शिवमीडेस्तवः Shivamide Stavah

वैलक्षण्यं धामसु यस्य त्रिषु सिद्धंभोग्याद्भोक्तुर्भोगत एवं त्रिविधाच्च ।यस्माच्छ्रत्या नास्ति च कश्चिद् व्यतिरिक्तस्तं चिन्मात्रं साक्षिणमेकं शिवमीडे ॥ १॥

vailakṣaṇyaṃ dhāmasu yasya triṣu siddhaṃbhogyādbhokturbhogata evaṃ trividhācca |yasmācchratyā nāsti ca kaścid vyatiriktastaṃ cinmātraṃ sākṣiṇamekaṃ śivamīḍe || 1||

एको ध्येयस्त्वात्मतयेति हि वेदान्तेयोऽन्यत्सर्वं श्रूयत एवं सन्त्यज्य ।सर्वव्यापी भाति च भगवान् यो देवस्तं चिन्मात्रं साक्षिणमेकं शिवमीडे ॥ २॥

eko dhyeyastvātmatayeti hi vedānteyo'nyatsarvaṃ śrūyata evaṃ santyajya |sarvavyāpī bhāti ca bhagavān yo devastaṃ cinmātraṃ sākṣiṇamekaṃ śivamīḍe || 2||

आकाशोयं स्याद्यदि दहरोनानन्दःकोह्येवान्यात्प्राणभृदत्र गतप्राण्यात् ।भूमानन्दः प्रत्यगभिन्नः सकलात्मातं चिन्मात्रं साक्षिणमेकं शिवमीडे ॥ ३॥

ākāśoyaṃ syādyadi daharonānandaḥkohyevānyātprāṇabhṛdatra gataprāṇyāt |bhūmānandaḥ pratyagabhinnaḥ sakalātmātaṃ cinmātraṃ sākṣiṇamekaṃ śivamīḍe || 3||

आदित्यान्तर्यामिणमोश्वरमात्मेच्छुर्गायत्र्यैवानन्यमिहान्वहमाराध्य ।प्राप्नोत्याराद्विष्णुपदं तच्छिवसंज्ञंतं चिन्मात्रं साक्षिणमेकं शिवमीडे ॥ ४॥

ādityāntaryāmiṇamośvaramātmecchurgāyatryaivānanyamihānvahamārādhya |prāpnotyārādviṣṇupadaṃ tacchivasaṃjñaṃtaṃ cinmātraṃ sākṣiṇamekaṃ śivamīḍe || 4||

दुःखस्यान्तमभीप्सव एनं सद्रूपंब्रह्माभिख्यं स्वात्मतया हृदि यं मत्वा ।मुक्तिं यान्तीत्यत्र तु नान्योस्ति च पन्थातं चिन्मात्रं साक्षिणमेकं शिवमीडे ॥ ५॥

duḥkhasyāntamabhīpsava enaṃ sadrūpaṃbrahmābhikhyaṃ svātmatayā hṛdi yaṃ matvā |muktiṃ yāntītyatra tu nānyosti ca panthātaṃ cinmātraṃ sākṣiṇamekaṃ śivamīḍe || 5||

सत्यज्ञानानन्तरसोस्त्यपि चास्थूलोह्रस्वोजो योऽणुत्वविहीनो न च दीर्घः ।अद्वैतात्मकपूर्णशिवो यो ब्रह्माख्यस्तं चिन्मात्रं साक्षिणमेकं शिवमीडे ॥ ६॥

satyajñānānantarasostyapi cāsthūlohrasvojo yo'ṇutvavihīno na ca dīrghaḥ |advaitātmakapūrṇaśivo yo brahmākhyastaṃ cinmātraṃ sākṣiṇamekaṃ śivamīḍe || 6||

ध्यातृध्यानध्येयभिदां यः परिहत्यस्वस्थो भूत्वा केवल एकः परिशिष्टः ।स्वानन्यत्वं पश्यति यज्ञस्समभक्तस्तं चिन्मात्रं साक्षिणमेकं शिवमीडे ॥ ७॥

dhyātṛdhyānadhyeyabhidāṃ yaḥ parihatyasvastho bhūtvā kevala ekaḥ pariśiṣṭaḥ |svānanyatvaṃ paśyati yajñassamabhaktastaṃ cinmātraṃ sākṣiṇamekaṃ śivamīḍe || 7||

