मृत्युञ्जयस्तोत्रम् ५ Shri Mrityunjaya Stotram

शम्भो महादेव शम्भो महादेव शम्भो महादेव गङ्गाधर ।मृत्युञ्जय पाहि मृत्युञ्जय पाहि मृत्युञ्जय पाहि मृत्युञ्जय ॥ धृ॥अद्रीशजाधीश विद्राविताघौघ भद्राकृते पाहि मृत्युञ्जय ॥ मृत्युञ्जय ॥आकाशकेशामराधीशवन्द्य त्रिलोकेश्वर पाहि मृत्युञ्जय ॥ मृत्युञ्जय ॥इन्दूपलेन्दुप्रभोत्फुल्लकुन्दारविन्दाकृते पाहि मृत्युञ्जय ॥ मृत्युञ्जय ॥ईशार्चिताङ्घ्रे महेशाखिलावास काशीपते पाहि मृत्युञ्जय ॥ मृत्युञ्जय ॥उक्षेशसञ्चार यक्षेशसन्मित्र दक्षार्चित पाहि मृत्युञ्जय ॥ मृत्युञ्जय ॥ऊहापथातीतमाहात्म्यसंयुक्त मोहान्तक पाहि मृत्युञ्जय ॥ मृत्युञ्जय ॥ऋद्धिप्रदाशेष बुद्धिप्रतारज्ञ सिद्धेश्वर पाहि मृत्युञ्जय ॥ मृत्युञ्जय ॥ऋपर्वतोत्तुङ्गशृङ्गाग्रसङ्गाङ्गहेतो सदा पाहि मृत्युञ्जय ॥ मृत्युञ्जय ॥लब्धात्मभक्तौघसङ्घाति सङ्घातकारिप्रहन् पाहि पाहि मृत्युञ्जय ॥ मृत्युञ्जय ॥लूतीकृतानेकपारादिकृत्यन्तनीयाधुना पाहि मृत्युञ्जय ॥ मृत्युञ्जय ॥एकादशाकारराकेन्दुसङ्काश शोकान्तक पाहि मृत्युञ्जय ॥ मृत्युञ्जय ॥ऐश्वर्यधामार्क वैश्वानराभास विश्वाधिक पाहि मृत्युञ्जय ॥ मृत्युञ्जय ॥ओषध्यधीशांशुभूषादिपापौघमोक्षप्रद पाहि मृत्युञ्जय ॥ मृत्युञ्जय ॥औद्धत्यहीनप्रबुद्धप्रभाव प्रबुद्धाखिल पाहि मृत्युञ्जय ॥ मृत्युञ्जय ॥अम्बासमाश्लिष्ट लम्बोदरापत्य बिम्बाधर पाहि मृत्युञ्जय ॥ मृत्युञ्जय ॥अस्तोककारुण्य दुस्तारसंसारनिस्तारण पाहि मृत्युञ्जय ॥ मृत्युञ्जय ॥कर्पूरगौरोग्र सर्पाढ्य कन्दर्पदर्पापह पाहि मृत्युञ्जय ॥ मृत्युञ्जय ॥खद्योतनेत्राग्निविद्युद्ग्रहाक्षादि विद्योदित पाहि मृत्युञ्जय ॥ मृत्युञ्जय ॥गन्धेभचर्माङ्गसक्ताङ्ग संसारसिन्धुप्लव पाहि मृत्युञ्जय ॥ मृत्युञ्जय ॥घर्मांशुसङ्काश धर्मैकसंप्राप्य शर्मप्रद पाहि मृत्युञ्जय ॥ मृत्युञ्जय ॥ङोत्पत्तिबीजाखिलोत्पत्तिबीजामराधीश मां पाहि मृत्युञ्जय ॥ मृत्युञ्जय ॥चन्द्रार्धचूड मरुन्नेत्र काञ्चीनगेन्द्रालय पाहि मृत्युञ्जय ॥ मृत्युञ्जय ॥छन्दश्शिरोरत्न सन्दोहसंवेद्य मन्दस्मित पाहि मृत्युञ्जय ॥ मृत्युञ्जय ॥जन्मक्षयातीत चिन्मात्रमूर्ते भवोन्मूलन पाहि मृत्युञ्जय ॥ मृत्युञ्जय ॥झणच्चारुघण्टामणिव्रातकाञ्चीगुणश्रेणिक पाहि मृत्युञ्जय ॥ मृत्युञ्जय ॥ञणित्यष्टचिन्तान्तरङ्ग प्रमोदाटनानन्दहृत्पाहि मृत्युञ्जय ॥ मृत्युञ्जय ॥टङ्कातिटङ्क मरुन्नेत्र भृङ्गाङ्गनासङ्गत पाहि मृत्युञ्जय ॥ मृत्युञ्जय ॥