भस्मधारणफलोपदेशम् Skandaproktam Bhasmadharanaphalopadesham

(शिवरहस्यान्तर्गते ईश्वराख्ये)स्कन्दः (उवाच)अष्टस्थानधृतं त्रिपुण्ड्रमलिके स्यादष्टमूर्तिप्रियंतद्वै द्वादशरुद्रदैवतमुमे तद्द्वादशाङ्गैर्धृतम् ।मन्ये षोडशशीतलाङ्गकलया धार्यं त्रिपुण्ड्रं तनौद्वात्रिंशस्थित वर्ष्मणि त्रिभुवनाधीशास्पदं प्राप्नुयात् ॥ ५९॥

(śivarahasyāntargate īśvarākhye)skandaḥ (uvāca)aṣṭasthānadhṛtaṃ tripuṇḍramalike syādaṣṭamūrtipriyaṃtadvai dvādaśarudradaivatamume taddvādaśāṅgairdhṛtam |manye ṣoḍaśaśītalāṅgakalayā dhāryaṃ tripuṇḍraṃ tanaudvātriṃśasthita varṣmaṇi tribhuvanādhīśāspadaṃ prāpnuyāt || 59||

धृतं ललाटेऽक्षि दधाति भालेपाणावथैणं शिरसीन्दुगङ्गाम् ।वक्षस्सुचक्षुःश्रवसोरुहारंहारोभवेत् भूतिविभूतिभानैः ॥ ६०॥

dhṛtaṃ lalāṭe'kṣi dadhāti bhālepāṇāvathaiṇaṃ śirasīndugaṅgām |vakṣassucakṣuḥśravasoruhāraṃhārobhavet bhūtivibhūtibhānaiḥ || 60||

यो वह्निसप्तकमनुप्रथितोरु भस्मभूषस्त्रयायुषमनुप्रथितोरुपुण्ड्रः ।भालैणवाहसख एणकृताङ्कमौलिरेणीदृशार्धतनुरेणकरो भवेत् सः ॥ ६१॥

yo vahnisaptakamanuprathitoru bhasmabhūṣastrayāyuṣamanuprathitorupuṇḍraḥ |bhālaiṇavāhasakha eṇakṛtāṅkamaulireṇīdṛśārdhatanureṇakaro bhavet saḥ || 61||

विरजानलजां समिद्भवां वासितवर्णां किल धारयेद्विभूतिम् ।स्मृतिजातानलभस्मधार्यमाहुर्गृहिणां वै नियमेन सर्वथापि ॥ ६२॥

virajānalajāṃ samidbhavāṃ vāsitavarṇāṃ kila dhārayedvibhūtim |smṛtijātānalabhasmadhāryamāhurgṛhiṇāṃ vai niyamena sarvathāpi || 62||

वनदावोत्थभवं वनेचरोयतयः सर्वगतं सितं सदा ।अतिवर्णाश्रमधर्मतत्परःपितृकान्तारगतं विलेपयेत् ॥ ६३॥

vanadāvotthabhavaṃ vanecaroyatayaḥ sarvagataṃ sitaṃ sadā |ativarṇāśramadharmatatparaḥpitṛkāntāragataṃ vilepayet || 63||

विप्राणां पचनाग्निसम्भवमुमे धार्यं त्रिपुण्ड्रात्मनाभस्मैवाधहरं भवेत् हितकृत्पादोद्भवानां सदासङ्कीर्णेष्वपि रथ्यपथ्यविहितं भस्मैव तत्पावनम् ॥ ६४॥

viprāṇāṃ pacanāgnisambhavamume dhāryaṃ tripuṇḍrātmanābhasmaivādhaharaṃ bhavet hitakṛtpādodbhavānāṃ sadāsaṅkīrṇeṣvapi rathyapathyavihitaṃ bhasmaiva tatpāvanam || 64||

