शिवस्तोत्रम् (कृष्णप्रोक्तं महाभारतान्तर्गतम् स देवेन्द्रश्च वायुश्च सोऽश्विनौ स च विद्युतः) Shri Krishnaproktam Shiva Stotram

स देवेन्द्रश्च वायुश्च सोऽश्विनौ स च विद्युतः ।स चन्द्रमाः स चेशानः स सूर्यो वरुणश्च सः ॥ ३७॥

sa devendraśca vāyuśca so'śvinau sa ca vidyutaḥ |sa candramāḥ sa ceśānaḥ sa sūryo varuṇaśca saḥ || 37||

स कालः सोऽन्तको मृत्युः स तमो रात्र्यहानि च ।मासार्धमासा ऋतवः सन्ध्ये संवत्सरश्च सः ॥ ३८॥

sa kālaḥ so'ntako mṛtyuḥ sa tamo rātryahāni ca |māsārdhamāsā ṛtavaḥ sandhye saṃvatsaraśca saḥ || 38||

स धाता स विधाता च विश्वकर्मा स सर्ववित् ।नक्षत्राणि दिशश्चैव प्रदिशोऽथ ग्रहास्तथा ।विश्वमूर्तिरमेयात्मा भगवानमितद्युतिः ॥ ३९॥

sa dhātā sa vidhātā ca viśvakarmā sa sarvavit |nakṣatrāṇi diśaścaiva pradiśo'tha grahāstathā |viśvamūrtirameyātmā bhagavānamitadyutiḥ || 39||

एकधा च द्विधा चैव बहुधा च स एव च ।शतधा सहस्रधा चैव तथा शतसहस्रधा ॥ ४०॥

ekadhā ca dvidhā caiva bahudhā ca sa eva ca |śatadhā sahasradhā caiva tathā śatasahasradhā || 40||

ईदृशः स महादेवो भूयश्च भगवानतः ।न हि शक्या गुणा वक्तुमपि वर्षशतैरपि ॥ ४१॥

īdṛśaḥ sa mahādevo bhūyaśca bhagavānataḥ |na hi śakyā guṇā vaktumapi varṣaśatairapi || 41||

इति महाभारते अनुशासनपर्वणि १४५ अध्यायान्तर्गतंश्रीकृष्णप्रोक्तं शिवस्तोत्रं सम्पूर्णम् ।महाभारत । अनुपर्व । अध्याय १४५/३७४१॥महाभारत । अनुपर्व । अध्याय १४५/३७-४१॥

iti mahābhārate anuśāsanaparvaṇi 145 adhyāyāntargataṃśrīkṛṣṇaproktaṃ śivastotraṃ sampūrṇam |mahābhārata | anuparva | adhyāya 145/3741||mahābhārata | anuparva | adhyāya 145/37-41||