ठाली महापां केली तिरस्कारकारानल पाहि मृत्युञ्जय ॥ मृत्युञ्जय ॥डोलायमानान्तरङ्गीकृतानेकलास्येश मां पाहि मृत्युञ्जय ॥ मृत्युञ्जय ॥ढक्काध्वनिध्वानदाहध्वनिभ्रान्तशतृत्व मां पाहि मृत्युञ्जय ॥ मृत्युञ्जय ॥णाकारनेत्रान्त सन्तोषितात्मश्रितानन्द मां पाहि मृत्युञ्जय ॥ मृत्युञ्जय ॥तापत्रयात्युग्रदावानलसाक्षिरूपाव्यय पाहि मृत्युञ्जय ॥ मृत्युञ्जय ॥स्थाणो मुरारातिबाणोल्लसत्पञ्चबाणान्तक पाहि मृत्युञ्जय ॥ मृत्युञ्जय ॥दीनावनाद्यन्तहीनागमान्तैक मानोदित पाहि मृत्युञ्जय ॥ मृत्युञ्जय ॥धात्रीधराधीशपुत्रीपरिष्वङ्गचित्राकृते पाहि मृत्युञ्जय ॥ मृत्युञ्जय ॥नन्दीशवाहारविन्दासनाराध्य विन्दाकृते पाहि मृत्युञ्जय ॥ मृत्युञ्जय ॥पापान्धकारप्रदीपाद्वयानन्दरूप प्रभो पाहि मृत्युञ्जय ॥ मृत्युञ्जय ॥फालाम्बकानन्त नीलोज्ज्वलन्नेत्र शूलायुध पाहि मृत्युञ्जय ॥ मृत्युञ्जय ॥बालार्कबिम्बांशुभास्वज्जटाजूटिकालङ्कृत पाहि मृत्युञ्जय ॥ मृत्युञ्जय ॥भोगीश्वराकल्प योगिप्रियाभीष्टभोगप्रद पाहि मृत्युञ्जय ॥ मृत्युञ्जय ॥मौलीद्युनद्यूर्मिमालाजटाजूटिकाप्रिय पाहि मृत्युञ्जय ॥ मृत्युञ्जय ॥यज्ञेश्वराखण्डतद्ज्ञानिधे दक्षयज्ञान्तक पाहि मृत्युञ्जय ॥ मृत्युञ्जय ॥राकेन्दुकोटिप्रतीकाशलोकादि सृड्वन्दित पाहि मृत्युञ्जय ॥ मृत्युञ्जय ॥लङ्केशवन्द्याङ्घ्रिपङ्केरुहाशेष शङ्कासह पाहि मृत्युञ्जय ॥ मृत्युञ्जय ॥वागीशतूणीरवन्दारुमन्दार शौरिप्रिय पाहि मृत्युञ्जय ॥ मृत्युञ्जय ॥शर्वाखिलाधार सर्वेश गीर्वाणगर्वापह पाहि मृत्युञ्जय ॥ मृत्युञ्जय ॥षड्वक्त्रतात त्रिषाड्गुण्यलोकादि सृड्वन्दित पाहि मृत्युञ्जय ॥ मृत्युञ्जय ॥सोमावतंसान्तरङ्गे स्वयान्धाम सामप्रिय पाहि मृत्युञ्जय ॥ मृत्युञ्जय ॥हेलानिगीर्णोग्र हालाहलासह्य कालान्तक पाहि मृत्युञ्जय ॥ मृत्युञ्जय ॥क्षोणीधराधीश बाणासनावाप्तशोणाकृते पाहि मृत्युञ्जय ॥ मृत्युञ्जय ॥क्षित्यम्बुतेजोमरुद्व्योमसोमात्मसत्याकृते पाहि मृत्युञ्जय ॥ मृत्युञ्जय ॥शम्भोमहादेव शम्भोमहादेव शम्भोमहादेव गङ्गाधर ॥ मृत्युञ्जय ॥मृत्युञ्जय पाहि, मृत्युञ्जय पाहि ।मृत्युञ्जय पाहि, मृत्युञ्जय पाहि ।मृत्युञ्जयो मुक्तिदाता अथ्यवोचदिति श्रुतौ ॥ मृत्युञ्जय ॥भवरोग निमग्नानां भिषङ्मणिरितीरितः ॥ मृत्युञ्जय ॥

