शिवनामौषधम् Shivanamaushadham

याज्ञवल्क्यःअभिनवमिदमौषधं जनानां जननविनाशकमेकमेव लोके ।कथमपि गिरिशाभिधानरूपं शिव शिव सृष्टमिदं मनोहरं मे ॥ ५॥

yājñavalkyaḥabhinavamidamauṣadhaṃ janānāṃ jananavināśakamekameva loke |kathamapi giriśābhidhānarūpaṃ śiva śiva sṛṣṭamidaṃ manoharaṃ me || 5||

शिव शिव शिव चातुरी किमेषा जनजननामयभोगनाशनाय ।शिवपदरचनानुकूलरूपा शिवपदमेतदपूर्वमौषधं हि ॥ ६॥

śiva śiva śiva cāturī kimeṣā janajananāmayabhoganāśanāya |śivapadaracanānukūlarūpā śivapadametadapūrvamauṣadhaṃ hi || 6||

रे रे जनाः पिबत शङ्करनामधेयपीयूषरूपमिदमौषधमादरेण ।तेनैव जन्ममरणादिकरोगभोगसम्भावितोऽपि न भविष्यति सर्वदाऽपि ॥ ७॥

re re janāḥ pibata śaṅkaranāmadheyapīyūṣarūpamidamauṣadhamādareṇa |tenaiva janmamaraṇādikarogabhogasambhāvito'pi na bhaviṣyati sarvadā'pi || 7||

अहो जनास्तावदतः परं नः सर्वात्मना जन्म जरा मृतिर्वा ।नास्त्येव सृष्टं शिवनामरूपमभूतपूर्वं परमौषधं हि ॥ ८॥

aho janāstāvadataḥ paraṃ naḥ sarvātmanā janma jarā mṛtirvā |nāstyeva sṛṣṭaṃ śivanāmarūpamabhūtapūrvaṃ paramauṣadhaṃ hi || 8||

शिवशङ्करनामरूपमेतत् गिरिशेनापि न सृष्टमौषधं चेत् ।जरया मरणेन पीडिताः स्युः जननेनापि जगत्त्रयान्तरस्थाः ॥ ९॥

śivaśaṅkaranāmarūpametat giriśenāpi na sṛṣṭamauṣadhaṃ cet |jarayā maraṇena pīḍitāḥ syuḥ jananenāpi jagattrayāntarasthāḥ || 9||

जन्तुर्वाञ्छति जन्मरोगविलयं तत्कारणेच्छा परंलोके कस्यचिदेव भूरितपसा पुण्यैरपोरैरपि ।तत्तावद्गिरिशाभिधानमसकृत्संसेवितं भाग्यतःतज्जन्मापनयं करोति सकृदप्यावर्तनेनापि किम् ॥ १०॥

janturvāñchati janmarogavilayaṃ tatkāraṇecchā paraṃloke kasyacideva bhūritapasā puṇyairaporairapi |tattāvadgiriśābhidhānamasakṛtsaṃsevitaṃ bhāgyataḥtajjanmāpanayaṃ karoti sakṛdapyāvartanenāpi kim || 10||

शिवाभिधानाभिधमौषधं चेत् पीतं सकृत्सर्वरुजां विनाशम् ।करोति तत्तुल्यमिदं विचित्रं मेने च सर्वामयनाश एव ॥ ११॥

śivābhidhānābhidhamauṣadhaṃ cet pītaṃ sakṛtsarvarujāṃ vināśam |karoti tattulyamidaṃ vicitraṃ mene ca sarvāmayanāśa eva || 11||

श्रुतमपि शिवनामधेयरूपं परममिहौषधमामयप्रवाहान् ।परिहरति विचित्रमेवमेतत् किमिति न पीतमनामयाय लोकैः ॥ १२॥

śrutamapi śivanāmadheyarūpaṃ paramamihauṣadhamāmayapravāhān |pariharati vicitramevametat kimiti na pītamanāmayāya lokaiḥ || 12||

संसारामयभेषजं श्रवणमप्यारोग्यहेतुः परंतत्तावद्गिरिशाभिधानमिति मे जिह्वाङ्गणे सर्वदा ।नृत्यत्यादरपूर्वकं शिवकथापीयूषधारान्वितं तत्किं मे न करिष्यतीति सकलाभीष्टप्रदं तन्मम ॥ १३॥

saṃsārāmayabheṣajaṃ śravaṇamapyārogyahetuḥ paraṃtattāvadgiriśābhidhānamiti me jihvāṅgaṇe sarvadā |nṛtyatyādarapūrvakaṃ śivakathāpīyūṣadhārānvitaṃ tatkiṃ me na kariṣyatīti sakalābhīṣṭapradaṃ tanmama || 13||

एकेनापि सकृत् प्रसङ्गवशतः पीतं तदेवौषधंशर्वाणीरमणाभिधानममरान् कर्तुं प्रवृत्तं श्रुतम् ।तद्वंश्यानखिलांस्तदीप्सिततमान् भृत्यानपीत्यद्भुतंमन्ये शङ्करनामरूपमनघं दिव्यौषधं दुर्लभम् ॥ १४॥

ekenāpi sakṛt prasaṅgavaśataḥ pītaṃ tadevauṣadhaṃśarvāṇīramaṇābhidhānamamarān kartuṃ pravṛttaṃ śrutam |tadvaṃśyānakhilāṃstadīpsitatamān bhṛtyānapītyadbhutaṃmanye śaṅkaranāmarūpamanaghaṃ divyauṣadhaṃ durlabham || 14||

निरामयोऽयं धनराशिभिः स्यात् पुत्रैः प्रपौत्रैः कमलाविलासैः ।व्याप्तः श्रुतेनापि शिवाभिधानदिव्यौषधेनेति मतिः प्रिया मे ॥ १५॥

nirāmayo'yaṃ dhanarāśibhiḥ syāt putraiḥ prapautraiḥ kamalāvilāsaiḥ |vyāptaḥ śrutenāpi śivābhidhānadivyauṣadheneti matiḥ priyā me || 15||

॥ इति शिवरहस्यान्तर्गते शिवनामौषधं सम्पूर्णम् ॥॥ श्रीशिवरहस्यम् । हराख्यः तृतीयांशः । उत्तरार्धम् । अध्यायः १९। ५१५ ॥

|| iti śivarahasyāntargate śivanāmauṣadhaṃ sampūrṇam |||| śrīśivarahasyam | harākhyaḥ tṛtīyāṃśaḥ | uttarārdham | adhyāyaḥ 19| 515 ||

– ॥ श्रीशिवरहस्यम् ।हराख्यः तृतीयांशः ।उत्तरार्धम् ।अध्यायः १९। ५-१५ ॥

– || śrīśivarahasyam |harākhyaḥ tṛtīyāṃśaḥ |uttarārdham |adhyāyaḥ 19| 5-15 ||