शिवरहस्यमहिमावर्णनम् Shivarahasyamahimavarnanam

(शिवरहस्यान्तर्गते ईशाख्ये)सूत उवाच ।जैगीषव्यस्तदा श्रुत्वा षण्मुखात्सुरतायनम् ।द्वादशांशसमायुक्तं गौर्यै यच्छङ्करोदितम् ॥ १॥

(śivarahasyāntargate īśākhye)sūta uvāca |jaigīṣavyastadā śrutvā ṣaṇmukhātsuratāyanam |dvādaśāṃśasamāyuktaṃ gauryai yacchaṅkaroditam || 1||

शिवं शिवरहस्याख्यमितिहासवरं मुदा ।शिवानन्दकथासारं तारकं पापवारकम् ॥ २॥

śivaṃ śivarahasyākhyamitihāsavaraṃ mudā |śivānandakathāsāraṃ tārakaṃ pāpavārakam || 2||

पुण्यं स्वस्त्ययनं पुंसां श्रवणात्सर्वकामदम् ।भव्यं दिव्यप्रशस्यं च पुत्रारोग्यप्रवर्धनम् ॥ ३॥

puṇyaṃ svastyayanaṃ puṃsāṃ śravaṇātsarvakāmadam |bhavyaṃ divyapraśasyaṃ ca putrārogyapravardhanam || 3||

सनातनमिदं धर्म्यं शिवधर्मकथाश्रयम् ।पशुपाशविमोकार्थं सर्वेषां शङ्करोदितम् ॥ ४॥

sanātanamidaṃ dharmyaṃ śivadharmakathāśrayam |paśupāśavimokārthaṃ sarveṣāṃ śaṅkaroditam || 4||

गौर्यैस्वहृदयं गोप्यं नाभक्ते प्रतिपादयेत् ।आयुरारोग्यदं ह्येतत् इतिहासं शिवोदितम् ॥ ५॥

gauryaisvahṛdayaṃ gopyaṃ nābhakte pratipādayet |āyurārogyadaṃ hyetat itihāsaṃ śivoditam || 5||

यथा शिवसमो देवो न भूतो न भविष्यति ।तथा शिवरहस्यस्य तुल्यमन्यन्न विद्यते ॥ १४॥

yathā śivasamo devo na bhūto na bhaviṣyati |tathā śivarahasyasya tulyamanyanna vidyate || 14||

विभूषणं भस्मनोऽन्यन्नास्ति न श्रूयते श्रुतौ ।तथा शिवरहस्यस्य तुल्यमन्यन्न विद्यते ॥ १५॥

vibhūṣaṇaṃ bhasmano'nyannāsti na śrūyate śrutau |tathā śivarahasyasya tulyamanyanna vidyate || 15||

यथा त्रिपुण्ड्रात्परमं पावनं नैव विद्यते ।तथा शिवरहस्यस्य तुल्यमन्यन्न विद्यते ॥ १६॥

yathā tripuṇḍrātparamaṃ pāvanaṃ naiva vidyate |tathā śivarahasyasya tulyamanyanna vidyate || 16||

यथा पञ्चाक्षरजपान्नास्ति पातकशोधनम् ।तथा शिवरहस्यस्य तुल्यमन्यन्न विद्यते ॥ १७॥

yathā pañcākṣarajapānnāsti pātakaśodhanam |tathā śivarahasyasya tulyamanyanna vidyate || 17||

यथा रुद्रजपादन्यन्नास्ति प्रीतिकरं विभो ।तथा शिवरहस्यस्य तुल्यमन्यन्न विद्यते ॥ १८॥

yathā rudrajapādanyannāsti prītikaraṃ vibho |tathā śivarahasyasya tulyamanyanna vidyate || 18||

यथा रुद्रार्चनाच्छ्रेष्ठं नास्ति वेदान्तसंस्तुतम् ।तथा शिवरहस्यस्य तुल्यमन्यन्न विद्यते ॥ १९॥

yathā rudrārcanācchreṣṭhaṃ nāsti vedāntasaṃstutam |tathā śivarahasyasya tulyamanyanna vidyate || 19||

यथोत्तमं शिवक्षेत्रमविमुक्तं श्रुतीरितम् ।तथा शिवरहस्यस्य तुल्यमन्यन्न विद्यते ॥ २०॥

yathottamaṃ śivakṣetramavimuktaṃ śrutīritam |tathā śivarahasyasya tulyamanyanna vidyate || 20||