śambho mahādeva śambho mahādeva śambho mahādeva gaṅgādhara |mṛtyuñjaya pāhi mṛtyuñjaya pāhi mṛtyuñjaya pāhi mṛtyuñjaya || dhṛ||adrīśajādhīśa vidrāvitāghaugha bhadrākṛte pāhi mṛtyuñjaya || mṛtyuñjaya ||ākāśakeśāmarādhīśavandya trilokeśvara pāhi mṛtyuñjaya || mṛtyuñjaya ||indūpalenduprabhotphullakundāravindākṛte pāhi mṛtyuñjaya || mṛtyuñjaya ||īśārcitāṅghre maheśākhilāvāsa kāśīpate pāhi mṛtyuñjaya || mṛtyuñjaya ||ukṣeśasañcāra yakṣeśasanmitra dakṣārcita pāhi mṛtyuñjaya || mṛtyuñjaya ||ūhāpathātītamāhātmyasaṃyukta mohāntaka pāhi mṛtyuñjaya || mṛtyuñjaya ||ṛddhipradāśeṣa buddhipratārajña siddheśvara pāhi mṛtyuñjaya || mṛtyuñjaya ||ṛparvatottuṅgaśṛṅgāgrasaṅgāṅgaheto sadā pāhi mṛtyuñjaya || mṛtyuñjaya ||labdhātmabhaktaughasaṅghāti saṅghātakāriprahan pāhi pāhi mṛtyuñjaya || mṛtyuñjaya ||lūtīkṛtānekapārādikṛtyantanīyādhunā pāhi mṛtyuñjaya || mṛtyuñjaya ||ekādaśākārarākendusaṅkāśa śokāntaka pāhi mṛtyuñjaya || mṛtyuñjaya ||aiśvaryadhāmārka vaiśvānarābhāsa viśvādhika pāhi mṛtyuñjaya || mṛtyuñjaya ||oṣadhyadhīśāṃśubhūṣādipāpaughamokṣaprada pāhi mṛtyuñjaya || mṛtyuñjaya ||auddhatyahīnaprabuddhaprabhāva prabuddhākhila pāhi mṛtyuñjaya || mṛtyuñjaya ||ambāsamāśliṣṭa lambodarāpatya bimbādhara pāhi mṛtyuñjaya || mṛtyuñjaya ||astokakāruṇya dustārasaṃsāranistāraṇa pāhi mṛtyuñjaya || mṛtyuñjaya ||karpūragaurogra sarpāḍhya kandarpadarpāpaha pāhi mṛtyuñjaya || mṛtyuñjaya ||khadyotanetrāgnividyudgrahākṣādi vidyodita pāhi mṛtyuñjaya || mṛtyuñjaya ||gandhebhacarmāṅgasaktāṅga saṃsārasindhuplava pāhi mṛtyuñjaya || mṛtyuñjaya ||gharmāṃśusaṅkāśa dharmaikasaṃprāpya śarmaprada pāhi mṛtyuñjaya || mṛtyuñjaya ||ṅotpattibījākhilotpattibījāmarādhīśa māṃ pāhi mṛtyuñjaya || mṛtyuñjaya ||candrārdhacūḍa marunnetra kāñcīnagendrālaya pāhi mṛtyuñjaya || mṛtyuñjaya ||chandaśśiroratna sandohasaṃvedya mandasmita pāhi mṛtyuñjaya || mṛtyuñjaya ||janmakṣayātīta cinmātramūrte bhavonmūlana pāhi mṛtyuñjaya || mṛtyuñjaya ||jhaṇaccārughaṇṭāmaṇivrātakāñcīguṇaśreṇika pāhi mṛtyuñjaya || mṛtyuñjaya ||ñaṇityaṣṭacintāntaraṅga pramodāṭanānandahṛtpāhi mṛtyuñjaya || mṛtyuñjaya ||ṭaṅkātiṭaṅka marunnetra bhṛṅgāṅganāsaṅgata pāhi mṛtyuñjaya || mṛtyuñjaya ||ṭhālī mahāpāṃ kelī tiraskārakārānala pāhi