यस्यैवैकम्पादममुं वै भुवनाख्यंत्यक्त्वा नानाकारतयैवत्रिभिरन्यैः ।ऐक्यं लब्ध्वा भाति च योगी क्रमशोऽस्मिन्तं चिन्मात्रं साक्षिणमेकं शिवमीडे ॥ ८॥

yasyaivaikampādamamuṃ vai bhuvanākhyaṃtyaktvā nānākāratayaivatribhiranyaiḥ |aikyaṃ labdhvā bhāti ca yogī kramaśo'smintaṃ cinmātraṃ sākṣiṇamekaṃ śivamīḍe || 8||

सर्वात्मस्थं स्वात्मतया सम्प्रतिपन्नस्स्वास्थ्यं वै तत्सर्वतया च प्रतिपन्नः ।पूर्णानन्दो मादृगनन्तः पुरुषस्स्यात्तं चिन्मात्रं साक्षिणमेकं शिवमीडे ॥ ९॥

sarvātmasthaṃ svātmatayā sampratipannassvāsthyaṃ vai tatsarvatayā ca pratipannaḥ |pūrṇānando mādṛganantaḥ puruṣassyāttaṃ cinmātraṃ sākṣiṇamekaṃ śivamīḍe || 9||

सर्वज्ञत्वं मायिकमीशे सन्त्यक्त्वाकिञ्चिज्ज्ञत्वं तद्वदमुष्मिन्नपि जीवे ।चिन्मात्रैकं पश्यति योगी लक्षणयातं चिन्मात्रं साक्षिणमेकं शिवमीडे ॥ १०॥

sarvajñatvaṃ māyikamīśe santyaktvākiñcijjñatvaṃ tadvadamuṣminnapi jīve |cinmātraikaṃ paśyati yogī lakṣaṇayātaṃ cinmātraṃ sākṣiṇamekaṃ śivamīḍe || 10||

सर्वज्ञोऽपि स्वाधिकहीनः सकलज्ञःकिञ्चिज्ज्ञोऽपि स्वयमिहहीनः किञ्चिज्ज्ञः ।ज्ञानाज्ञानाभ्यामपि चान्यः परमात्मातं चिन्मात्रं साक्षिणमेकं शिवमीडे ॥ ११॥

sarvajño'pi svādhikahīnaḥ sakalajñaḥkiñcijjño'pi svayamihahīnaḥ kiñcijjñaḥ |jñānājñānābhyāmapi cānyaḥ paramātmātaṃ cinmātraṃ sākṣiṇamekaṃ śivamīḍe || 11||

ओङ्कारार्थो हंसरहस्यः परिपूर्णःप्रत्यग्रूपो भाति च पञ्चाक्षरगम्यः ।ईशस्सोऽस्मीत्येव समाध्या विदितस्स्यात्तं चिन्मात्रं साक्षिणमेकं शिवमीडे ॥ १२॥

oṅkārārtho haṃsarahasyaḥ paripūrṇaḥpratyagrūpo bhāti ca pañcākṣaragamyaḥ |īśasso'smītyeva samādhyā viditassyāttaṃ cinmātraṃ sākṣiṇamekaṃ śivamīḍe || 12||

शैवागम्यो वैष्णवगम्यश्शिव एकःसर्वैरव्यैर्वेदमतस्थैर्न च शैवाद्वैतध्यातृभिरेव तु सङ्गम्यस्तं चिन्मात्रं साक्षिणमेकं शिवमीडे ॥ १३॥

śaivāgamyo vaiṣṇavagamyaśśiva ekaḥsarvairavyairvedamatasthairna ca śaivādvaitadhyātṛbhireva tu saṅgamyastaṃ cinmātraṃ sākṣiṇamekaṃ śivamīḍe || 13||

ज्योतिर्लिङ्गं स्वात्मनि दृष्ट्वा देहादीन्लोकान् हित्वाऽखण्डमनन्तं परिपश्यन् ।जीवन्मुक्तोहङ्कृतहीनश्शिवयोगीतं चिन्मात्रं साक्षिणमेकं शिवमीडे ॥ १४॥

jyotirliṅgaṃ svātmani dṛṣṭvā dehādīnlokān hitvā'khaṇḍamanantaṃ paripaśyan |jīvanmuktohaṅkṛtahīnaśśivayogītaṃ cinmātraṃ sākṣiṇamekaṃ śivamīḍe || 14||

