नमश्शिवाष्टकम् १ Shri Namashshiva Ashtakam

संसारदावानलशामकायमृत्युञ्जयायामितविक्रमाय ।सुरासुरौघार्चितपादुकायशिवासमेताय नमः शिवाय ॥ १॥

saṃsāradāvānalaśāmakāyamṛtyuñjayāyāmitavikramāya |surāsuraughārcitapādukāyaśivāsametāya namaḥ śivāya || 1||

कुन्देन्दुशङ्खस्फटिकोपमायमहेश्वरायाश्रितवत्सलाय ।श्रीनीलकण्ठाय यमान्तकायशिवासमेताय नमः शिवाय ॥ २॥

kundenduśaṅkhasphaṭikopamāyamaheśvarāyāśritavatsalāya |śrīnīlakaṇṭhāya yamāntakāyaśivāsametāya namaḥ śivāya || 2||

भुजङ्गचक्राधिपभूषणायनानामणिभ्राजितकुण्डलाय ।कर्पूरगौराय सुरेश्वरायशिवासमेताय नमः शिवाय ॥ ३॥

bhujaṅgacakrādhipabhūṣaṇāyanānāmaṇibhrājitakuṇḍalāya |karpūragaurāya sureśvarāyaśivāsametāya namaḥ śivāya || 3||

घोराधिकाघौघनिवारणायस्वर्गापवर्गादिफलप्रदाय ।निरामयायान्धकसूदनायशिवासमेताय नमः शिवाय ॥ ४॥

ghorādhikāghaughanivāraṇāyasvargāpavargādiphalapradāya |nirāmayāyāndhakasūdanāyaśivāsametāya namaḥ śivāya || 4||

त्रिकाग्निकालाय मनोन्मनाय ।त्रियम्बकाय त्रिपुरान्तकाय ।कालाग्निरुद्राय जगन्मयायशिवासमेताय नमः शिवाय ॥ ५॥

trikāgnikālāya manonmanāya |triyambakāya tripurāntakāya |kālāgnirudrāya jaganmayāyaśivāsametāya namaḥ śivāya || 5||

दयासमुद्राय निधीश्वरायधनेशमित्राय सुधामयाय ।कारुण्यरूपाय मनस्करायशिवासमेताय नमः शिवाय ॥ ६॥

dayāsamudrāya nidhīśvarāyadhaneśamitrāya sudhāmayāya |kāruṇyarūpāya manaskarāyaśivāsametāya namaḥ śivāya || 6||

ब्रह्मेन्द्रविष्ण्वादिसुरार्चितायदेवादिदेवाय दिगम्बराय ।अनन्तकल्याणगुणार्णवायशिवासमेताय नमः शिवाय ॥ ७॥

brahmendraviṣṇvādisurārcitāyadevādidevāya digambarāya |anantakalyāṇaguṇārṇavāyaśivāsametāya namaḥ śivāya || 7||

वेदान्तवेद्याय जगन्मयायकैलासवासाय शिवाधराय ।शिवस्वरूपाय सदाशिवायशिवासमेताय नमः शिवाय ॥ ८॥

vedāntavedyāya jaganmayāyakailāsavāsāya śivādharāya |śivasvarūpāya sadāśivāyaśivāsametāya namaḥ śivāya || 8||

इति स्तुत्वा महादेवं सर्वव्यापिनमीश्वरम् ।पुनः पुनः प्रणम्याथ स्कन्दस्तस्थौ कृताञ्जलिः ॥ ९॥

iti stutvā mahādevaṃ sarvavyāpinamīśvaram |punaḥ punaḥ praṇamyātha skandastasthau kṛtāñjaliḥ || 9||

॥ इति श्रीनमश्शिवाष्टकं सम्पूर्णम् ॥

|| iti śrīnamaśśivāṣṭakaṃ sampūrṇam ||