥ kaṭākṣaistava patiramaro jāyate ityaśāttāṃśāntāṃ kāntapradānādgiriśavarakṛpāpātrabhūtāṃ ratiṃ tām || 45||

देवास्ते प्रययुः सभीतिहृदयास्ते कान्दिशीकाः प्रभोःक्रोधान्धीकृतलोचनस्य पुरतः स्थातुं न शेकुस्तदा ।इन्द्राग्नी यमनिरृती च वरुणः सोमार्यमाद्याः ययुःप्रख्यातुं वरमन्मथाङ्गदहनं देवेन तद्ब्रह्मणे ॥ ४६॥

devāste prayayuḥ sabhītihṛdayāste kāndiśīkāḥ prabhoḥkrodhāndhīkṛtalocanasya purataḥ sthātuṃ na śekustadā |indrāgnī yamanirṛtī ca varuṇaḥ somāryamādyāḥ yayuḥprakhyātuṃ varamanmathāṅgadahanaṃ devena tadbrahmaṇe || 46||

॥ इति शिवरहस्यान्तर्गते स्कन्दप्रोक्तं मन्मथदाहकथनं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । अध्यायः ११ मन्मथदाहः । ३५४६ ॥

|| iti śivarahasyāntargate skandaproktaṃ manmathadāhakathanaṃ sampūrṇam |||| śrīśivarahasyam | īśākhyaḥ dvādaśamāṃśaḥ | adhyāyaḥ 11 manmathadāhaḥ | 3546 ||

– ॥ श्रीशिवरहस्यम् ।ईशाख्यः द्वादशमांशः ।अध्यायः ११ मन्मथदाहः ।३५-४६ ॥

– || śrīśivarahasyam |īśākhyaḥ dvādaśamāṃśaḥ |adhyāyaḥ 11 manmathadāhaḥ | 35-46 ||