mṛtyuñjaya || mṛtyuñjaya ||ḍolāyamānāntaraṅgīkṛtānekalāsyeśa māṃ pāhi mṛtyuñjaya || mṛtyuñjaya ||ḍhakkādhvanidhvānadāhadhvanibhrāntaśatṛtva māṃ pāhi mṛtyuñjaya || mṛtyuñjaya ||ṇākāranetrānta santoṣitātmaśritānanda māṃ pāhi mṛtyuñjaya || mṛtyuñjaya ||tāpatrayātyugradāvānalasākṣirūpāvyaya pāhi mṛtyuñjaya || mṛtyuñjaya ||sthāṇo murārātibāṇollasatpañcabāṇāntaka pāhi mṛtyuñjaya || mṛtyuñjaya ||dīnāvanādyantahīnāgamāntaika mānodita pāhi mṛtyuñjaya || mṛtyuñjaya ||dhātrīdharādhīśaputrīpariṣvaṅgacitrākṛte pāhi mṛtyuñjaya || mṛtyuñjaya ||nandīśavāhāravindāsanārādhya vindākṛte pāhi mṛtyuñjaya || mṛtyuñjaya ||pāpāndhakārapradīpādvayānandarūpa prabho pāhi mṛtyuñjaya || mṛtyuñjaya ||phālāmbakānanta nīlojjvalannetra śūlāyudha pāhi mṛtyuñjaya || mṛtyuñjaya ||bālārkabimbāṃśubhāsvajjaṭājūṭikālaṅkṛta pāhi mṛtyuñjaya || mṛtyuñjaya ||bhogīśvarākalpa yogipriyābhīṣṭabhogaprada pāhi mṛtyuñjaya || mṛtyuñjaya ||maulīdyunadyūrmimālājaṭājūṭikāpriya pāhi mṛtyuñjaya || mṛtyuñjaya ||yajñeśvarākhaṇḍatadjñānidhe dakṣayajñāntaka pāhi mṛtyuñjaya || mṛtyuñjaya ||rākendukoṭipratīkāśalokādi sṛḍvandita pāhi mṛtyuñjaya || mṛtyuñjaya ||laṅkeśavandyāṅghripaṅkeruhāśeṣa śaṅkāsaha pāhi mṛtyuñjaya || mṛtyuñjaya ||vāgīśatūṇīravandārumandāra śauripriya pāhi mṛtyuñjaya || mṛtyuñjaya ||śarvākhilādhāra sarveśa gīrvāṇagarvāpaha pāhi mṛtyuñjaya || mṛtyuñjaya ||ṣaḍvaktratāta triṣāḍguṇyalokādi sṛḍvandita pāhi mṛtyuñjaya || mṛtyuñjaya ||somāvataṃsāntaraṅge svayāndhāma sāmapriya pāhi mṛtyuñjaya || mṛtyuñjaya ||helānigīrṇogra hālāhalāsahya kālāntaka pāhi mṛtyuñjaya || mṛtyuñjaya ||kṣoṇīdharādhīśa bāṇāsanāvāptaśoṇākṛte pāhi mṛtyuñjaya || mṛtyuñjaya ||kṣityambutejomarudvyomasomātmasatyākṛte pāhi mṛtyuñjaya || mṛtyuñjaya ||śambhomahādeva śambhomahādeva śambhomahādeva gaṅgādhara || mṛtyuñjaya ||mṛtyuñjaya pāhi, mṛtyuñjaya pāhi |mṛtyuñjaya pāhi, mṛtyuñjaya pāhi |mṛtyuñjayo muktidātā athyavocaditi śrutau || mṛtyuñjaya ||bhavaroga nimagnānāṃ bhiṣaṅmaṇiritīritaḥ || mṛtyuñjaya ||

इति मृत्युञ्जयस्तोत्रं समाप्तम् ।

iti mṛtyuñjayastotraṃ samāptam |