लिङ्गपञ्चविंशतिस्तोत्रम् Shri Linga Panchavimshati Stotram

श्रीमत्परमशिवामृतलिङ्गंश्रीपतिदीन(द्रुहिण)विलोकनलिङ्गम् ।सृष्टिस्थितिलयकारणलिङ्गंतं प्रणतोऽस्मि शमीवनलिङ्गम् ॥ १॥

śrīmatparamaśivāmṛtaliṅgaṃśrīpatidīna(druhiṇa)vilokanaliṅgam |sṛṣṭisthitilayakāraṇaliṅgaṃtaṃ praṇato'smi śamīvanaliṅgam || 1||

श्रीगिरिजापरमाद्भुतलिङ्गंश्रितजनतासंरक्षणलिङ्गम् ।शृङ्गाराङ्गमखान्तकलिङ्गंतं प्रणतोऽस्मि शमीवनलिङ्गम् ॥ २॥

śrīgirijāparamādbhutaliṅgaṃśritajanatāsaṃrakṣaṇaliṅgam |śṛṅgārāṅgamakhāntakaliṅgaṃtaṃ praṇato'smi śamīvanaliṅgam || 2||

अखिलजगद्धितमनुपमलिङ्गंसकलसुरासुरसेवितलिङ्गम् ।अकलङ्कमल (अकलङ्कं च) जटाधरलिङ्गंतं प्रणतोऽस्मि शमीवनलिङ्गम् ॥ ३॥

akhilajagaddhitamanupamaliṅgaṃsakalasurāsurasevitaliṅgam |akalaṅkamala (akalaṅkaṃ ca) jaṭādharaliṅgaṃtaṃ praṇato'smi śamīvanaliṅgam || 3||

रविशशिबाडबलोचनलिङ्गंरमणीयाण्डजकुण्डललिङ्गम् ।रतिपत्यङ्गविभङ्गसुलिङ्गंतं प्रणतोऽस्मि शमीवनलिङ्गम् ॥ ४॥

raviśaśibāḍabalocanaliṅgaṃramaṇīyāṇḍajakuṇḍalaliṅgam |ratipatyaṅgavibhaṅgasuliṅgaṃtaṃ praṇato'smi śamīvanaliṅgam || 4||

हरिहयमणिनिभकन्धरलिङ्गंहरिनन्दनगर्वान्तकलिङ्गम् ।हरमद्भुतमतिनिर्मललिङ्गंतं प्रणतोऽस्मि शमीवनलिङ्गम् ॥ ५॥

harihayamaṇinibhakandharaliṅgaṃharinandanagarvāntakaliṅgam |haramadbhutamatinirmalaliṅgaṃtaṃ praṇato'smi śamīvanaliṅgam || 5||

अधिकसमानविवर्जितलिङ्गंमधुरमनोज्ञसुभाषणलिङ्गम् ।विधिचापापविवर्जितलिङ्गं(?)तं भज विश्वेश्वरशिवलिङ्गम् ॥ ६॥

adhikasamānavivarjitaliṅgaṃmadhuramanojñasubhāṣaṇaliṅgam |vidhicāpāpavivarjitaliṅgaṃ(?)taṃ bhaja viśveśvaraśivaliṅgam || 6||

शरणागतसंरक्षणलिङ्गंकरुणारसमयलोचनलिङ्गम् ।तरुणारुणचरणं भज लिङ्गंतं भज विश्वेश्वरशिवलिङ्गम् ॥ ७॥

śaraṇāgatasaṃrakṣaṇaliṅgaṃkaruṇārasamayalocanaliṅgam |taruṇāruṇacaraṇaṃ bhaja liṅgaṃtaṃ bhaja viśveśvaraśivaliṅgam || 7||

लोकालोकव्यापकलिङ्गंकाकोदरपतिकङ्कणलिङ्गम् ।आकाशात्परचिन्मयलिङ्गंतं भज विश्वेश्वरशिवलिङ्गम् ॥ ८॥

lokālokavyāpakaliṅgaṃkākodarapatikaṅkaṇaliṅgam |ākāśātparacinmayaliṅgaṃtaṃ bhaja viśveśvaraśivaliṅgam || 8||

