शिवस्तुतिः स्कन्दकृता ३ Skandakrita Shiva Stuti (2)

छद्मस्वर्गविनुतागमवर्य कर्कार्यागमदूर्वयार्चित ।मेरुमौर्विकृतदर्विहस्तक पाहि मां भव महेश सर्वग ॥ ३५॥

chadmasvargavinutāgamavarya karkāryāgamadūrvayārcita |merumaurvikṛtadarvihastaka pāhi māṃ bhava maheśa sarvaga || 35||

विक्रमाक्रमितलोकचङ्क्रम पादमूलमपि नो त्रिविक्रम ।प्राप्तकूपसदनः किमु भेकस्सागरोत्तरणहेतवे हर ॥ ३६॥

vikramākramitalokacaṅkrama pādamūlamapi no trivikrama |prāptakūpasadanaḥ kimu bhekassāgarottaraṇahetave hara || 36||

स्वर्णवर्णकृतलोचन कर्णापारहारक महार्णवसंस्था ।वर्णितागम अपर्णयार्चित पर्णपत्ररथपूज्यपादाब्ज ॥ ३७॥

svarṇavarṇakṛtalocana karṇāpārahāraka mahārṇavasaṃsthā |varṇitāgama aparṇayārcita parṇapatrarathapūjyapādābja || 37||

कर्णकुण्डलकृताहिवरेश पारयार्णवभवं सुकर्णधारक ।गन्धबन्धुमधुपावलिभास्वद्राजराजशकलामलमौले ॥ ३८॥

karṇakuṇḍalakṛtāhivareśa pārayārṇavabhavaṃ sukarṇadhāraka |gandhabandhumadhupāvalibhāsvadrājarājaśakalāmalamaule || 38||

देवलोकतटिनीगतपुल्लैर्नीलकैरवकुलैकमुपूज्य ।वाहाजिह्वातिसङ्ख्याकृतनयनयुगं तल्पसङ्ख्यापितादृग्दशयुगलललामं देवमन्दारसालम् ॥ ३९॥

devalokataṭinīgatapullairnīlakairavakulaikamupūjya |vāhājihvātisaṅkhyākṛtanayanayugaṃ talpasaṅkhyāpitādṛgdaśayugalalalāmaṃ devamandārasālam || 39||

कौमार शङ्करगिरां मनसोऽतिदूर कर्पूरगौर सुशरीरधृतोरगेन्द्र ।मारापहार पुरवर्गहराव्ययेश विश्वेश्वराव दयया तव बालमिष्टम् ॥ ४०॥

kaumāra śaṅkaragirāṃ manaso'tidūra karpūragaura suśarīradhṛtoragendra |mārāpahāra puravargaharāvyayeśa viśveśvarāva dayayā tava bālamiṣṭam || 40||

॥ इति शिवरहस्यान्तर्गते माहेश्वराख्ये स्कन्दकृता शिवस्तुतिः ॥॥ श्रीशिवरहस्यम् । माहेश्वराख्यः प्रथमांशः । अध्यायः २३ कैलासवर्णने स्कन्दकृतस्तुतिः । ३५४०॥

|| iti śivarahasyāntargate māheśvarākhye skandakṛtā śivastutiḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 23 kailāsavarṇane skandakṛtastutiḥ | 3540||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २३ – कैलासवर्णने स्कन्दकृतस्तुतिः ।३५-४०॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 23 – kailāsavarṇane skandakṛtastutiḥ | 35-40||