धन्यानामिदमेव मङ्गलकरं सद्भाललिप्तं मुने ॥ ६५॥

dhanyānāmidameva maṅgalakaraṃ sadbhālaliptaṃ mune || 65||

भस्मत्रिपुण्ड्र परिमण्डिततुण्डगण्डश्रीबाहुदण्डयुगलांस बृहत्पिचण्डः ।चण्डांशुसूनुनिलयं न स जातु पश्येत्इन्दुप्रभासरसमौलिकटाक्षषण्डैः ॥ ६६॥

bhasmatripuṇḍra parimaṇḍitatuṇḍagaṇḍaśrībāhudaṇḍayugalāṃsa bṛhatpicaṇḍaḥ |caṇḍāṃśusūnunilayaṃ na sa jātu paśyetinduprabhāsarasamaulikaṭākṣaṣaṇḍaiḥ || 66||

भवेत्स विभवाधिकः प्रतिभवेऽपि भावादरोभवोद्भवसमर्चनप्रभवितात्मभावः सदा ।भजेत भसितं सितं यदि तदा तनुं सन्त्यजन्भवेत्किल हि ना नरः (यमादृतः) परमकातरः पामरः ॥ ६७॥

bhavetsa vibhavādhikaḥ pratibhave'pi bhāvādarobhavodbhavasamarcanaprabhavitātmabhāvaḥ sadā |bhajeta bhasitaṃ sitaṃ yadi tadā tanuṃ santyajanbhavetkila hi nā naraḥ (yamādṛtaḥ) paramakātaraḥ pāmaraḥ || 67||

शिवे भसित भूषणो भवति भाग्यपूर्णो नरोवरश्रुतिपरायणोऽप्यहह भस्मपुण्ड्रोज्झितः ।द्विजाधमकुलानल प्रबलधूमकेतुर्भवेत्कदापि नरकालयान्न हि स जातु मुच्येत च ॥ ६८॥

śive bhasita bhūṣaṇo bhavati bhāgyapūrṇo narovaraśrutiparāyaṇo'pyahaha bhasmapuṇḍrojjhitaḥ |dvijādhamakulānala prabaladhūmaketurbhavetkadāpi narakālayānna hi sa jātu mucyeta ca || 68||

धृतसितभसितत्रिपुण्ड्रभूषायतिमतिगतिदायिनःस्तुतेशाः ।कृतवरसुकृतोज्झितारिवर्गामितहिततपसा भवन्ति हाराः ॥ ६९॥

dhṛtasitabhasitatripuṇḍrabhūṣāyatimatigatidāyinaḥstuteśāḥ |kṛtavarasukṛtojjhitārivargāmitahitatapasā bhavanti hārāḥ || 69||

नाम्ना न शौचाचमनक्रियाभिःविद्यापि कृताकृताभिः ।भस्मत्रिपुण्ड्रोज्झितभालगात्रःपात्रं स नामुष्मिकपुण्यहेतौ ॥ ७०॥

nāmnā na śaucācamanakriyābhiḥvidyāpi kṛtākṛtābhiḥ |bhasmatripuṇḍrojjhitabhālagātraḥpātraṃ sa nāmuṣmikapuṇyahetau || 70||

वीतैषणस्त्रिषवणं किल भस्मभूषोयोषाविरुद्धहृदयः किल भक्तवर्यः ।शाक्तः स मुक्तिपदवीमभिवीक्षितुं वैत्र्यक्षप्रसादमखिलं स तदा लभेत ॥ ७१॥

vītaiṣaṇastriṣavaṇaṃ kila bhasmabhūṣoyoṣāviruddhahṛdayaḥ kila bhaktavaryaḥ |śāktaḥ sa muktipadavīmabhivīkṣituṃ vaitryakṣaprasādamakhilaṃ sa tadā labheta || 71||

॥ इति शिवरहस्यान्तर्गते स्कन्दप्रोक्तं भस्मधारणफलोपदेशं सम्पूर्णम् ॥॥ श्रीशिवरहस्यम् । ईश्वराख्यः दशमांशः । अध्यायः ६ । ५९७१॥

|| iti śivarahasyāntargate skandaproktaṃ bhasmadhāraṇaphalopadeśaṃ sampūrṇam |||| śrīśivarahasyam | īśvarākhyaḥ daśamāṃśaḥ | adhyāyaḥ 6 | 5971||

– ॥ श्रीशिवरहस्यम् ।ईश्वराख्यः दशमांशः ।अध्यायः ६ ।५९-७१॥

– || śrīśivarahasyam |īśvarākhyaḥ daśamāṃśaḥ |adhyāyaḥ 6 | 59-71||