खण्डराजस्तोत्रम् Shri Khandaraja Stotram

श्रीशङ्करावतारोऽयं खण्डराजो महामतिः ।तस्मै महालसेशाय मणिमल्लारये नमः ॥ १॥

śrīśaṅkarāvatāro'yaṃ khaṇḍarājo mahāmatiḥ |tasmai mahālaseśāya maṇimallāraye namaḥ || 1||

ऋषीणां यस्तपःसिद्ध्या अवतीर्य महीतले ।दैत्याननाशयत्तस्मै मणिमल्लारये नमः ॥ २॥

ṛṣīṇāṃ yastapaḥsiddhyā avatīrya mahītale |daityānanāśayattasmai maṇimallāraye namaḥ || 2||

यो वेदमयमास्थाय महाश्वमपराजितम् ।जघ्ने दैत्यरिपून्तस्मै मणिमल्लारये नमः ॥ ३॥

yo vedamayamāsthāya mahāśvamaparājitam |jaghne daityaripūntasmai maṇimallāraye namaḥ || 3||

पीतवस्त्रपरीधानः पीताभरणभूषितः ।त्रैलोक्यवन्दितस्तस्मै मणिमल्लारये नमः ॥ ४॥

pītavastraparīdhānaḥ pītābharaṇabhūṣitaḥ |trailokyavanditastasmai maṇimallāraye namaḥ || 4||

मार्गशीर्षे महामासे प्रत्यब्दं यन्महोत्सवः ।योऽभीष्टदो विभुस्तस्मै मणिमल्लारये नमः ॥ ५॥

mārgaśīrṣe mahāmāse pratyabdaṃ yanmahotsavaḥ |yo'bhīṣṭado vibhustasmai maṇimallāraye namaḥ || 5||

देवः प्रतापमार्तण्डभैरवः शत्रुकृन्तनः ।सर्वापत्तिहरस्तस्मै मणिमल्लारये नमः ॥ ६॥

devaḥ pratāpamārtaṇḍabhairavaḥ śatrukṛntanaḥ |sarvāpattiharastasmai maṇimallāraye namaḥ || 6||

खण्डराज प्रसीद त्वं सर्वापत्तिमपाकुरु ।पाहि मां त्वं प्रभो तुभ्यं मणिमल्लारये नमः ॥ ७॥

khaṇḍarāja prasīda tvaṃ sarvāpattimapākuru |pāhi māṃ tvaṃ prabho tubhyaṃ maṇimallāraye namaḥ || 7||

कायेन मनसा वाचा येऽपराधा मया कृताः ।तान्क्षमस्व प्रभो तुभ्यं मणिमल्लारये नमः ॥ ८॥

kāyena manasā vācā ye'parādhā mayā kṛtāḥ |tānkṣamasva prabho tubhyaṃ maṇimallāraye namaḥ || 8||

खण्डराजस्तुतिमिमां त्रिसन्ध्यं यः पठेद्।ह्विजः ।सर्वान्कामान्स आप्त्वेह शिवलोके महीयते ॥ ९॥

khaṇḍarājastutimimāṃ trisandhyaṃ yaḥ paṭhed|hvijaḥ |sarvānkāmānsa āptveha śivaloke mahīyate || 9||

इति श्रीवासुदेवानन्दसरस्वतीविरचितं श्रीखण्डराजस्तोत्रं सम्पूर्णम् ।

iti śrīvāsudevānandasarasvatīviracitaṃ śrīkhaṇḍarājastotraṃ sampūrṇam |