नित्यं शान्तं निर्गुणमार्यं निखिलस्थंदीपाकारं सद्गुरुतोऽयं मुद्रिकया ।दृष्ट्वा नित्याभ्यासवशाद्यः परिपूर्णस्तं चिन्मात्रं साक्षिणमेकं शिवमीडे ॥ १५॥

nityaṃ śāntaṃ nirguṇamāryaṃ nikhilasthaṃdīpākāraṃ sadguruto'yaṃ mudrikayā |dṛṣṭvā nityābhyāsavaśādyaḥ paripūrṇastaṃ cinmātraṃ sākṣiṇamekaṃ śivamīḍe || 15||

अक्षिण्येनं दक्षिण ईशं शशितुल्यं यंव्योम्न्येकीकृत्य शिवेतं परमे च ।सर्वात्मानस्संसृतिपाशादिह मुक्तास्तं चिन्मात्रं साक्षिणमेकं शिवमीडे ॥ १६॥

akṣiṇyenaṃ dakṣiṇa īśaṃ śaśitulyaṃ yaṃvyomnyekīkṛtya śivetaṃ parame ca |sarvātmānassaṃsṛtipāśādiha muktāstaṃ cinmātraṃ sākṣiṇamekaṃ śivamīḍe || 16||

दृश्यो देहो नायमहं सत्सुखमात्रंचिद्रूपोऽस्मीत्यैक्यमुपेत्योपरि येन ।संसारोत्थ शोकमनन्तं विजहातितं चिन्मात्रं साक्षिणमेकं शिवमीडे ॥ १७॥

dṛśyo deho nāyamahaṃ satsukhamātraṃcidrūpo'smītyaikyamupetyopari yena |saṃsārottha śokamanantaṃ vijahātitaṃ cinmātraṃ sākṣiṇamekaṃ śivamīḍe || 17||

आकाशादीन् भूतविकारानपलाप्यस्वाधिष्ठानं शेषितमस्मीत्यचिरेण ।ज्ञात्वा युक्त्या मुञ्चति चान्या इह वाचस्तं चिन्मात्रं साक्षिणमेकं शिवमीडे ॥ १८॥

ākāśādīn bhūtavikārānapalāpyasvādhiṣṭhānaṃ śeṣitamasmītyacireṇa |jñātvā yuktyā muñcati cānyā iha vācastaṃ cinmātraṃ sākṣiṇamekaṃ śivamīḍe || 18||

ज्ञाते यस्मिन् सर्वविदं स्याद्विदितं स्यादज्ञातेस्मिन् नैव समस्तं विदितं स्यात् ।नानुध्यायाद्यद्विदसत्सबहुशब्दांस्तं चिन्मात्रं साक्षिणमेकं शिवमीडै ॥ १९॥

jñāte yasmin sarvavidaṃ syādviditaṃ syādajñātesmin naiva samastaṃ viditaṃ syāt |nānudhyāyādyadvidasatsabahuśabdāṃstaṃ cinmātraṃ sākṣiṇamekaṃ śivamīḍai || 19||

वाचं त्यक्त्वा सद्गुरुवक्त्राच्छुतिवाक्याद्वक्तारं यं प्रत्यगमिख्यं परिपूर्णम् ।लोकातीतं नैव विजानन् भवभावस्तं चिन्मात्रं साक्षिणमेकं शिवमीडे ॥ २०॥

vācaṃ tyaktvā sadguruvaktrācchutivākyādvaktāraṃ yaṃ pratyagamikhyaṃ paripūrṇam |lokātītaṃ naiva vijānan bhavabhāvastaṃ cinmātraṃ sākṣiṇamekaṃ śivamīḍe || 20||

यो वै भूमा यस्सुखरूपः परमात्माद्यावापृथ्वी चापि यदन्तर्गुणहीनः ।प्राणप्राणो देह इहाहम्पदलक्ष्यस्तं चिन्मात्रं साक्षिणमेकं शिवमीडे ॥ २१॥

yo vai bhūmā yassukharūpaḥ paramātmādyāvāpṛthvī cāpi yadantarguṇahīnaḥ |prāṇaprāṇo deha ihāhampadalakṣyastaṃ cinmātraṃ sākṣiṇamekaṃ śivamīḍe || 21||

