meanings Shri Medhadakshinamurti Shtotram

नतखेटनिशाटकिरीटतटीघटितोपलपाटलपीठतलम् ।तडिदाभजटापटलीमुकुटं वटमूलकुटीनिलयं कलये ॥ १॥

natakheṭaniśāṭakirīṭataṭīghaṭitopalapāṭalapīṭhatalam |taḍidābhajaṭāpaṭalīmukuṭaṃ vaṭamūlakuṭīnilayaṃ kalaye || 1||

स्मरणं खलु यच्चरणाम्बुजयोः भरणाय भवोत्तरणाय भवेत् ।शरणं करुणावरुणावसथं भज बालसुधाकिरणाभरणम् ॥ २॥

smaraṇaṃ khalu yaccaraṇāmbujayoḥ bharaṇāya bhavottaraṇāya bhavet |śaraṇaṃ karuṇāvaruṇāvasathaṃ bhaja bālasudhākiraṇābharaṇam || 2||

परिकीर्णसुवर्णसवर्णजटाभ्रमदभ्रसरिच्छरदभ्ररुचिः ।मुकुटे कुटिलं घटयन् शशिनं निटिलेऽनलदृग् जटिलो जयति ॥ ३॥

parikīrṇasuvarṇasavarṇajaṭābhramadabhrasariccharadabhraruciḥ |mukuṭe kuṭilaṃ ghaṭayan śaśinaṃ niṭile'naladṛg jaṭilo jayati || 3||

वटभूजतटीघटितस्फटिकोपलकुट्टिमवेदितले विमले ।स्मितफुल्लमुखं चिदुपात्तसुखं पुरवैरिमहः करवै हृदये ॥ ४॥

vaṭabhūjataṭīghaṭitasphaṭikopalakuṭṭimaveditale vimale |smitaphullamukhaṃ cidupāttasukhaṃ puravairimahaḥ karavai hṛdaye || 4||

अकलङ्कशशाङ्कसहस्रसहोदरदीधितिदीपितदिग्वलयम् ।निगमागमनीरधिनिर्मथनोदितमाकलयाम्यमृतं किमपि ॥ ५॥

akalaṅkaśaśāṅkasahasrasahodaradīdhitidīpitadigvalayam |nigamāgamanīradhinirmathanoditamākalayāmyamṛtaṃ kimapi || 5||

विषभूषमपाकृतदोषचयं मुनिवेषविशेषमशेषगुरुम् ।धृतचिन्मयमुद्रमहं कलये गतनिद्रममुद्रसमाधिविधौ ॥ ६॥

viṣabhūṣamapākṛtadoṣacayaṃ muniveṣaviśeṣamaśeṣagurum |dhṛtacinmayamudramahaṃ kalaye gatanidramamudrasamādhividhau || 6||

दृढयोगरसानुभवोत्कलिकं प्रसरत्पुलकं क्रतुभुक्तिलकम् ।भसितोल्लसितालिकविस्फुरितानलदृक्तिलकं कलितेन्दुशिखम् ॥ ७॥ (कलयेन्दु)

dṛḍhayogarasānubhavotkalikaṃ prasaratpulakaṃ kratubhuktilakam |bhasitollasitālikavisphuritānaladṛktilakaṃ kalitenduśikham || 7|| (kalayendu)

वद चित्त किमात्तमभूद्भवता भ्रमता बहुधाऽखिलदिक्षु मुधा । (बहुधा किल)निजशर्मकरं कुरु कर्म परं भवमेव भवापहमाकलय ॥ ८॥ (भयापहमाकलय)

vada citta kimāttamabhūdbhavatā bhramatā bahudhā'khiladikṣu mudhā | (bahudhā kila)nijaśarmakaraṃ kuru karma paraṃ bhavameva bhavāpahamākalaya || 8|| (bhayāpahamākalaya)

वरपुस्तकहस्तमपास्ततमः श्रुतिमस्तकशस्तसमस्तगुणम् ।मम निस्तुलवस्तु पुरोऽस्तु वरं प्रणवप्रवणप्रवरानुगतम् ॥ ९॥ (प्रवरावगतम्)

varapustakahastamapāstatamaḥ śrutimastakaśastasamastaguṇam |mama nistulavastu puro'stu varaṃ praṇavapravaṇapravarānugatam || 9|| (pravarāvagatam)

इति श्रीमेधादक्षिणामूर्तिस्तोत्रं सम्पूर्णम् ।

iti śrīmedhādakṣiṇāmūrtistotraṃ sampūrṇam |