प्रदोषकालः कालेषु यथा शैवार्चने (शर्वार्चने) वरः ।तथा शिवरहस्यस्य तुल्यमन्यन्न विद्यते ॥ २१॥

pradoṣakālaḥ kāleṣu yathā śaivārcane (śarvārcane) varaḥ |tathā śivarahasyasya tulyamanyanna vidyate || 21||

व्रतानां तु यथा श्रेष्ठं शिवरात्रिव्रतं बुधाः ।तथा शिवरहस्यस्य तुल्यमन्यन्न विद्यते ॥ २२॥

vratānāṃ tu yathā śreṣṭhaṃ śivarātrivrataṃ budhāḥ |tathā śivarahasyasya tulyamanyanna vidyate || 22||

वारव्रते यथा श्रेष्ठं सोमवारार्चनं द्विजाः ।तथा शिवरहस्यस्य तुल्यमन्यन्न विद्यते ॥ २३॥

vāravrate yathā śreṣṭhaṃ somavārārcanaṃ dvijāḥ |tathā śivarahasyasya tulyamanyanna vidyate || 23||

तिथ्यर्चने यथा श्रेष्ठा शम्भोः कालाष्टमी वरा ।तथा शिवरहस्यस्य तुल्यमन्यन्न विद्यते ॥ २४॥

tithyarcane yathā śreṣṭhā śambhoḥ kālāṣṭamī varā |tathā śivarahasyasya tulyamanyanna vidyate || 24||

पर्वार्चने यथा श्रेष्ठा शम्भोर्नित्यं चतुर्दशी ।तथा शिवरहस्यस्य तुल्यमन्यन्न विद्यते ॥ २५॥

parvārcane yathā śreṣṭhā śambhornityaṃ caturdaśī |tathā śivarahasyasya tulyamanyanna vidyate || 25||

त्रिणेत्रप्रीतिकृन्नित्यं यथाह्याद्रर्क्षमीश्वरि ।तथा शिवरहस्यस्य तुल्यमन्यन्न विद्यते ॥ २६॥

triṇetraprītikṛnnityaṃ yathāhyādrarkṣamīśvari |tathā śivarahasyasya tulyamanyanna vidyate || 26||

पत्रेषु च यथा मुख्यं बिल्वपत्रं शिवार्चने ।तथा शिवरहस्येन तुल्यमन्यन्न विद्यते ॥ २७॥

patreṣu ca yathā mukhyaṃ bilvapatraṃ śivārcane |tathā śivarahasyena tulyamanyanna vidyate || 27||

श्रुत्वैतद्भक्तिमाप्नोति शम्भोर्नित्यं विमुक्तये ।तथा भस्मनि रुद्राक्षे शिवलिङ्गार्चने द्विजाः ॥ २८॥

śrutvaitadbhaktimāpnoti śambhornityaṃ vimuktaye |tathā bhasmani rudrākṣe śivaliṅgārcane dvijāḥ || 28||

पञ्चाक्षरे च रुद्राक्षे सोमवारार्चने यथा ।शिवक्षेत्रनिवासेषु अविमुक्ते विशेषतः ॥ २९॥

pañcākṣare ca rudrākṣe somavārārcane yathā |śivakṣetranivāseṣu avimukte viśeṣataḥ || 29||

शिवनाम्नि सदा भूयाद्भक्तिरस्य श्रवाद्द्विजाः ।तया भक्त्या विमुच्यन्ते ससुरासुरमानवाः ॥ ३०॥

śivanāmni sadā bhūyādbhaktirasya śravāddvijāḥ |tayā bhaktyā vimucyante sasurāsuramānavāḥ || 30||

भक्तिप्रदमिदं पुण्यमितिहासोत्तमं वरम् ।दिव्यं शिवरहस्याख्यं द्वादशांशसमुज्ज्वलम् ॥ ३१॥

bhaktipradamidaṃ puṇyamitihāsottamaṃ varam |divyaṃ śivarahasyākhyaṃ dvādaśāṃśasamujjvalam || 31||

यस्य तुल्यं न हि श्रेष्ठं पुराणं भारतं तथा ।काव्यं रामायणं वापि संसारवरदुःखदम् ॥ ३२॥

yasya tulyaṃ na hi śreṣṭhaṃ purāṇaṃ bhārataṃ tathā |kāvyaṃ rāmāyaṇaṃ vāpi saṃsāravaraduḥkhadam || 32||