सामादिश्रुतिसन्नुतलिङ्गंसामजवाहनसेवितलिङ्गम् ।दामोदशरदृतबललिङ्गं(?)तं भज विश्वेश्वरशिवलिङ्गम् ॥ ९॥

sāmādiśrutisannutaliṅgaṃsāmajavāhanasevitaliṅgam |dāmodaśaradṛtabalaliṅgaṃ(?)taṃ bhaja viśveśvaraśivaliṅgam || 9||

अम्बरकेशमना(न)म्बरलिङ्गंकम्बुग्रीवमगोत्रजलिङ्गम् ।लम्बोदरगुहलालनलिङ्गंतं भज विश्वेश्वरशिवलिङ्गम् ॥ १०॥

ambarakeśamanā(na)mbaraliṅgaṃkambugrīvamagotrajaliṅgam |lambodaraguhalālanaliṅgaṃtaṃ bhaja viśveśvaraśivaliṅgam || 10||

पक्षापक्षविवर्जितलिङ्गंदक्षाध्वरसंरक्षित(संहारक)लिङ्गम् ।अक्षात्परमजमक्षयलिङ्गंतं प्रणतोऽस्मि शमीवनलिङ्गम् ॥ ११॥

pakṣāpakṣavivarjitaliṅgaṃdakṣādhvarasaṃrakṣita(saṃhāraka)liṅgam |akṣātparamajamakṣayaliṅgaṃtaṃ praṇato'smi śamīvanaliṅgam || 11||

रत्नगिरीन्द्रशरासनलिङ्गंरत्नमयोज्ज्वलभूषणलिङ्गम् ।आत्मानन्दसुखास्पदलिङ्गंतं प्रणतोऽस्मि शमीवनलिङ्गम् ॥ १२॥

ratnagirīndraśarāsanaliṅgaṃratnamayojjvalabhūṣaṇaliṅgam |ātmānandasukhāspadaliṅgaṃtaṃ praṇato'smi śamīvanaliṅgam || 12||

तत्त्वम्पदवाच्याधिकलिङ्गंतारकयोगविधायकलिङ्गम् ।चिन्मयनित्यनिरञ्जनलिङ्गंतं प्रणतोऽस्मि शमीवनलिङ्गम् ॥ १३॥

tattvampadavācyādhikaliṅgaṃtārakayogavidhāyakaliṅgam |cinmayanityanirañjanaliṅgaṃtaṃ praṇato'smi śamīvanaliṅgam || 13||

दशदिग्वाससमनुपमलिङ्गंदशकन्धरगानप्रियलिङ्गम् ।पशुपाशत्वविमोचनलिङ्गंतं भज विश्वेश्वरशिवलिङ्गम् ॥ १४॥

daśadigvāsasamanupamaliṅgaṃdaśakandharagānapriyaliṅgam |paśupāśatvavimocanaliṅgaṃtaṃ bhaja viśveśvaraśivaliṅgam || 14||

गौरीकुचकलशाङ्कितलिङ्गंशौरीक्षणजलजाप्रण(र्पण)लिङ्गं (?) ।वैरीन्द्रियनिवहान्तकलिङ्गंतं भज विश्वेश्वरशिवलिङ्गम् ॥ १५॥

gaurīkucakalaśāṅkitaliṅgaṃśaurīkṣaṇajalajāpraṇa(rpaṇa)liṅgaṃ (?) |vairīndriyanivahāntakaliṅgaṃtaṃ bhaja viśveśvaraśivaliṅgam || 15||

भैरवबाहुबलाकरलिङ्गंकैरवबन्धुकलाधरलिङ्गम् ।कौरवशत्रुजनार्चितलिङ्गंतं भज विश्वेश्वरशिवलिङ्गम् ॥ १६॥

bhairavabāhubalākaraliṅgaṃkairavabandhukalādharaliṅgam |kauravaśatrujanārcitaliṅgaṃtaṃ bhaja viśveśvaraśivaliṅgam || 16||

किङ्करभयनाशङ्करलिङ्गंकुङ्कुमपङ्कविलेपनलिङ्गम् ।शङ्करमादिनिरङ्कुशलिङ्गंतं भज विश्वेश्वरशिवलिङ्गम् ॥ १७॥

kiṅkarabhayanāśaṅkaraliṅgaṃkuṅkumapaṅkavilepanaliṅgam |śaṅkaramādiniraṅkuśaliṅgaṃtaṃ bhaja viśveśvaraśivaliṅgam || 17||