प्रागोङ्कारं षोडशधैव प्रविभज्यस्वत्वेनास्तान् भागचतुष्कं तुर्याशन् ।सम्यक्पश्यंस्तत्र चतुर्थं पदमेनंतं चिन्मात्रं साक्षिणमेकं शिवमीडे ॥ २२॥

prāgoṅkāraṃ ṣoḍaśadhaiva pravibhajyasvatvenāstān bhāgacatuṣkaṃ turyāśan |samyakpaśyaṃstatra caturthaṃ padamenaṃtaṃ cinmātraṃ sākṣiṇamekaṃ śivamīḍe || 22||

यस्मिन्नोतं प्रोतमितीत्थं जगदेतत्तात्पर्येणैवोपनिषद्भिः प्रतिपाद्यम् ।सोऽहं नान्यः कश्चन मन्तो विदुरेवंतं चिन्मात्रं साक्षिणमेकं शिवमीडे ॥ २३॥

yasminnotaṃ protamitītthaṃ jagadetattātparyeṇaivopaniṣadbhiḥ pratipādyam |so'haṃ nānyaḥ kaścana manto vidurevaṃtaṃ cinmātraṃ sākṣiṇamekaṃ śivamīḍe || 23||

अव्यक्तादप्यस्ति परो यः पुरुषोऽन्तेयस्मिन्नेतत्कल्पितमन्यैः श्रुतिहीनैः ।ज्योतीरुपं भेदविहीनं परमार्थंतं चिन्मात्रं साक्षिणमेकं शिवमीडे ॥ २४॥

avyaktādapyasti paro yaḥ puruṣo'nteyasminnetatkalpitamanyaiḥ śrutihīnaiḥ |jyotīrupaṃ bhedavihīnaṃ paramārthaṃtaṃ cinmātraṃ sākṣiṇamekaṃ śivamīḍe || 24||

तत्त्वं त्वं तत्सोऽहमहं सोऽस्म्यखिलात्मेत्यैक्यं विद्वानत्र विदित्वा विमलात्मा ।स्वात्मारामोऽखण्डरसात्मा श्रुतिसिद्धस्तं चिन्मात्रं साक्षिणमेकं शिवमीडे ॥ २५॥

tattvaṃ tvaṃ tatso'hamahaṃ so'smyakhilātmetyaikyaṃ vidvānatra viditvā vimalātmā |svātmārāmo'khaṇḍarasātmā śrutisiddhastaṃ cinmātraṃ sākṣiṇamekaṃ śivamīḍe || 25||

द्युभ्वादीनामायतनं यस्सकलानामात्मैतेषां प्राणभृतामप्यखिलात्मा ।जीवेभ्योऽन्योऽप्यत्र यदन्ये न च जीवास्तं चिन्मात्रं साक्षिणमेकं शिवमीडे ॥ २६॥

dyubhvādīnāmāyatanaṃ yassakalānāmātmaiteṣāṃ prāṇabhṛtāmapyakhilātmā |jīvebhyo'nyo'pyatra yadanye na ca jīvāstaṃ cinmātraṃ sākṣiṇamekaṃ śivamīḍe || 26||

आनन्दो हि स्यात्प्रचुरोऽयं मयहन्तःपुच्छब्रह्मेत्याहुरसत्तच्छ्रुतिहानेः ।नायं जीवः पञ्चमकोशोऽतीतत्वात्तं चिमात्रं साक्षिणमेकं शिवमीडे ॥ २७॥

ānando hi syātpracuro'yaṃ mayahantaḥpucchabrahmetyāhurasattacchrutihāneḥ |nāyaṃ jīvaḥ pañcamakośo'tītatvāttaṃ cimātraṃ sākṣiṇamekaṃ śivamīḍe || 27||

कौक्षेयाग्निर्नैव च वैश्वानरशब्दोभूताग्निर्वानापि तदीयो न च देवः ।शारीरो वा नासितु विमलः कूटस्थस्तं चिन्मात्रं साक्षिणमेकं शिवमीडे ॥ २८॥

kaukṣeyāgnirnaiva ca vaiśvānaraśabdobhūtāgnirvānāpi tadīyo na ca devaḥ |śārīro vā nāsitu vimalaḥ kūṭasthastaṃ cinmātraṃ sākṣiṇamekaṃ śivamīḍe || 28||