न तानि भक्तिदान्याहुः शम्भोः शाम्भवसत्तमाः ।भक्तिदं केवलं ह्येतच्छम्भुनोक्तमिदं शुभम् ॥ ३३॥

na tāni bhaktidānyāhuḥ śambhoḥ śāmbhavasattamāḥ |bhaktidaṃ kevalaṃ hyetacchambhunoktamidaṃ śubham || 33||

पुण्यं शिवरहस्याख्यं भक्तिसारमहोदयम् ।भक्तैरेव सदा श्राव्यं अभक्तैर्न कदाचन ॥ ३४॥

puṇyaṃ śivarahasyākhyaṃ bhaktisāramahodayam |bhaktaireva sadā śrāvyaṃ abhaktairna kadācana || 34||

सत्यं सत्यमिदं सत्यमेवं गौर्यै वदत्तदा (जगाद सः) ।सावधानेन युष्मासु भक्तेषु प्रतिपादितम् ॥ ३५॥

satyaṃ satyamidaṃ satyamevaṃ gauryai vadattadā (jagāda saḥ) |sāvadhānena yuṣmāsu bhakteṣu pratipāditam || 35||

यथा मृगेन्द्रसङ्काशो जम्बुकः किं (जम्बुको न) भविष्यति ।तथा शिवरहस्यस्य साम्यमन्यन्न विद्यते ॥ ३६॥

yathā mṛgendrasaṅkāśo jambukaḥ kiṃ (jambuko na) bhaviṣyati |tathā śivarahasyasya sāmyamanyanna vidyate || 36||

पद्मरागसमं रत्नं काचखण्डो भवेत्किमु ।तथा शिवरहस्यस्य साम्यमन्यन्न (सममन्यन्न) विद्यते ॥ ३७॥

padmarāgasamaṃ ratnaṃ kācakhaṇḍo bhavetkimu |tathā śivarahasyasya sāmyamanyanna (samamanyanna) vidyate || 37||

यथा चन्दनसङ्काशः पारिभद्रो भविष्यति ।तथा शिवरहस्यस्य साम्यमन्यन्न (सममन्यन्न) विद्यते ॥ ३८॥

yathā candanasaṅkāśaḥ pāribhadro bhaviṣyati |tathā śivarahasyasya sāmyamanyanna (samamanyanna) vidyate || 38||

उद्यद्युमणिसङ्काशः खद्योतो द्योतते किमु ।तथा शिवरहस्यस्य साम्यमन्यन्न (सममन्यन्न) विद्यते ॥ ३९॥

udyadyumaṇisaṅkāśaḥ khadyoto dyotate kimu |tathā śivarahasyasya sāmyamanyanna (samamanyanna) vidyate || 39||

किं रासभोऽश्वसङ्काशो भवेदेष प्रघोषवाक् ।तथा शिवरहस्यस्य साम्यमन्यन्न (सममन्यन्न) विद्यते ॥ ४०॥

kiṃ rāsabho'śvasaṅkāśo bhavedeṣa praghoṣavāk |tathā śivarahasyasya sāmyamanyanna (samamanyanna) vidyate || 40||

कनकाचलसङ्काशः पांसुपिण्डो भविष्यति ।तथा शिवरहस्यस्य साम्यमन्यन्न (सममन्यन्न) विद्यते ॥ ४१॥

kanakācalasaṅkāśaḥ pāṃsupiṇḍo bhaviṣyati |tathā śivarahasyasya sāmyamanyanna (samamanyanna) vidyate || 41||

कोकिलाकाकलीलापं कुर्याद् ध्वाङ्क्षोऽतिरूक्षवाक् ।तथा शिवरहस्यस्य साम्यमन्यन्न (सममन्यन्न) विद्यते ॥ ४२॥

kokilākākalīlāpaṃ kuryād dhvāṅkṣo'tirūkṣavāk |tathā śivarahasyasya sāmyamanyanna (samamanyanna) vidyate || 42||

॥ इति शिवरहस्यान्तर्गते शिवरहस्यमहिमावर्णनं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । ३७ मुनिसमागमः । १४२ ॥

|| iti śivarahasyāntargate śivarahasyamahimāvarṇanaṃ sampūrṇam |||| śrīśivarahasyam | īśākhyaḥ dvādaśamāṃśaḥ | 37 munisamāgamaḥ | 142 ||

– ॥ श्रीशिवरहस्यम् ।ईशाख्यः द्वादशमांशः ।३७ मुनिसमागमः ।१-४२ ॥

– || śrīśivarahasyam |īśākhyaḥ dvādaśamāṃśaḥ | 37 munisamāgamaḥ | 1-42 ||