सनकसनन्दनसन्नुतलिङ्गमनघमनन्तमबाधितलिङ्गम् ।मुनिजनमनुवनजस्थितलिङ्गंतं भज विश्वेश्वरशिवलिङ्गम् ॥ १८॥

sanakasanandanasannutaliṅgamanaghamanantamabādhitaliṅgam |munijanamanuvanajasthitaliṅgaṃtaṃ bhaja viśveśvaraśivaliṅgam || 18||

मननविहीनमनोन्मनलिङ्गंविनुतविशुद्धसनातनलिङ्गम् ।जननविनाशमनाकुललिङ्गंतं भज विश्वेश्वर शिवलिङ्गम् ॥ १९॥

mananavihīnamanonmanaliṅgaṃvinutaviśuddhasanātanaliṅgam |jananavināśamanākulaliṅgaṃtaṃ bhaja viśveśvara śivaliṅgam || 19||

स्फुटतरमोदसुरेश्वरलिङ्गंपटुतरहठयोगप्रियलिङ्गम् ।वटतरुमूलतटालयलिङ्गंतं भज विश्वेश्वरशिवलिङ्गम् ॥ २०॥

sphuṭataramodasureśvaraliṅgaṃpaṭutarahaṭhayogapriyaliṅgam |vaṭatarumūlataṭālayaliṅgaṃtaṃ bhaja viśveśvaraśivaliṅgam || 20||

उग्राकारमनुग्रहलिङ्गंनिग्रहरूपमनुग्रहलिङ्गम् ।व्याघ्रपदार्चितमग्रजलिङ्गंतं भज विश्वेश्वरशिवलिङ्गम् ॥ २१॥

ugrākāramanugrahaliṅgaṃnigraharūpamanugrahaliṅgam |vyāghrapadārcitamagrajaliṅgaṃtaṃ bhaja viśveśvaraśivaliṅgam || 21||

ईक्षणदूरनिरीक्षणलिङ्गंसूक्ष्ममजरमनपेक्षित(क्षज)लिङ्गम् ।पञ्चाशात्मकपौरुषलिङ्गंपञ्चीकरणविदा(धा)यकलिङ्गम् ।पञ्चाक्षरपञ्चाननलिङ्गंतं भज विश्वेश्वरशिवलिङ्गम् ॥ २२॥

īkṣaṇadūranirīkṣaṇaliṅgaṃsūkṣmamajaramanapekṣita(kṣaja)liṅgam |pañcāśātmakapauruṣaliṅgaṃpañcīkaraṇavidā(dhā)yakaliṅgam |pañcākṣarapañcānanaliṅgaṃtaṃ bhaja viśveśvaraśivaliṅgam || 22||

पाद(पाप)विदूरमहोन्नतलिङ्गंपालितभुवनचतुर्दशलिङ्गम् ।पातालेशसदाशिवलिङ्गंतं भज विश्वेश्वरशिवलिङ्गम् ॥ २३॥

pāda(pāpa)vidūramahonnataliṅgaṃpālitabhuvanacaturdaśaliṅgam |pātāleśasadāśivaliṅgaṃtaṃ bhaja viśveśvaraśivaliṅgam || 23||

पशुपतितुरगारोहणलिङ्गंपरमपदादिशुभप्रदलिङ्गम् ।परमशिवाश्रमपालनलिङ्गंतं प्रणतोऽस्मि शमीवनलिङ्गम् ॥ २४॥

paśupatituragārohaṇaliṅgaṃparamapadādiśubhapradaliṅgam |paramaśivāśramapālanaliṅgaṃtaṃ praṇato'smi śamīvanaliṅgam || 24||

एतत्पञ्चविंशतिलिङ्गश्लोकानि च यः पठति सकृद्वा ।तस्य जरामृतिभयमपि न हि(नास्ति)देहान्ते परशिवमाप्नोति ॥ २५॥

etatpañcaviṃśatiliṅgaślokāni ca yaḥ paṭhati sakṛdvā |tasya jarāmṛtibhayamapi na hi(nāsti)dehānte paraśivamāpnoti || 25||

॥ इति श्रीलिङ्गपञ्चविंशतिस्तोत्रं सम्पूर्णम् ॥

|| iti śrīliṅgapañcaviṃśatistotraṃ sampūrṇam ||