जीवाजीवावत्र शरीरे वसतो द्वावेको भुङ्क्ते कर्मफलं यस्त्वितरोऽस्मात् ।ईशोऽनश्नन् पाययतीतरवाक्ये यंतं चिन्मात्रं साक्षिणमेकं शिवमीडे ॥ २९॥

jīvājīvāvatra śarīre vasato dvāveko bhuṅkte karmaphalaṃ yastvitaro'smāt |īśo'naśnan pāyayatītaravākye yaṃtaṃ cinmātraṃ sākṣiṇamekaṃ śivamīḍe || 29||

छान्दोग्ये हि श्रूयत एवं तत्सत्यंतत्त्वं पुत्रायारुणिवाक्यं निरवद्यम् ।तन्निष्ठस्यात्र तथा मुक्त्युपदेशात्तं चिन्मात्रं साक्षिणमेकं शिवमीडे ॥ ३०॥

chāndogye hi śrūyata evaṃ tatsatyaṃtattvaṃ putrāyāruṇivākyaṃ niravadyam |tanniṣṭhasyātra tathā muktyupadeśāttaṃ cinmātraṃ sākṣiṇamekaṃ śivamīḍe || 30||

अव्यक्तस्येवेक्षति कर्मानुपपत्तेस्साङ्ख्योक्तस्याशब्दतयापि च जाड्येन ।न ज्ञेयत्वं यस्य तु नोक्तानुपपत्तिस्तं चिन्मात्रं साक्षिणमेकं शिवमीडे ॥ ३१॥

avyaktasyevekṣati karmānupapattessāṅkhyoktasyāśabdatayāpi ca jāḍyena |na jñeyatvaṃ yasya tu noktānupapattistaṃ cinmātraṃ sākṣiṇamekaṃ śivamīḍe || 31||

लीलारूपा कवदेषा खलु सृष्टिस्त्वमीशस्यास्यां नैव फलं परितृप्तस्य ।कर्मापेक्षं ज्ञानिषु लोके विषमत्वंतं चिन्मात्रं साक्षिणमेकं शिवमीडे ॥ ३२॥

līlārūpā kavadeṣā khalu sṛṣṭistvamīśasyāsyāṃ naiva phalaṃ paritṛptasya |karmāpekṣaṃ jñāniṣu loke viṣamatvaṃtaṃ cinmātraṃ sākṣiṇamekaṃ śivamīḍe || 32||

औदासीन्यं वास्तवमात्मनि संसिद्धंस्रष्टुत्वादिशक्तिगधर्मोप्युपपन्नः ।नाव्यक्तादेरित्युपदेशादसकृद्वैतं चिन्मात्रं साक्षिणमेकं शिवमीडे ॥ ३३॥

audāsīnyaṃ vāstavamātmani saṃsiddhaṃsraṣṭutvādiśaktigadharmopyupapannaḥ |nāvyaktāderityupadeśādasakṛdvaitaṃ cinmātraṃ sākṣiṇamekaṃ śivamīḍe || 33||

जीवस्यैवोत्क्रान्तिरमुष्माद्गतिरेर्नलोकं प्रत्युष्यागतिरन्यस्य तु भूम्नः ।निश्चेष्टत्वान्नापि च बुद्धेर्जडतायास्तं चिन्मात्रं साक्षिणमेकं शिवमीडे ॥ ३४॥

jīvasyaivotkrāntiramuṣmādgatirernalokaṃ pratyuṣyāgatiranyasya tu bhūmnaḥ |niśceṣṭatvānnāpi ca buddherjaḍatāyāstaṃ cinmātraṃ sākṣiṇamekaṃ śivamīḍe || 34||

संज्ञामूर्त्योः क्लृप्तिरधीशस्य हि कर्मत्रेधैकैकां कुर्वत एवं श्रुतिशब्दात् ।यस्माजीवोऽनन्य इतीहाभ्युपगम्यस्तं चिन्मात्रं साक्षिणमेकं शिवमीडे ॥ ३५॥

saṃjñāmūrtyoḥ klṛptiradhīśasya hi karmatredhaikaikāṃ kurvata evaṃ śrutiśabdāt |yasmājīvo'nanya itīhābhyupagamyastaṃ cinmātraṃ sākṣiṇamekaṃ śivamīḍe || 35||

