दक्षिणामूर्तिस्तोत्रम् ५ अथवा मेधादक्षिणामूर्तिस्तोत्रम् Shri Medha Dakshinamurtistotram
dakṣiṇāmūrtistotram 5 athavā medhādakṣiṇāmūrtistotram
Shri Medha Dakshinamurtistotram (दक्षिणामूर्तिस्तोत्रम् ५ अथवा मेधादक्षिणामूर्तिस्तोत्रम्): a stotra to Śiva. 10 verses in Sanskrit with Devanagari and IAST.
- Stotra
- Stotra
- Śiva
- Stotra
दक्षिणामूर्तिस्तोत्रम् ५ अथवा मेधादक्षिणामूर्तिस्तोत्रम्
1 / 10
नतखेटनिशाटकिरीटतटी घटितोपलपाटलपीठितलम् ।तडिदाभजटापटलीमकुटं वटमूलकुटीनिलयं कलये ॥ १॥
natakheṭaniśāṭakirīṭataṭī ghaṭitopalapāṭalapīṭhitalam |taḍidābhajaṭāpaṭalīmakuṭaṃ vaṭamūlakuṭīnilayaṃ kalaye || 1||
स्मरणं खलु यच्चरणाम्बुजयोर्भरणाय भवोत्तरणाय भवेत् ।शरणं करुणावरुणावसथं भज बालसुधाकिरणाभरणम् ॥ २॥
smaraṇaṃ khalu yaccaraṇāmbujayorbharaṇāya bhavottaraṇāya bhavet |śaraṇaṃ karuṇāvaruṇāvasathaṃ bhaja bālasudhākiraṇābharaṇam || 2||
परिकीर्णसुवर्णसवर्णजटाभ्रमदभ्रसरिच्छरदभ्ररुचिः ।मकुटोकुटिलं छटयन् शशिनं निटिलेनलदृग्जटिलो जयति ॥ ३॥
parikīrṇasuvarṇasavarṇajaṭābhramadabhrasariccharadabhraruciḥ |makuṭokuṭilaṃ chaṭayan śaśinaṃ niṭilenaladṛgjaṭilo jayati || 3||
वरभूजकुटीघटितस्फटिकोपलकुट्टिमवेदितले विमले ।स्मितफुल्लमुखं चिदुपात्तसुखं पुरवैरिमहः करवै हृदये ॥ ४॥
varabhūjakuṭīghaṭitasphaṭikopalakuṭṭimaveditale vimale |smitaphullamukhaṃ cidupāttasukhaṃ puravairimahaḥ karavai hṛdaye || 4||
अकलङ्कशशाङ्कसहस्रसहोदरदीधितिदीपितदिग्वलयम् ।निगमागमनीरधिनिर्मथनोदितमाकलयाम्यमृतं किमपि ॥ ५॥
akalaṅkaśaśāṅkasahasrasahodaradīdhitidīpitadigvalayam |nigamāgamanīradhinirmathanoditamākalayāmyamṛtaṃ kimapi || 5||
विषभूषमपाकृतदोषचयं मुनिवेषविशेषमशेषगुरुम् ।धृतचिन्मयमुद्रमहं कलये गतनिद्रममुद्रसमाधिविधौ ॥ ६॥
viṣabhūṣamapākṛtadoṣacayaṃ muniveṣaviśeṣamaśeṣagurum |dhṛtacinmayamudramahaṃ kalaye gatanidramamudrasamādhividhau || 6||
दृढयोगरसानुभवोत्कलिकं प्रसरत्पुलकं क्रतुभुक्तिलकम् ।भसितोल्लसितालिकविस्फुरितानलदृक्तिलकं कलयेन्दुशिखम् ॥ ७॥
dṛḍhayogarasānubhavotkalikaṃ prasaratpulakaṃ kratubhuktilakam |bhasitollasitālikavisphuritānaladṛktilakaṃ kalayenduśikham || 7||
वद चित्त किमात्तमभूद्भवता भ्रमता बहुधाखिलदिक्षु मुधा ।निजशर्मकरं कुरु कर्म परं भवमेव भयापहमाकलय ॥ ८॥
vada citta kimāttamabhūdbhavatā bhramatā bahudhākhiladikṣu mudhā |nijaśarmakaraṃ kuru karma paraṃ bhavameva bhayāpahamākalaya || 8||
वरपुस्तकहस्तमपास्ततमः श्रुतिमस्तकशस्तसमस्तगुणम् ।मम निस्तुलवस्तु पुरोऽस्तु वरं प्रणवप्रवणप्रवरावगतम् ॥ ९॥
varapustakahastamapāstatamaḥ śrutimastakaśastasamastaguṇam |mama nistulavastu puro'stu varaṃ praṇavapravaṇapravarāvagatam || 9||
इति श्रीमेधादक्षिणामूर्तिस्तोत्रं सम्पूर्णम् ॥
iti śrīmedhādakṣiṇāmūrtistotraṃ sampūrṇam ||
॥ इति दक्षिणामूर्तिस्तोत्रम् ५ अथवा मेधादक्षिणामूर्तिस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Medha Dakshinamurtistotram?
Shri Medha Dakshinamurtistotram has 10 verses on this page, each shown with its number, Devanagari text and transliteration, and meaning where available.
Can I read Shri Medha Dakshinamurtistotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Medha Dakshinamurtistotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
