हाटकेशाख्यलिङ्गमहिमा Skandaprokta Hatakeshakhyalingamahima

(शिवरहस्यान्तर्गते भीमाख्ये)तल्लिङ्गप्रभया सुदीपितमहो पाताललोकं सदानागानां विलसत्फणामणिगणज्योत्स्नोरुधारातताः ।नो चन्द्रार्कसुविद्युदुज्ज्वलमहावह्निप्रभाभादिकाःनोषा नो भगणाः सदैव न दिवारात्रं महेशाश्रयात् ॥ २५॥

(śivarahasyāntargate bhīmākhye)talliṅgaprabhayā sudīpitamaho pātālalokaṃ sadānāgānāṃ vilasatphaṇāmaṇigaṇajyotsnorudhārātatāḥ |no candrārkasuvidyudujjvalamahāvahniprabhābhādikāḥnoṣā no bhagaṇāḥ sadaiva na divārātraṃ maheśāśrayāt || 25||

वृन्दारवृन्दा अपि चन्द्रमौलिपादारविन्दभजनाय मुदा प्रयान्ति ।नागैर्नगोपममहोरुशरीरशीर्षैर्नगारिवाहसहिताः परिपूज्य यान्ति ॥ २६॥

vṛndāravṛndā api candramaulipādāravindabhajanāya mudā prayānti |nāgairnagopamamahoruśarīraśīrṣairnagārivāhasahitāḥ paripūjya yānti || 26||

तत्पातालतलेऽपि हाटकमहालिङ्गं सदेवार्चयन्नागैर्नागवराः स्वकीयसुमहाशुण्डोरुकाण्डोत्थितैः ।धारासार सुपुष्करोद्धृतलसद्बिल्वीदलैः कोमलैःते चाष्टौ निवसन्ति भूधरवराः कैलाससानुप्रभाः ॥ २७॥

tatpātālatale'pi hāṭakamahāliṅgaṃ sadevārcayannāgairnāgavarāḥ svakīyasumahāśuṇḍorukāṇḍotthitaiḥ |dhārāsāra supuṣkaroddhṛtalasadbilvīdalaiḥ komalaiḥte cāṣṭau nivasanti bhūdharavarāḥ kailāsasānuprabhāḥ || 27||

पाताले तालकेतु प्रभृतिबलिराः शत्रुवित्रासना येदेवा अप्यमरावतीं परिविहायात्रैव सम्मोदिताः ।विप्रेन्द्राः सुरसिद्धदैत्यनिकरा यूयं च नागोत्तमाः ।शार्वं लिङ्गमुमातेः प्रियतमं श्रीहाटकेशाभिधम् ॥ २८॥

pātāle tālaketu prabhṛtibalirāḥ śatruvitrāsanā yedevā apyamarāvatīṃ parivihāyātraiva sammoditāḥ |viprendrāḥ surasiddhadaityanikarā yūyaṃ ca nāgottamāḥ |śārvaṃ liṅgamumāteḥ priyatamaṃ śrīhāṭakeśābhidham || 28||

कष्टं वीक्ष्य त्रिविष्टपं श्रुतिशिरोनिष्ठां हि सम्प्राप्य तेधन्यास्ते शिपिविष्ट निष्ठमनसा सम्पूज्यन्त्वादरात् ।जूटाहिद्युतिकोटिकूटघटनोत्तुङ्गोत्तमाङ्गोल्लसच्चन्द्रांशुस्फुटदुत्पलारुणरजः स्वः सिन्धुमौलिं हरम् ॥ २९॥

kaṣṭaṃ vīkṣya triviṣṭapaṃ śrutiśironiṣṭhāṃ hi samprāpya tedhanyāste śipiviṣṭa niṣṭhamanasā sampūjyantvādarāt |jūṭāhidyutikoṭikūṭaghaṭanottuṅgottamāṅgollasaccandrāṃśusphuṭadutpalāruṇarajaḥ svaḥ sindhumauliṃ haram || 29||

लीलापाङ्गस्फुलिङ्गसङ्गतमहानङ्गाङ्गमातङ्ग हृत्तल्लिङ्गोत्तममध्यसङ्गतमुमादेहार्धलिङ्गं हरम् ।बालेन्दुद्युति जूटिताखिलजटत्कोटीरपाटीरकंघोटीवेदवधूटिकार्धविलसद्गात्रं निटालेक्षणम् ॥ ३०॥

līlāpāṅgasphuliṅgasaṅgatamahānaṅgāṅgamātaṅga hṛttalliṅgottamamadhyasaṅgatamumādehārdhaliṅgaṃ haram |bālendudyuti jūṭitākhilajaṭatkoṭīrapāṭīrakaṃghoṭīvedavadhūṭikārdhavilasadgātraṃ niṭālekṣaṇam || 30||

॥ इति शिवरहस्यान्तर्गते स्कन्दप्रोक्ता हाटकेशाख्यलिङ्गमहिमा सम्पूर्णा ॥॥ श्रीशिवरहस्यम् । भीमाख्यः अष्टमांशः । अध्यायः २४ पाताले हाटकेशप्रभावः । २५३०॥

|| iti śivarahasyāntargate skandaproktā hāṭakeśākhyaliṅgamahimā sampūrṇā |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 24 pātāle hāṭakeśaprabhāvaḥ | 2530||

– ॥ श्रीशिवरहस्यम् ।भीमाख्यः अष्टमांशः ।अध्यायः २४ पाताले हाटकेशप्रभावः ।२५-३०॥

– || śrīśivarahasyam |bhīmākhyaḥ aṣṭamāṃśaḥ |adhyāyaḥ 24 pātāle hāṭakeśaprabhāvaḥ | 25-30||