भूतैर्जीवोनन्तरदेहप्रतिपत्तौरंहत्येवं कर्मफलानामुपभुक्त्यै ।रेतस्सिग्योगोथ भविष्यत्यह यस्मात्तं चिन्मात्रं साक्षिणमेकं शिवमीडे ॥ ३६॥

bhūtairjīvonantaradehapratipattauraṃhatyevaṃ karmaphalānāmupabhuktyai |retassigyogotha bhaviṣyatyaha yasmāttaṃ cinmātraṃ sākṣiṇamekaṃ śivamīḍe || 36||

विद्याभेदो वेद्यभिदाप श्रुतिशीर्षैर्नैवोच्येत प्राकृतदृष्टेस्सगुणा स्यात् ।अन्या शैवी निर्गुणरूपा यदधीनातं चिन्मात्रं साक्षिणमेकं शिवमीडे ॥ ३७॥

vidyābhedo vedyabhidāpa śrutiśīrṣairnaivocyeta prākṛtadṛṣṭessaguṇā syāt |anyā śaivī nirguṇarūpā yadadhīnātaṃ cinmātraṃ sākṣiṇamekaṃ śivamīḍe || 37||

कार्योत्कर्षात्सर्वपदार्थे शिवदृष्टिस्तंवान्तेस्मिश्छास्ति च शास्त्रं सदयं यम् ।विन्नो वेदोत्कर्षयनन्यप्यपकर्षंतं चिन्मात्रं साक्षिणमेकं शिवमीडे ॥ ३८॥

kāryotkarṣātsarvapadārthe śivadṛṣṭistaṃvāntesmiśchāsti ca śāstraṃ sadayaṃ yam |vinno vedotkarṣayananyapyapakarṣaṃtaṃ cinmātraṃ sākṣiṇamekaṃ śivamīḍe || 38||

भूमानन्दस्सैन्धवतुल्यस्त्वविनाशःकूटस्थात्मा ह्यक्षररूपो क्षरगम्यः ।यस्य ब्रह्मक्षत्रमपि स्यादशनार्थतं चिन्मात्रं साक्षिणमेकं शिवमीडे ॥ ३९॥

bhūmānandassaindhavatulyastvavināśaḥkūṭasthātmā hyakṣararūpo kṣaragamyaḥ |yasya brahmakṣatramapi syādaśanārthataṃ cinmātraṃ sākṣiṇamekaṃ śivamīḍe || 39||

पुरुषस्यास्मिन्वागपि चित्ते चित्तं चप्राणे प्राणस्तेजसि तेजो विदुषोऽस्मिन् ।यद्रूपं तदेहायोगेपरिलीनंतं चिन्मात्रं साक्षिणमेकं शिवमीडे ॥ ४०॥

puruṣasyāsminvāgapi citte cittaṃ caprāṇe prāṇastejasi tejo viduṣo'smin |yadrūpaṃ tadehāyogeparilīnaṃtaṃ cinmātraṃ sākṣiṇamekaṃ śivamīḍe || 40||

न्यूनाधिक्यं नोत्तरदक्षिणसंज्ञाभ्यामुत्क्रान्तस्याप्यत्र विदुस्स्यादयनाभ्याम् ।भित्वादित्यं गच्छति सिद्धं ब्रह्मस्थंतं चिन्मात्रं साक्षिणमेकं शिवमीडे ॥ ४१॥

nyūnādhikyaṃ nottaradakṣiṇasaṃjñābhyāmutkrāntasyāpyatra vidussyādayanābhyām |bhitvādityaṃ gacchati siddhaṃ brahmasthaṃtaṃ cinmātraṃ sākṣiṇamekaṃ śivamīḍe || 41||

उत्पत्त्यादिव्याहृतिवर्जं त्वणिमादिस्यादैश्वर्यं मुक्तभवानां विदुषां च ।नावर्तन्ते लोकमिमं ते खलु शब्दात्तं चिन्मात्रं साक्षिणमेकं शिवमीडे ॥ ४२॥

utpattyādivyāhṛtivarjaṃ tvaṇimādisyādaiśvaryaṃ muktabhavānāṃ viduṣāṃ ca |nāvartante lokamimaṃ te khalu śabdāttaṃ cinmātraṃ sākṣiṇamekaṃ śivamīḍe || 42||

इति ज्ञानवासिष्ठे चतुर्थपादे षष्ठाध्याये शिवमीडेस्तवः सम्पूर्णः ।

iti jñānavāsiṣṭhe caturthapāde ṣaṣṭhādhyāye śivamīḍestavaḥ sampūrṇaḥ |